ما هو مفهوم شرف الفتاة لديك .. ؟؟

dandana ali كتب:عذارى موضوع اكثر من رائع

ومستغربه انى اول واحده ارد هههههه بس انا فرحانه طبعا

موضوعك جميل وانا طبعا مارداش انى اكون شىء سهل المنال احب انى اكون جوهره غاليه جداااااا

ميرسى ليكى ياسكر

لحظه غروب كتب:عذوره موضوع جامد أووووووووووووى

أيه الجرأه دى هههههههه

طبعا انا معاكى بس هو ليه ديما اللوم علينا بس يعنى أقصد ان الولد لما بيكلم بنات وكده بيكون انه أل يعنى واد فتك وجامد وكده

لكن البنت بيحكموا عليها بالاعدام لو فعلت نفس الشىء

ياريت نناقش الحته دى كمان

يعنى مثلا لو فى أب عرف ان أبنه مصاحب واحده هل هيكون بنفس رد الفعل ان لو عرف ان فى واحد مصاحب بنته ؟

لحظه غروب كتب:طيب انا هقربلكم قصدى بمثال فرضنا أن ولد وبنت غلطوا مع بعض وبعد لما غلطوا ولوفرضنا مثلا ان الغلطه دى هى انهم اتجوزا عرفى وبعدها سابوا بعض الأتنين واعترفوا بغلطهم بعدها ممكن الولد يعيش حياته عادى ويتقدم لواحده وتوافق عليه عادى جدا لكن البنت بتكون حياتها اتدمرت نهائيا وده الوضع عندنا فى مصر على الأقل واكيد كده فى كل الدول العربيه ليه كده مع أنهم هم الاتنين غلطوا ويستحقوا نفس العقاب ؟

فاروق المصرى كتب:لا طبعا يا لحظه فى المثال اللى قولتيه صحيح البنت غلطت نفس الغلطه

لكن الولد مخسرش حاجه لكن هى خسرت شىء مهم لا يمكن تعويضه علشان كده هى ذنبها اكبر والمجتمع لازم ينظرلها بنظره أسوأ

وكمنا هى لازم تكون أكثر حرصا ممن الولد

dandana ali كتب:يالحوظه احنا فى مجتمع شرقى ومسلم

واحنا البنات علينا مسئوليه اكتر

وده اختبار بسيط للبنت الواعيه المحترمه

انا فاهمه انك عايزه تقولى ان المجتمع ممكن بيظلم البنت اكتر

بس كل حاجه بيدها هى

والبنت المحترمة قويه ومش ممكن حد يأثر عليها

يعنى لازم يبقى فى كده زى امتحان يفرق كل واحده عن التانيه

والله اعلم

دكتور خالد كتب:موضوع جرىء وكاتب الموضوع مين ؟؟ عذارى مش مصدق ههههههههههههههه

طيب هجز ردى واجيلكم بعد شويه واضح ان النقاش سخن

نهى كتب:انا مش معاكم فى المنتدى بس سعات بنحط البنت فى مكان المحكوم عليه بالاعدام
معاك ان البنت غلطانه لما تكلم ولد بس هى كمان خسرانا و قلبها بجد بيبقى مختلف
لو شفت بنت مصحبه و بنت لا هتلاقى الحياء ظاهر
و الولد كمان لما بيصاحب بيخسر
انا ايه اللى يخلينى اتجوز واحد صاحب قبلى ميه
و يعرف قبلى متان
حتى هو مش عارف يحب مش بيحس بشعور مختلف
عشرين قلتلوا بحبك بصدق
قال بحبك لكذا واحده
ازاى يحس بشعور جديد فى الخطوبه و الجواز
ربنا لما حرم الارتباط الرجل بالمراه
عشان ربنا بجد بيحبنا عايزه نحس بالمتعه و الاحساس الرائع صح
نحسوا بنقاء و حلوه
ربنا مفرقش فى عقابوا بين الذكر و الانثى ولا سرقه ولا زنا
مجتمعنا بس هو اللى بيفرق
انا بنسبالى ولد زى البنت
بس عارف ولد المصاحب عايز يتجوز بنت محترمه مؤدبه
مع ان ربنا قال ان المومن للمومنه و زانى للزانيه
ه  

نوسة كتب:

موضوعك حلو وجرئ يا عذورة
بالنسبة ليا انا لااقبل اطلاقا انى ارخص نفسى لواحد حتى لو انا مثلا حبيته لان فى ناس بتعمل بلاوى تحت اسم الحب اللى هو برئ منهم
البنت لازم تكون جوهرة ميملكهاش الا شخص واحد اللى هو زوجها طبعا
مش تبقى فى ايد كل واحد شوية
والله انا مش عارفة البنات دى بتفكر ازاى

