حائره

مساء الخير
 
عندى أمر أريد أتحدث فيه معاكم ومشكلتى يمكن البعض يحتقرنى لما أحكيها لكن عندى عشم أنى أجد حد يقدر يفهمنى خصوصا النساء اللى مثلى وخصوصا المتزوجات
من غير تطويل فى  لكلام 
 
أنا عمرى 35 سنه متزوجه من عشر سنين وزوجى عمره 45 سنه ومن 3 سنين بالظبط جاله القلب وكان هيروح فيها بس الحمد الله الرب حماه
 
ويومها كان شهر كامل قضناه بين المستشفيات وغرف الرعايه المركزه بس من يومها وهو ماشى على الدوا تمام والحمد لله ومش دى المشكله
 
المشكله هى ان من يومها طبعا فى موضوع دقيق جدا بين الرجل وزوجته والموضوع ده احنا متكلمناش فيه اطلاقا وطبعا مليش عين أتكلم فيه وقتها
 
لكن الان وبعد 3 سنين من علاقه أخويه مع زوجى خلاص مش قادره أتحمل مهما كان أنا بشر وخايفه أنى أقع فى الخطيه وفى نفس الوقت ده جوزى وأبو عيالى واللى لا يمكن أسيبه مش بس خوف من كلام الناس لا لانى فعلا عاوزه أقف جنبه
 
مش قادره ولا هقدر عمرى أتكلم فى الموضوع معاه
 
فى حاجه لازم أقولها فى الموضوع لأنها مهمه    أنا مسيحيه ولا يجوز لى الطلاق لكن حتى لو كنت مسلمه ودينى يسمحلى برخصه الطلاق لا يمكن أعترف ان واحده تطلق من زوجها ابدا ومؤمنه بان الطلاق فتنه وضياع وبجد حبيت اعرض مشكلتى لسبب واحد وهو انى فعلا متدينه وخايفه من ربنا ومش عاوزه أقع فى الخطيئه
 
واتمنى ان اجد نصيحه من أى حد يقدر يساعدنى بيها
 
وفقكم الله ورعاكم

مرحبا بحضرتك معانا وألف سلامه على زوج حضرتك

لكن أريد ان أقول شىء من قال بان مريض القلب لا يقدر ان يعيش حياه زوجيه طبيعيه طبعا فى اعتقاد خاطىء بان مريض القلب لا يقدر على ممارسة الحياه الزوجيه

لكن قبل ان أقول لكى على أى نصيحه يجب اولا ان اعرف بأى مرض مصاب هو لان مفيش حاجه أسمها انه عنده القلب كده وخلاص واكيد طبعا فى أمراض كتير

ومره اخرى شكرا على حضورك وربنا يزيدك من الإيمان والوفاء لزوجك إن شاء الله ويديم عليكم نعمة الحب

عندى بس تعقيب صغير وأخير وهو ان الدين الإسلامى قد شرع الطلاق لحكمه كبيره وانه أبغض الحلال

تحياتى

ياه انا كنت يأست أن حد يرد عليا
 
بس بجد كلامك جديد وأول مره أسمعه
 
هو اللى جاله بالظبط جلطه وهو حاليا كويس جدا
 
وماشى على أدويه كتير
 
ممكن انقل لحضرتك بالظبط نتيجة التحاليل والتقارير بس  فى وقت تانى لأنها ببالأنجليزى ومتشكره  جدا على ردك

ياه انا كنت يأست أن حد يرد عليا
 
بس بجد كلامك جديد وأول مره أسمعه
 
هو اللى جاله بالظبط جلطه وهو حاليا كويس جدا
 
وماشى على أدويه كتير
 
ممكن انقل لحضرتك بالظبط نتيجة التحاليل والتقارير بس  فى وقت تانى لأنها ببالأنجليزى ومتشكره  جدا على ردك