اتفضل بره من غير مطرود

من طرف **k_I_A_S_B** الجمعة 05 نوفمبر 2010, 4:46 am

كنت عائد إلى البيت وفوجئت بشىء غريب جدا ومستفز جدا ….وجدت أشخاص غريبه فى منزلى وبداخله والغريب أنه لا يتصرفون كلصوص بل يتصرفون وكأن ما يفعلونه شرعى ومن حقهم ……

وبعد فتره من الأستغراب والدهشه والصمت والعجز والضعف

فوجئت أنهم بدأوا يعتدون على أهلى وأخوتى

أندهشت وبشده وبدأت أفكر …هل ما يفعلونه شرعى أم غير شرعى ؟؟

هل هذا من حقهم أم ليس من حقهم ؟؟

توجهنا سريعا الى المحكمه وقمنا برفع قضيه على هؤلاء الأشخاص وأنتظرنا حكم المحكمه …….

وبعد مداولات ومشاورات ….

نطق القاضى حكم نهائى أن المنزل ملك لنا وأن علي هؤلاء الخارجين والغير شرعيين أن يتركوا المنزل فورا ويخرجوا وان ليس من حقهم دخول منزلنا وبيتنا إلا بإذن منا

الحمد لله …. الله أكبر ….ظهر الحق

ثم أنتظرنا ولكن الغريب أنه لم يحدث شىء وظل بيتنا محتل ولم يخرج الغرباء ومازال المنزل تحت الإحتلال

الان من يجب عليه تحرير بيه من مغتصبيه ؟؟؟

هل مازال يجب أن أنتظر ؟؟؟ هل ما زال يجب أن أصمت ؟

هل إذا تحركت أو فعلت شيئا سأصبح مشاغبا وخارج على القانون ؟؟

بعد إذنك يا أبو دبوره أتفضل أطلع بره من غير مطرود أنت شخص غير مرغوب فيه

محكمة القضاء الإدارى العليا أصدرت حكما نهائيا لا يجوز الطعن فيه أنه على حرس أمن الدوله أن يخرج خارج جامعتنا وأنه ليس من حق وزارة الداخليه أن تراقب العمل السياسى داخل الجامعه وأن الجامعه فقط تتبع وزارة التعليم العالى

كفايه كده وعلى ما أظن ان ظباط أمن الدوله عليهم ان يتحلوا بقليل من الإحساس ويتفضلوا من غير مطرود لانهم أشخاص غير مرغوب فيهم خصوصا بعد أحداث الفيوم والزقازيق

لكن على ما يبدو ان اللص الذى يحتل منزلنا والذى حكمت المحكمه بطرده لا يريد ان ينفذ أحكام القضاء ولا يريد أن يخرج

لذا على طلاب جامعة القاهره ان يسمعونى قليلا

يا طلاب جامعة القاهره إن جامعتنا هى أول بيت وضع للعلم وهى أول جامعه فى الوطن العربى كله ….. وفى أيام مضت فى تاريخنا كان طلاب جامعة القاهره يستطيعون تحريك الجامعه وكانت جامعة القاهره تحرك مصر كلها ومن ثم مصر تحرك العالم العربى

لا تنسوا ياطلاب الجامعه العريقه أن عليكم دور أكبر من غيركم والان ونحن فى قمة عصور التخلف والديكتاتوريه اصبحت الجامعات فى كافة البلاد العربيه ترسغ تحت نير القوات الأمنيه ويتم صد وتكميم كل صوت للحريات فيها

الان ونحن جميعنا كطلاب فى العالم محتلون ومقيدون من انظمتنا الفاسده …. ليس على الطالب السعودى فى جامعة الملك فهد ولا على الطالب الأردنى فى جامعته أن يصرخ وأن ينادى ولكن علينا نحن أن نبدأ وان نضحى إذا كان هناك من سيضحى

على طلاب جامعة القاهره ان يتحركوا سريعا ضد الإحتلال الأمنى لجامعتهم وإن لم نتحرك هذه المره لن تقوم لنا قائمه مره أخرى

علينا أن نتحد جميعا يدا واحده ضد القوات الأمنيه الغير شرعيه الموجوده بداخل الحرم الجامعى