ده حتى الشباب والبنات بيقولوا على اى واحدة ماشية مع واحد دى البت بتاعت فلان عاوزة افهم فين كرامتها اللى سمحت لنفسها ان يتقال عليها كدة
وطبعا الشاب بيمشى يتباها بانه بيضحك ع البنات وفاكر نفسه فلانتينو وهى بعبطها وسذاجتها مدياله فرصة لكدة مع ان هى الخاسر الوحيد




اما بالنسبة لكلام يا لحظة

هى البنت فى مجتمعنا الشرقى مقهورة فى حاجات كتير ههههههههه مش بس فى الموضوع ده وطبعا الشباب فى مجتمعنا واخدين حقهم تالت ومتلت ههههههههه مش بحسد خالص

انا بس فى الموضوع ده عاوزة اعرف ليه المجتمع مش بيدين الشاب ولا بيحاسبه مع انه ادام ربنا مدان وهيتحاسب زيه زى البنت
وليه الولد مش بيراعى ربنا او يستحرم حكايه تعليق البنات دى

مع ان والله لسة فى بنات بتقول ده حرام لكن مبحسش ان الولاد بيعملوا اى اعتبار لموضوع الحرمانية فى كدة

لييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه؟

dandana ali كتب:مش عارفه يانوسه
بس اعتقد احنا عندنا بيتأثر لما بيطلب ايد واحده

لو اهلها محترمين وخايفين على بنتهم وهى كمان

بيسألو عنوا هههههههههههه ومافيش حاجه بتستخبى عندينا

فبيترفض لو طلع انو بتاع بنات
اعتقد ان بكده بيتأثر

لكن طاب احنا نعمل ايه مجتمعنا كده
وبعد كده تعالو قولولى افرض مثلا تخيلوا معايا ان احنا مجتمعنا بقى مفتوح زى الدول الغربيه عامة

حيبقى ايه الموقف؟؟؟؟؟

فكروا كده
عارفه ممكن تقولو ان البنت المحترمه مش حتتأثر
بس للأسف فى الزمن ده بنات كتير حتتأثر وتبقى زى اللى بنشوفهم بره
وما اتعقدش ان حد يرضى بكده

فبالتالى المجتمع شد على البنت فبالتابعيه شد على الولد لأن المفروض انه مش حيلقى حد يكلمو هههههه

واحنا كده وتعالو شوفو الجامعه ههههههههه اييييييييييييه مولد
بتكلم جد
ولد مع بنت احنا بالنسبالهم حاجه غريبه كائنات متخلفه وكده يعنى ههههههههههه

أمال بقى لو مجتمعنا ساب اللجام للبنت حيحصل ايه
علشان كده با أعتقد ان كده احسن
وعلى كده ومافيش حصوه ملح
ولا فى الولد ولا البنت
احنا مجتمع شبه مفتوح خلاص ربنا يستر الحريه بقت شماعه يتعلق عليها اى حاجه

اسفه على الأطاله

وفين عذاااااااااااااااااااااارى
صاحبة الموضوع سابتنا هههههههههههههههههههههههههه

نوسة كتب:

انا عارفة ان العادات دى فى صالحنا لان ده الصح لكن ليه متسريش ع الولد زى البنت
وليه برده الشباب معظمهم بيكون عندهم انانية هو يمشى مع بنات بعدد شعر راسه
ويوم ما يحب يرتبط عوز واحدةمحترمة ويكون هو اول واحد فى حياتها
طب ماهى كمان من حقها تاخد واحد تكون هى اول واحدة فى حياته
ههههههههههههههههه لكن ده طبعا مستحيييييييييييييييييييييييييييييييييييييييل
مع ان ده حقها اشمعنا هى تخلصله من قبل ما تشوفة ويبقى هو اول واحد فى حياتها
وهو هههههههههه عرف بنات على قد ما يقدر وهى كدة جت فى الاخر.......
هى جت عشان تخدمه وتصونه وتراعيله بيته وتربيله ولاده..........
والولد طبعا يرفض يرتبط باى واحدة كانت ليها اى علاقة بولد
لكن البنت بتقبل عادى ولد كان ليه علاقة بميت بنت عاااااااااااااادى اصل ده ولد
اشمعنا يعنى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عسل أسود كتب:أخباركم عاملين أيه أستغلتم تانى وده شىء كويس جدا
 
هو أنا بس ملاحظ ان كل البنات عماله تقول أشمعنه الولد بيمشى مع بنات بس البنات مش من حقها تعمل كده
 
بصراحه انا شايف أن دى هى الطبيعه يا جماعه والسبب طبعا ان الولد مهما مشى مع بنات مش بينقص شىء خالص وممكن تانى
 
يوم يتوب ويبدأ من جديد لكن البنات حتى لو تابت بيكون ليها توابع سواء طبيعيه او غيرها
 
علشان كده لازم يكون فى تفريق فى المعامله وقسوه أكتر على البنت وأنا شايف ان ده بيكون عدل وفى مصلحتها