عادى!!!!!!!!!!!

من طرف **dandana ali** السبت 23 أكتوبر 2010, 1:51 am

عادى
!!!!!

كل حاجة بقيت عادى
فى ايه بس يخلينا نقلق ؟؟ولا أيه بس يخلينا نخاف ؟؟ ولا أيه بس يخلينا نصاب بالأحباط ؟؟

ولا حاجة
ناس مش بتراعى ربنا
ناس بتتلذذ فى جرح الآخرين
ناس مش بتحب الخير لحد
ناس مش لاقيه تاكل
ناس بتضحك على بعضها
ناس بتجرى ورا مصلحتها
ناس بتكدب
او ناس بتصطنع المحبة
او نقول ناس بتحب مصلحتها وبس

معاكم مش الكل كده بس الاغلبية

طبعا بتقولو مالها دى ايه وصلة النكد واليأس اللى شغلتها
؟؟؟!!!!
هو احنا ناقصينك يعنى علشان تيجى تزويدها علينا
ما احنا تعبانين من الاول
عايزين اى حاجة نهرب ليها ترسم لينا ابتسامة حلوه
تنسينا اللى مضايقنا وتخفف علينا شوية من اللى بنشوفه
او ممكن نهرب لأى موضوع او اى حد ونضحك ونضحك ونضحك
وممكن نكون فى الآخر بيضحك علينا

اعذرونى
دى مش وصلى نكد ولا يأس
دى أغنية بقيت أسمعها كل يوم
السنة دى غير اى سنة عدت عليا
اه انا كنت فاكره كده
بس لقيت أن مش عليا أنا بس
الكل بقى تعبان
اللى من الروتين
مع المشاكل اليومية
مع المشاكل العامة
ظلم
كل حاجة
أحنا بقينا او قربنا نبقى زى القنبلة الموقوتة
ممكن تنفجر فى أى لحظة

عارفين كلامى مايفرقش غير مع الناس اللى بتحاول تحافظ على أتزانها أو اللى يفرق معاها فعلا
فى شباب فعلا أستسلموا للأمر الواقع وهربوا بطريقتهم تحت مثلا شعار الحرية والكول والفانكى .... الخ

أنا فعلا مش لاقيه حاجة ممكن تضحكنا حاليا فى الوضع الراهن
كل حاجة محتاجة أعادة تنظيم
وكل فرد مننا محتاج أعادة ترتيب لأفكاره
والناس اللى عايشة وفاكرة أنها أنها أمتلكت الكون
لازم تعرف انها مش باقية لحد هههههههههههههههههه

الناس اللى مش بتفكر فى غيرها ولا بتعملهم اى اعتبار
والكل ورا مصلحته
ولو ممكن لو حد غنى متسلط وشاف حد فقير ولا يهمه اى حاجة بالعكس بيعتبروهم عالة على المجتمع
ههههههههههه
ايه السواد اللى فى القلب ده وعدم الرحمة بالغير
وبعد كده تيجى السينما تتناقش عنهم وتعمل افلام توضح الفقر والقحط اللى بيشوفوه
اه ياجماعة أمال ايه يعنى
احنا بنمثل طبقة معينة من المجتمع محتاجة الرعاية
هههههههههههه
والافلام تتشهر بسبب المشاهد اللى فيها الناس تكسب والعيشه تبقى هنا
وتلبسى احلى فستان واجدد تسريحة شعر وفول ميكاب وتلبس احلى بدلة وتسوق عربية على الزيييييييييرو
لالالالالا
بلاش حقد بأه كفاية يعنى ههههههههههههههه دى ناس بتتعب علشان توضح الفكره وتبين لينا مرارة الفقر
عااااااااااااااااااااادى
ولما تقول الدين ياجماعة ... لا انت متعصب
بلاش كده
عااااااااااااااااااااااادى
لما تكتشف ان كل اللى بتدرسة واللى حتدرسه مش حتستفيد بيه بعد ماتتخرج ومناهج قديمة وبالنسبة لينا أجدويه خلاص راحت عليها ههههه
دى سياسة جامعة ووزارة
هههههههههههههه
طاب أذاكر ليه؟؟؟
واتعب فى أعصابى ليه؟؟
وطبعا قبل ما أنسى ليس لك حق الاعتراض
ولو تعبت فى سكشن ولا كان حيغمى عليك
او لو زى واحده زميلتنا اغمى عليها
ما شى سلامتك بس حتتحسبى غياب
اللى اغمى عليها دى جابتلها الدكتوره ميه وراحت تكمل باقى شغلها ههههههههههههه بس الحمد لله البنت فاقت
عاااااااااااااااااااادى

لما تلاقى أن فى شباب بتكون مضايقة بس بتضحك
عاااااااااااااااادى
ياعم هو حد واخد منها حاجة
حنعمل أيه يعنى
أدى الله وأدى حكمته

ده مش كلام يخليك تفكر فى سؤال او أسئله منها
ايه اللى بيحصل لينا ده ؟؟؟؟وليه؟؟
وراحين لفين بعد كده؟؟

الحمدلله على كل شىء
بس هو أحنا نستاهل كده
!!!!!!