على جميع التيارات السياسيه والدينيه ألا تختلف هذه المره وليترك الجميع مرجعياته وقادته قليلا ليوم واحد وان يعمل كطالب لتحرير الجامعه وعلى هذا اليوم الذى سنتحد فيه ان يكون قريبا وقريبا جدا

من طرف **عذاري** الجمعة 05 نوفمبر 2010, 5:58 am

مقال راااااااااااااائع
يسلمووووووووووووووو
جزاك الله خيرا

من طرف فاروق المصرى الجمعة 05 نوفمبر 2010, 11:47 am

الحكم نهائى يعنى المفروض حرس الجامعه يخرج من الجامعه ؟؟؟

يا جماعه عارفين أيه اللى هيحصل لو الحرس طلع ؟؟

ببساطه كل التيارات المختلفه هتشتغل بحريه جدا وعلى رأسهم طبعا الإخوان يعنى هنلاقى زى زمان الطالب الوفدى والطالب الناصرى والطالب الإشتراكى وطالب الإخوان وهنسمع كلام السياسه جوه الجامعه

وطبعا ده هيكون أكبر منافس وأكبر خطر على أى نظام

طبعا دى خطوه كويسه جدا فى أتجاه الحريه والتقدم الخ

لكن مش ده الطريق اللى ماشيين هم فيه دلوقتى والدليل على كده قفل الجرايد والقنوات فصعب أنك تخلى الحرس يطلع بره الجامعه فى الوقت ده خصوصا انك داخل على اهم واخطر انتخابات فى تاريخ مصر والعرب كلهم

علشان كده يا دكتور الموضوع صعب شويه

خصوصا بسبب الوقت الحالى

لكن أنا طبعا معاك واتمنى خروج الحرس من الجامعه

لكن التفائل والسهوله التى تتكلم بيها تدعو للحيطه خصوصا انك بتقول فى مصر والعالم العربى كله يعنى مثلا لو الحرص خرج من جامعة القاهره كده هنفتح عين الأخوه فى السعوديه واليمن والأردن وغيره على الموضوع

علشان كده مصر هتكون مطالبه بوأد الحركه الطلابيه دى فى مهدها

ولذا انا شايف انها مبادره حلوه لكنها صعب تنجح مع اأنى أتمنى نجاحها

لكن تفتكر ممكن نشوف مظاهره كبيره جوه الجامعه وضد الحرس ؟؟؟؟

المعروف ان المظاهرات تضامنا مع فلسطين الحرس بيضربها بالجزمه
تخيل بقى انت عاوز تعمل مظاهره ضد الحرس نفسه ههههههههههه

من طرف الشروق الجمعة 05 نوفمبر 2010, 3:31 pm

أتفق معاك قلبا وقالبا يا خالد ان حرس الجامعه مش بيأدى أى دور مفيد وان الجامعه المفروض تكون حره وكلامك لا غبار عليه ولكن :

كما قال أستاذ فاروق وجهة نظر عقليه منطقيه ان صعب أوى أنك تجمع الناس اليومين دول

ولو ده حصل يبقى فى وجهة نظرى إنجاز وأنجاز كبير كمان

لأن زى منت فلت أن جامعة القاهره هى بداية التحرك للجامعات العربيه كلها

من طرف ?\????? الجمعة 05 نوفمبر 2010, 4:52 pm

المشكله أنك أخترت توقيت خطأ جدا جدا جدا

هقولك ليه مع ان المفروض أننا بنتعلم منك

دلوقتى مصر كلها داخله على مناسبه مهمه وهى العيد الكبير غيد الأضحى

اما الطلبه اللى انتم عاوزين تجمعوهم

عندهم مناسبتين

الاولى هى العيد

والثانيه هى أمتحانات التيرم

يعنى مشغولين جدا

وصعب أن يكون فى مظاهره أو ما شابه أو حتى تجمع بسيط

شوفت بقى أنا مش فى مصر ولا فى جامعة القاهره بس انت حسبتها غلط المره دى

وفى حاجه تانيه كمان

لما بيكون فى تهييج للرأى العام بيكون غالبا علشان فلسطين او غيره

بيكون كلامك ضد إسرائيل

أما المره دى عاوز تهيج الطلبه وتجمعهم ضد الامن اللى كل الناس بتحترمه وتقدره وحتى القله اللى بتكرهه بتخاف منه

