ممكن تقولولي انا صح ولا غلط ؟

من طرف **سجده** السبت 04 ديسمبر 2010, 10:00 pm

موضوع تعبني جدا

انا معترضه علي الموبايل اللي في ايد المراهقات !!

بناتنا الصغيرين إعدادي وثانوي وكمان ابتدائي
ماسكين موبايل
لييييييييييييييييييييييه ؟

انا معترضه
البنات ماشيه في الشارع طول النهار ماسكين الموبايل بيتكلموا فيه !!!!
كتييييييييييير منهم بيتكلم مع أولاد والاب والام نايمين !
جايبالها الموبايل علشان أطمن عليها وهيا في الدروس وعلشان كل البنات في سنها معاهم موبايل ومحدش أحسن منها !
طيب أحب اقولك متستبعديش ان بنتك بتكلم شباب . طول ماهي ماشيه في الشارع بتتكلم وبتزوغ من الحصص وتتكلم وبالليل وهيا نايمه معاها التليفون وبتتكلم !
خدي بالك بنتك معاها مفسده . مصيبه ماسكاها في ايدها وانتي مش حاسه ومفهماكي انها ولا كلمه !
أنا شفتهم بعيني وسمعت منهم بتكلم جارها او ابن عمها او ابن خالها وباسم الاخوة بيطلب منها رقم صاحبتها اللي هيموت ويكلمها وياخده ويبدا يطلبها ويقول كلمتين حلوين والبنت مراهقه وخلاص مع السلامه وكل سنه وانتي طيبه الحياء بيتنزع منها والكلام يكتر ويبقي الموضوع ادمان باسم الحب !

ده اللي انا شايفاه قدامي
دور الاب والام والترابط الاسري الي كنا بنسمع عنه زمان خلاص بقي حدوته !
البنت قدامي محترمه ومفهماني انها عمرها متعمل حاجه غلط وبابا وماما جايبينلها أحدث موبايل وأكتشف ارقام شباب ورسايل وكلام !!
إيه ده ؟ أصل هو اللي جاب رقمي من البنات وكلمني كتير اوي اوي وانا مرضتش أكلمه وبصراحه من كتر الزن علي الودان والكلام الحلو انا مقدرتش .
بكلمه وانا عارفه ان ده غلط بس مش قادره ! وأصحابي بيعملوا كده كل الشله بيتكلموا مع اولاد وبيقابلوهم يعني مش انا لوحدي !
نيجي علي الأيميل نلاقيه مليان أسماء أولاد وكله اون لاين . وأحنا بنتكلم زي الاخوات ومبنقولش حاجه عيب !
:

:

:

سؤالي للأب والأم : انتو فين ؟ فين الرقابه ؟ فين الحصاد ؟ انتو مش زرعتم ؟
عارفين طبعا زرعتم ايه ؟
شفتوا الحصاد ؟
شفتوا كتير من بناتنا واصلين لايه ؟
أنا مش عاوزه أدخل في تفاصيل أكتر شايفاها بعيني وسمعاها بوداني واعتقد انكم فاهمين قصدي .
بس في خطر يمكن كتير مش حاسس بيه .
عاوزه أصرخ وأقول أنا مفتقده الحياء اللي اتزرع فينا من صغرنا في كتير من بناتنا دلوقتي !

فين قيمة الحياء اللي بنزرعها في البنت من طفولتها ؟
فين القيمة اللي بتحصنها من اي وقوع في أي خطأ ؟
ولا بطلنا نزرع ومش فاضيين لاولادنا ؟
عاوزه أقول لكل أم واب أن ولادنا بينشأوا في جو غير اللي انتم نشاتم فيه .
جو انفتاح ونت ووسائل اتصالات حديثه وافكار تانيه وثقافه مختلفه .
خلوا بالكم شويه وقربوا من بناتكم
صاحبوهم
افتحوا معاهم دايما حوار . لازم الحوار
اسمعوهم حتي لو بيقولو كلام فاضي وقربوا منهم وراقبوهم وراقبوا تصرفاتهم وأخلاقهم ودوروا علي أثر المبادئ جواهم .
ازرعوا فيهم الحلال والحرام من صغرهم عرفوهم يعني ايه إسلااااااااااااااااااااااااام وعلموهم يقراوا ويحفظوا القرآن .
عرفوهم من صغرهم مين هوه محمد صلي الله عليه وسلم وازرعوا فيهم حب الله والخوف من الله
عرفوهم يعني ايه ثواب وعقاب
يعني ايه جنه ونار
انقذوهم من جهلهم وتفاهتهم وفقدان هويتهم
امنحوهم من وقتكم الكثير .

