مشكله

أنا مصريه ومقيمين فى الأردن مشكلتى بجد اللى مش قادره أبطلها أنى بشرب سجاير
 
أنا مش عارفه ده إدمان ولا أيه
 
طيب وأبطلها ازاى
 
يعنى أروح لدكتور ولا اعمل أيه
 
بالمناسبه ماما تعرف ومحاولتش تساعدنى خالص

على فكره بجد 
 
انا متشكره جدا على أهتمامك وعلى ردك و
أنا والله بحاول بس المشكله أنى سعات كتير بضعف بس فرحت أن ممكن حد يهتم ويحاول يساعدنى وحتى لو مبطلتش بجد فرحانه أنى تعرفت عليكى
 
هو انا بس كنت عاوزه أعرف حاجتين
 
هو أنا مثلا لو شربت سيجاره واحده فى اليوم بيكون الضرر أقل من لو شربت كتير ولا مش بتفرق
 
وتانى حاجه هو فعلا السجاير ممكن تجيب عقم ولا هو كلام إعلانات وخلاص

السلام عليكم

اهلا بيكي يا حبيبتي

وبعدين متشكرنيش ده حقك علينا لانك اختنا واحنا بنرحب بيكي في وسطنا ويارب نعرف نساعدك ونكون عند حسن ظنك

وانا اللي مبسوطه جدا اني اتعرفت عليكي وبحبك في الله لاني حسيت انك فعلا عاوزه تتغيري وبدعيلك ربنا يعينك وبرده احنا معاكي وانا تحت امرك في اي حاجه .

بالنسبه لموضوع علاقه التدخين بالعقم انا قريت مقال في الموضوع ده هنقلك جزء منه بيوضح ان التدخين فعلا يسبب العقم


أما عن تأثير التدخين على النساء فقد أثبتت الدراسات أن حملهن أصعب وإجهاضهن أيسر مقارنة بغير المدخنات، كما ثبت أن التدخين يؤدي إلى صعوبة الحمل وإلى خلل في إنتاج التبويض وعلى حيوية البويضة نفسها وعلى نضجها وتأثير التدخين على القنوات التي توصل الحيوانات المنوية وأيضا على توصيل البويضة بعد تلقيحها.


خطوات الإقلاع عن التدخين:

* الحصول على قدر كبير من الاسترخاء وبخاصة خلال الأيام الأولى من الإقلاع عن التدخين .
* الإكثار من أكل الفواكه والخضروات الطازجة وعدم تناول الأطعمة الدسمة.
* الإكثار من تناول الماء وذلك لتخليص الجسم من النيكوتين والمواد الضارة .
* حاول الابتعاد عن المدخنين وأجواء التدخين.
* إصرا ف النظر عن التفكر في العودة إليه عندما تحس بالحنين إليه.
* تذكر مضارة وتصبر عنه واشغل نفسك بشيء من الحلويات أو اللبان
* عود نفسك على استعمال السواك.
* تناول يوميا بعد الإفطار كأسا من الليمون لأنه يخفف من شدة الرغبة في التدخين .
* مراجعة أقرب عيادة لمكافحة التدخين.


وبعدين لو قلتي سسيجاره واحده في اليوم يبقي بدأتيها بالاستسلام وبعد كده سيجاره هتجر التانيه وتعيدي الكره تاني وترجعي لنفس المعاناه .

بنوته عامله ايه ياسكر
مبرحبا بيكى فى المنتدى وياريت بجد تعتبرينا زى اخواتك

وطبعا كنت ناويه اتكلم
بس سجوده حبيبتى كفت ووفت

فقلت علشان ادى حس يعنى ههههههه

بجد يابنوته التدخين مشكله وحاولى بجد وفكرى فى اللى قالتهولك سجده كويس
وربنا معاكى وينجيكى
واحنا فى الخدمه ياقمر

هو طبعا انتم رديتم عليها كويس جدا ما شاء الله عليكم بس هو أنا عندى معلومه ممكن تفيدكم وهى أن السيجاره الواحده مش مضره زى الكتير يعنى لو قللت يكون أحسن وشكرا