بجد قلبى معاك

من طرف **k_I_A_S_B** الجمعة 05 نوفمبر 2010, 10:12 pm

شكرا ليكم جميعا على كلامكم يا جماعه وعلى فكره الموضوع صعب فعلا زى ما قالت دكتوره شروق وبشمهندس فاروق أن الموضوع صعب لكنه طبعا مش مستحيل

أما دكتوره نيفين ردا على كلامها فالطلبه عندهم 3 مناسبات مش مناسبتين أنتى نسيتى مناسبه مهمه جدا وهى مناسبة اننا مصريين ومناسبة اننا بنحب بلدنا جدا

اما بقى كلامك أنك المفروض بتتعلمى منى ففعلا ده صحيح والدرس لسه مخلصش والظاهر لسه بدرى عقبال لما تتعلمى أو على الأقل لما ينجح الطلاب المره دى يمكن كتير يتعلموا

وعلى رأى عمنا فؤاد نجم لما قال

يا عم حمزه ورجعوا تانى التلامذه

انتظرى التلامذه فى جامعه القاهره وهتشوفى هيعملوا أيه بس ياريت تتعلمى المره دى

وشكرا

من طرف **سجده** السبت 06 نوفمبر 2010, 6:13 pm

هههههههههههههه

والله ي دكتور خالد موضوع الحرس ده كمان مصيبه سوده

كل حاجه في بلدنا محتله وكل منبر للكلمه الصادقه الحره محااااااااااااااصر وما اكثر الجدران العازله في بلدنا

المشكله انك بتتكلم عن ناس لا تستحي ابدا ولاتعرف معني للحياء يعني جبلات بالمعني الاصح

مش هينفع الذوق معاهم ابداوالكارثه ان القضاء يقول كلمته

ولا حياة لمن تنادي . تسمي ايه ده؟

الحل فعلا وحده وحركه وده مش بعيد علي شبابنا وبرده مش سهل ابدا مع نظام وداخليه زي المحروسه بتاعتنا .

وطول ما احنا ماشيين في طريقنا مش بعيد ابدا علينا التغيير وزهق الباطل بإذن الله
وطريق الالف ميل بيبدا بخطوه وده فعلا اللي عملناه

اما بالنسبه باه للاعياد فده موضوع تاني لان اللي عنده رساله وقضيه شايلها علي كفه وماشي بيها اعتقد انه مش هيحطها في الديب فريزر لحد ما العيد يخلص ولا الامتحان يعدي وبعدين يبقي يطلعها لما يفضالها علشان متحمضش .
رسالتنا وقضيتنا كالدماء تسري في عروقنا نحيا بها ولها وتعيش معنا كل سكناتنا وحركاتنا لا تعطل ولكن تعمل وتتحقق وتسمو بنا ونسمو بها .

جزيت خيرا يا دكتور خالد

من طرف ???? الأحد 07 نوفمبر 2010, 12:59 pm

كنت عاوزه بس أقول لدكتوره نيفين دى

أنتى معندكيش دم ؟؟؟

أيه اللى بيجيبك هنا

وهتشوفى الطلبه هيعملوا أيه

بجد أنتى شخصيه مستفزه

من طرف **سجده** الأحد 07 نوفمبر 2010, 9:26 pm

بسمه من فضلك احنا بنرحب بكل الاراء اللي معانا واللي ضدنا وبنختلف مع بعض

وبنرد علي بعض بس فيه حدود وضوابط

ومن غير ما نخرج عن الاسلوب اللائق

انتي شايفه اننا ردينا بس فيه ضوابط وآداب للاختلاف والرد مبنخرجش عنها

وبنطلب منك الالتزام بيها لو تسمحي

ومعذرة للدكتوره

من طرف ?- ????? الأحد 07 نوفمبر 2010, 10:47 pm

على فكره أنا مش هرد عليكى يا أستاذه بسمه لانى مش عاوزه أضيع صيامى

اللهم إنى صايمه

وربنا يسامحك

بس على فكره مش هو ده حوار العقول ولا الحريه أنك تشتمى غيرك

وعامة انا مش هرد لأن فى إداره هى اللى مفترض ترد ويكون لها موقف حاسم على اعتبار انها إداره محترمه بثق فيها

