حيره بين الصديق والحبيب

عاوز أعرف رأيكم فى حاجه يا جماعه
 
أنا ليا صديق بحبه جدا وأحنا اصحاب من أيام أبتدائى وحتى الان يعنى اكتر من عشرين سنه ودخلنا الجامعه سوا وفى واحد زميلتنا اتعرفنا عليها وبصراحه انا كنت معجب بيها جدا بس قولت أفكر الأول قبل خطوة الزواج وبعد لما فكرت وقررت أى أخطبها وجدت صديقى بيقولى انه بيحبها جدا وأنه هيكلمها فى الموضوع وأنه عاوز يتجوزها فطبعا سكت ومقولتلوش وراح قالها وهى قالته أنه زى أخوها فجانى وكان محبط جدا جدا وبعدها حسيت أنها  بتميل ليا وحسيت ده فى أكتر من موقف لغاية لما حصل موقف وأتأكدت مليون فى الميه أنها بتحبنى وأنا عاوز اتقدم ليها لكن صديقى كل يوم يجى ويفضل يشتم فيها على الأقل نصف ساعه وأنا مش عارف هواجهه ازاى وأقوله أنهناه تكون مراتى مع العلم انى بحبها جدا وفى نفس الوقت بحب صديقى جدا
 
ياريت أسمع رأيكم

انا شايفة انك تتقدملها وبدين صاحبك لو بيحبك بجد هيتمنالك الخير وهيفرحك طالما عرف انك فرحان اتوكل على الله وربنا يوفقك