علموهم كيف يعبروا عن أنفسهم
واعلموا جيدا انكم ستسالون عنهم امام الله
قال صلي الله عليه وسلم (كلكم راع وكلكم مسئول عن رعيته ) صدق رسول الله صلي الله عليه وسلم

فأنظروا جيدا ماذا ستقدمون إلي الله يوم الحساب

حفظ الله بنات المسلمين من كل سوء

اختكم سجده

من طرف **عذاري** الأحد 05 ديسمبر 2010, 3:49 pm

اللهم اميييييييييين

بنتي عندها موبايل وواثقه فيها واعرف منو اتكلم

اهم شي الصراحه بين البنت وامها

وتعرف بين الصح والغلط

ومجتمعنا غير عندكم منطقه صغيره مافيها غير الاهل

مو مثلكم انفتاح اكثر وهل شي يخوف فعلا ما تعرفين منو اتصاحب

الله يستر على كل مسلم ومسلمه

موضوع راااااااااااائع

يسلمووووووووووووووو

جزاكي الله خيرا

من طرف **سجده** الأحد 05 ديسمبر 2010, 7:08 pm

المشكله يا عذاري ان البنات اللي قدامي امهاتهم واثقين فيهم

وبيعملوا كده من وراهم ومنتهي الاستغلال للثقه ديه

وعندهم براعه غير طبيعيه في الاقناع والكلام

وامهاتهم عايشين في الزمن الجميل للاسف ودايما يقولوا انا بنتي عمرها متعمل كده وللاسف بنتها بتستغل الثقه اسوا استغلال

الموضوع كبير وللأسف شايفاه بعيني

ربنا يحفظ بناتنا

وتسلمي علي مرورك الجميل

من طرف **dandana ali** الأحد 05 ديسمبر 2010, 7:13 pm

لا الافظع لما تكون بالنسبه للام عادى ما الكل بيعمل كده

المشكله دى فى الصعيد برضه

هى بقيت موضه ولا ايه

انتى صح ياسجده

مشكوره على التوبيك

من طرف monmona الإثنين 06 ديسمبر 2010, 4:04 pm

أنا رأيى يا جماعة إن المشكله مش فى الموبايل .. ومش فى ثقة الامهات والاباء فى بناتهم أو أولادهم على حد السواء .. لان كل الامهات بيثقوا فى أولادهم وشايفينهم ملايكة .. وليس لديهم القدرة على تصورهم فى وضع خاطىء .. وليست المشكله فى احكام الرقابه على أبنائنا.. لاننا مش هنقدر نراقبهم 24 ساعه على مدار 24 ساعه .. ولو قدرنا يستحيل هنقدر نراقب افكارهم او احلامهم .. مش دى المشكله .. ولا المشكله اننا نعرفهم الصح من الغلط ... مفيش حد بيعمل الغلط الا وهو عارف انه غلط وبرضوا بيعملوا . .. المشكله فى الاباء والامهات نفسهم .... انهم وهو بتعاملوا مع ولادهم يفتكروا نفسهم لما كانوا فى نفس سنهم ... كانوا بيحلموا بايه .. بيفكروا اذاى .. المشكله ان كل أب و أم يكون عندهم القدرة على احتواء اولادهم .. ويقدروا يأسسوا معاهم علاقه سليمه على أسس سليمه .. يعودوهم انهم لما يغلطوا يكونوا عندهم الشجاعه انهم يعترفوا .. يسبوهم يغلطوا ويجربوا ويتعلموا من تجاربهم ... بس ده يكون تحت اشرافهم ... لكن دون اى حجر على افكارهم ... ينصحوهم لكن دون اجبارهم على العمل بالنصيحه .. لانهم فى كل الاحوال هيعملوا اللى هم عوزينه ... يا سجده اللى انتى شفتيهم بيغلطوا دول يستحيل يكونوا امهاتهم عارفين .. او حتى حاسين .. مع العلم انهم عايشين مع ولادهم تحت سقف بيت واحد .. عارفه ليه .. عشان بيفكروا غلط ويا ريتهم يقروا كلامى ده ويعملوا بيه .. يا جماعه احنا محتاجين اننا نكون أذكى من ولادنا بكتييييييييييييييييييييييييييير