وانا متاكده أنهم بيشوفوا كل حاجه بس يمكن طنشوا لما انا بالذات أتشتمت من واحده فى سن عيالى

من طرف **عذاري** الإثنين 08 نوفمبر 2010, 6:23 am

بسمه كتب:كنت عاوزه بس أقول لدكتوره نيفين دى

أنتى معندكيش دم ؟؟؟

أيه اللى بيجيبك هنا

وهتشوفى الطلبه هيعملوا أيه

بجد أنتى شخصيه مستفزه

اهلا وسهلا بك
بسمة
عندك رد قوليه ولك الحريه
بس اهانه اي عضو او زائر ما نقبل بهل شي
اذا ما عجبك ردها ردي عليها بمنطق مو اهانه
بحفظ الرحمن

من طرف **عذاري** الإثنين 08 نوفمبر 2010, 6:41 am

د- نيفين كتب:
على فكره أنا مش هرد عليكى يا أستاذه بسمه لانى مش عاوزه أضيع صيامى

اللهم إنى صايمه

وربنا يسامحك

بس على فكره مش هو ده حوار العقول ولا الحريه أنك تشتمى غيرك

وعامة انا مش هرد لأن فى إداره هى اللى مفترض ترد ويكون لها موقف حاسم على اعتبار انها إداره محترمه بثق فيها

وانا متاكده أنهم بيشوفوا كل حاجه بس يمكن طنشوا لما انا بالذات أتشتمت من واحده فى سن عيالى

اهلا وسهلا بك
د- نيفين
صوم مقبول ان شاءالله
ما نقبل بأهانه عضو او زائر بهل منتدى
والاخت سجدة ردت عليها
ليش انطنش اشمعنا انتي صح اختلاف بالراي بس ما نقبل الاهانه
السموحه منك يالشيخه ما شفت ردها
ما تاخذي بخاطرك مننا
حياش الله بينا
بحفظ الرحمن

من طرف **k_I_A_S_B** الإثنين 08 نوفمبر 2010, 10:46 pm

السلام عليكم ورحمة الله وبركاته

اطلب من الساده الزوار ان يتحدثوا فيما بينهم متحليين بأداب الحوار ودون التخلى عن قيم ديننا الحنيف

واحب أن انوه ان القواعد التى تحكمنا هنا هى قواعد ديننا الحنيف وأننى لن أسمح بتجاوزها مهما كانت الأسباب

ونحن إذا اردنا ان نثبت صحة كلامنا أو ما نقوله فليكن ذلك على أرض الواقع

وهذا ما سيحدث إن شاء الله

وقد وعدت الأخت نيفين بانه سيكون هناك تحرك طلابى جاد ضد ما أسميه جرائم الحرس الجامعى إلا أنها شككت فى قدرتنا على ذلك ولذا فلن يكون منطقنا فى الرد هو الكلمات البلاغيه ولا الخطب ولكن سيكون تحرك ملموس على ارض الواقع يثبت للجميع أننا نقدر ان نحقق ما نقوله

وشكرا لكم جميعا زوارا وأعضاء وأنوه اننا نرحب بالجميع وشكرا

من طرف **dandana ali** الثلاثاء 09 نوفمبر 2010, 1:22 am

ايه ياجماعه براحه على البنت ههههههههههه

الحماس اللى حسيته فى بسمة من اول مره دخلت فيها نادر ما نلاقيه هههههه

طبعا يابسمة انتى اخدتك الحماس بس ياحبيبتى احنا لازم نمسك نفسنا شويه علشان مافيش حد يمسك عليكى غلطه

انا بصراحة استغربت من رد فعلك لأنه عنيف شويه
واحنا فى المنتدى لينا قوانين لازم تحترم

وياجماعة مش اللى يغلط اول مره نعمل كده فيه ههههههههههه
بسمة اوعى تكونى زعلتى احنا كلنا اخوات وعذارى او سجده ليهم وجهه نظرهم
ولازم تحترم

ودكتوره نيفين طبعا ليكى مننا اعتذار
دكتور خالد مقال رائع

السلام عليكم ورحمة الله وبركاته

دكتور خالد

مقال متميز

تسلم يديك

شكرا لك

سلاااااام

اتفضل بره من غير مطرود

اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود

رد: اتفضل بره من غير مطرود