الناس اللى مش لاقيه تاكل وغيرها بيحاول جاهدا انه يزود ثروته علشان يبقى الاحسن .. تستاهل كده
الطيب اللى بقى مش ليه مكان فى وسطينا يستاهل كده ؟؟؟

هههههههههههههههههه
أيه اللى انا بقوله ده نكدت عليكم ههههههههههههههه
معلشى معلشى معلشى
أختكم وقلت افضفض معاكم شوية
ما فضفضش يعنى هههههههههه

بس فعلا بلدنا لو ملحقناهاش وبدأنا بنفسنا الأول
وبطلنا نحبط شوية فى بعض هههههه أو لو لقينا حد متفائل شوية أو ناجح فى حاجة نستهيف بعمله
او من كتر الوقت الفاضى اللى احنا فيه بقينا نتريق على خلق الله ههههههههههههههه
ومانسيبش حد فى حالة فعلا وندخل فى صراع يومى
بنهرب او بنسلى وقتنا

بس عااااااااااااااادى
كل شىء بقى عادى
لازم يكون عندنا حبة او حبتين تلاته اربعه ستة برود هههههههههههه
علشان بس صحتك يعنى
اصلى الناس بقيت مش حلوه قوى اليومين دول

والناس المحترمه والجدعه بقوا نادرين قووووووووووووووووووووووى
ده طبعا مش فى مصر بس فى العالم كله
بس انا مالييش دعوه بالباقيين ليا دعوه ببلدى
اللى بحبها وعايزاها تبقى أحسن بلد فى العالم
وشبابها يبقوا أحسن شباب
والك يشاور ويقول

المصريين اهم .. حيوية وعزم وهمة
هههههههههههههه
مش فى أعلان الجبنة طبعا ههههههه
فى الحقيقة يعنى

أنا من منتدانا
بدعو كل الشباب
أوعوا تبطلو تحلموا
أو تبطلوا تتفائلوا

تعاونوااااااااااااااااااااااااااااااااااااا

والبنات تبطل شوية النفوس المريضه دى ههههههههههههه
أصلى تعبت منهم بصراحة وللأسف لازم بقينا نشتغل فى وان جروووب شفتم بقول للأسف ههههه
تعاونوااااااااااا

لأن لو بطلنا نحلم ونتفائل ونتعاون على الخير
حننتهى وحنتجنن بمعنى أصح ههههههههه

أحنا نبتدى نغير فى نفسنا للأحسن
وفى الاجيال اللى جاية

ونبطل نيأس
نزعل شوية بس نرجع نضحك تانى
مانفقدش الأمل
بلدنا حلوة والله بس محتجانا
وحتحتاج جهد كتيييييييييير علشان تتصلح شوية اتنين تلاتة هههههههههه

ولا أيه رأيكم؟؟؟؟؟
!!!!!!!!!!!!!!!!!!!!!!!!!!!!!!!!!

أسألكم الدعاء
ولكم منى أجدع سلاااااااام

وبمناسبة الاغنية انا بحبها جداااااااااااااااااا
فقولت تسمعوها معايا
ههههههه

من طرف **سجده** السبت 23 أكتوبر 2010, 4:54 pm

جميل يا دودو

بس قلبتي عليا المواجع

ولا قلبتي ليه هيا مبتتنسيش اساسا

وبعدين مينفعش بعد اللي بيحصل لنا ده نبقي عادي مفيش عادي اللي هيعيش عادي هيموت عادي وهيكون ولا شيء

ان شاء الله هنتغير وهنرجع شعب كريم تاني بس الصبر والعمل والحب والاخلاص لازم يعيشوا معانا في قلوبنا

تسلمي يا دودي وبارك الله فيكي

من طرف لحظه غروب السبت 23 أكتوبر 2010, 9:19 pm

أيه المواهب دى يا بنت ههههههههههههههههههه

لا كده شكلك هتبدأى تنافسى ههههههههههههههههه

من طرف **dandana ali** السبت 23 أكتوبر 2010, 9:57 pm

سجده نورتى التوبيك ياقمرى
ومعلشى لو قلبت المواجع بس لازم نواجهه علشان نتعظ
انا البارح كانت روحى خلاص هههههههههههه
كتبته يمكن اهدى

وانا معاكى ياقمر وقلت اننا لازم نصلح فى نفسنا الاول
وبلدنا تستاهل
ميرسى ليكى

لحوظة بفرح جداااااااااااا لما بتعلقى على توبيك ليا
نورتى ياسكرتى
وهو فى حد يقدر ينافسك برضو ابقى عبيطة هههههههههههه
رحم الله امرىء عرف قدر نفسه
نورتونى ياجماعة

فى انتظار البقية والساده الزوار

من طرف **عذاري** السبت 23 أكتوبر 2010, 10:06 pm

موضوع مميز
يسلموووووووووووو
جزاكي الله خيرا

من طرف **dandana ali** السبت 13 نوفمبر 2010, 11:19 pm

جزاكى الله خيرااا ياعذارى

نورتى التوبيك

عادى!!!!!!!!!!!

عادى!!!!!!!!!!!

رد: عادى!!!!!!!!!!!

رد: عادى!!!!!!!!!!!

رد: عادى!!!!!!!!!!!

رد: عادى!!!!!!!!!!!

رد: عادى!!!!!!!!!!!