من طرف **سجده** الإثنين 06 ديسمبر 2010, 7:57 pm

كلامك جميل يا امنيه

بس الموضوع ملهوش حسابات او قواعد معينه

فعلا الاولاد مفكرين نفسهم اذكي من اهلهم وبيستغفلوهم وبيعملوا الغلط وهما عارفين انه غلط بس انا شايفه اننا منسهلهمش وسائل الوقوع في الخطا وكلهم بحكم سنهم سهل التاثير عليهم .
انا شايفه مشكله قدامي لبنت امها وابوها حاولوا التركيز علي الاسلوب التربوي معاها وانا شاهده انهم حاولوا يغرسوا فيها تعاليم ديننا وقيمنا بس بحكم سنها والبنات الي حواليها عملت زيهم والوسيله كانت معاها وسهله جدا وهيا التليفون وهيا عارفه كويس ان كده غلط وحرام .

بس السن ده فعلا عاوز رقابه وقبل الرقابه عاوز حكمه وحب وتربيه صح وغرس .
ولازم كمان نتطور مع الزمن مش هما عايشين في عصر واحنا عايشين في ايام زمان وكل واحد فينا عايش في زمن غير التاني وفي الاخر يقولوا دقه قديمه .
بس انا عند اعتراضي علي الموبايل وعلي انهم يستخدموا النت من غير رقابه وطبعا ماما وبابا لو ابو الهول نطق مش هيعرفوا حاجه في النت (ده كلامهم مش كلامي ) .

لان السن ده هما مش متحكمين في تصرفاتهم كليا وممكن يعملوا حاجات هما مش فاهمينها .
الموضوع هام جدا وانا شايفه انه خطير ومحتاج وقفه .

من طرف **نوسة** الإثنين 06 ديسمبر 2010, 9:23 pm

بصراحة يا سجدة انا شايفة ان المشكلة مش فى الموبايل لان البنت لو عندها استعداد للغلط هتعمله بالموبايل او من غيره

ولو معاها الموبايل والنت وغيره وغيره بس هى اتربت صح ومعندهاش استعداد تخلى نفسها سلعة رخيصة يبقى مش هتعمل الغلط ده

عارفة ليه لان اللى اتربت صح اتربت على ان هى رقيبة على نفسها مش محتاجة ماما او بابا يمشوا يرقبوها
ده غير ان الام لما تربى بنتها على انها تكون قريبة ليها وصريحة معاها ده بيساعد الام نفسها انها اقل تغير فى تفكير بنتها هى بتحسه فيها وبالتالى مفيش مجال انها تخبى عليها بس ده يكون فى جو من الحب وقرب الام من بنتها

فانا شايفة ان البنت تمسك الموبايل وهى فى اعدادى مفيش مشكلة لو هى اتربت صح اما اللى اهلها اهملوا او اخطئوا فى تربيتها فمن غير الموبايل ممكن تعمل اى شئ هى عايزاه

من طرف monmona الإثنين 06 ديسمبر 2010, 9:37 pm

.

طبعا الموضوع مهم وخطير ومحتاج وقفه .. أنا معاكى .. خاصة فى الزمن اللى احنا فيه .. عشان كده الموضوع شدنى جدا .. ورديت باستفاضة ...وفعلا الموضوع ملوش قواعد معينه .... ربنا يستر علينا وعلى ولادنا

من طرف لحظه غروب الثلاثاء 07 ديسمبر 2010, 10:29 am

هو بصراحه كله بيشيل موبيلات دلوقتى

بس برضه الموبايل ممكن يكون وسيلة فساد للبنات الصغيرين

وكمان الولاد

بس الأهل بيكونوا محتاريت يمنععوه ويزعلوا ولادهعم ولا يسيبوهم ويبقوا قلقانيين عليهم

بصراحه انا شايفه ان دور الأب بيكون مهم فى الحاجات دى وللأسف غايب فى معظم الأسر لأن الامهات بينضحك عليها بسهوله مع ان فى ناس العكس زينا كده الأب سهل خالص والأم هى اللى مبينضحكش عليها خالص ههههههههههه

من طرف سوسو الأربعاء 08 ديسمبر 2010, 4:14 pm

بصراحه انا مع راى اننا نمنع عن ولادنا وسائل الفساد .... كفايه اللى بيحصل حولينا ... كمان هنسهلهم الموضوع

من طرف **سجده** الأربعاء 08 ديسمبر 2010, 4:30 pm

كلامكم رائع وجميل وربنا يبارك فيكم

وانا عن نفسي نصحت امهات النصيحه ديه ومن كتر ثقتهم في بناتهم متقبلوش وفي الآخر عرفوا اني صح

وانهم أه شايفين أنهم ربوا صح بس السن ده حرج وهما لسه مش ناضجين وسهل ينضحك عليهم مع انهم اتربوا

لكن مينفعش نعاملهم علي انهم ناضجين وعندهم تحكم ذاتي في نفسهم

شكرا ليكم وجزاكم الله خيرا

من طرف **k_I_A_S_B** الخميس 09 ديسمبر 2010, 2:10 pm

بصى يا سجده

لما يبقى عندى أولاد إن شاء الله

مش هجيب لهم تليفونات لأنها هتكون غاليه ومش هيكون معايا فلوس كتير لأن طبعا اللى جاى على قد الرايح زى لما أنتى شايفه ههههههههههههه

لكن لما يكبروا شويه ويبقوا عرايس هجيب للبنات بس لكن الشباب لا

لأن البنت ممكن حد يعاكسها او يضايقها وفى الحاله دى لازم يكون معاها موبايل ممكن يكون مفيد

اما الولاد مش مهم هيعرفوا يخلصوا نفسهم ولو معرفوش يبقوا مش ولاد خالد هههههههههه

وطبعا البنات هفرض عليهم إن شاء الله رقابه حديديه لانى مع فرض الرقابه صحيح التربيه مهمه وان الرقابه مش هتراقب كل شىء لكن انا مع النظريه الإسلاميه فى التربيه ولازم أعلم ولادى أيه الصح وأيه الغلط وأربيهم كويس اوى ومش معنى كده انى اسيبهم خلاص لا لازم كمان يكون فى رقابه ورقابه قويه جدا

ممكن توصل لدرجة انى أراقب التليفونات
ولازم كل طفل منهم يكون له ملف خاص بيه عمل أيه صح وأيه غلط وكلم مين وراح وفين وعلى أساسه همنحه حقوقه الأساسيه من الطعام والشارب والترفيه

شوفتى بقى انى أب طيب هههههههههه

من طرف **سجده** الخميس 09 ديسمبر 2010, 8:08 pm

ههههههههه ياه وهو فيه أطيب من كده ؟

ونعم الآباء والله

سامعين يا جماعه دكتوركم بيقول ايه ؟

هيعمل مخابرات علي الأولاد !وكمان هيعذبهم وهيتحكم في الاكل والشرب

ربنا معاهم ان شاء الله واكيد كلنا هنقف جنبهم وهنساعدهم

مع ان جيل الايام دي عمري ما شفته .دا انا بتعامل معاهم علي انهم أبرياء وفي الاخر اكتشف اني انا اللي بريئه .

ربنا يحفظهم
وشكرا علي مشاركتك يا دكتور خالد

من طرف لحظه غروب الجمعة 10 ديسمبر 2010, 3:38 am

يالهووووووووووووووووووووووووووووووووووووى

الله يكون فى عون ولادك يا دكتور خالد !!!!

بجد صعبوا عليا ربنا معاهم وينصرهم ههههههههههههههههه

من طرف **عذاري** الجمعة 10 ديسمبر 2010, 7:36 am

شو هل طيبه الي نزلت عليك خالد
الله يستر
رحمتهم
هههههههههههههههههههههه
ان شاء الله تزوج
الله يرزقك الذريه الصالحه
اللهم اميييييييين

من طرف nancy nabil الثلاثاء 14 ديسمبر 2010, 9:47 am

يااااه يا دكتور خالد دنت صعب حتى مع ولادك ههههههههههههههههههه لا بقى دنت كده حنين معانا اووووى

الله يكون فى عون عيالك

ميرسى سجده على توبيكك الجميل

بس برضه فيها أيه لو العيال شالوا موبيلات يعنى

بقول نبحبحها شويه عليهم

من طرف **سجده** الثلاثاء 14 ديسمبر 2010, 12:58 pm

ههههههههههههه

ماشي يا نانسي علشان خاطرك بس هههههههه

بس انا برده شايفه اننا نبحبح وفي نفس الوقت ما نسيبش الحبل

نورتيني يا قمر

ممكن تقولولي انا صح ولا غلط ؟

ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟

رد: ممكن تقولولي انا صح ولا غلط ؟