ممكن نفضفض .........

من طرف **سجده** السبت 26 مارس 2011, 8:18 pm

إيه رأيكم في اللي بيحصل في مصر ؟

ممكن نفضفض هنا مع بعض

أصلي مخنوقه

ومحتاجه اتكلم معاكم

وللأسف مش لاقياكم

انا حزينه

في لحظه اتمنيت ان محصلش استفتاء في مصر

بس رجعت قلت دي اول محطه واول خطوة حريه

أمال بعد كده هتعملي إيه ؟

خلاص هتقضي حياتك كلها بقي مخنوقه ؟

في لحظه حسيت اننا متجمعين

وفي لحظه حسيت اننا متفرقين

ومش كده وبس

لأ وكمان مش راحمين بعض

هجوم فظيع وكلام جارح وشماته في بعض

لأ علي فكره دول مش احنا أكيد حد تاني

حد مبيرحمش وقلبه مبيمنعوش يهجم علي اخوه ويجرحه

مش دول المصريين

انا حزينه

ممكن اكون مكبره الموضوع ؟ وبيتهيألي ؟

لو شايفين كده قولولي لو سمحتم يمكن تخففوا عني شويه

من طرف بنت بورسعيد السبت 26 مارس 2011, 10:53 pm

ممكن نختلف مع بعض وممكن كمان نتناقش ونشد مع بعض فى الحوار

لكن نكفر بعض

ويتقال الشيوخ فى جنب والتانيين فى جنب ؟؟؟؟؟

صعبه أوووووووى

وغزوه الصناديق !!!!

يعنى أيه غزوه هى كانت حرب المسلمبن والكفار

بغض النظر مين اللى قال

بس اللى قال ده مكانش معانا فى الثوره ولا شارك فيها واللى يحزننا أن اللى كانوا يقدروا يردوا عليه واللى كانوا معانا من أول لحظه سكتوا

ليه سكتوا ؟؟؟؟

علشان ليه جمهور وإحنا داخلين على أنتخابات

طيب أستلموا أدينا اتعاركنا وأديكم شايفين اللى بيحصل فى الأنتخابات فى الجامعات

حاجه تقهر

يا خساره

من طرف **dandana ali** الأحد 27 مارس 2011, 2:24 am

فعلا اكتر حاجة بجد زعلتنى موضوع الجامعات جداااااااااااااا

لان ده معناه ان الطلبة مش فايقين وساذجين جداااااا مع احترامى ليهم بس ساذجين ومش راضيين حتى يفكروا

فين عقلنا ؟؟؟

عامة ياسجدة الموضوع مش سهل ولازم حنمر بظروف صعبة بس المهم اننا مانفكرش ونركز على اللى فات ونسيب اللى جاى
نفوق للى جاى ونتعلم اكتر من اللى فات
وكل حاجة حتوضح واكيد اللى مش فايق لسه حيفوق ويفكر
بس انا اللى زعلنى بجد موضوع انتخابات الاتحاد

خير ان شاء الله
كله حيتصلح وحيفوقوا بأذن الله

ممكن نفضفض .........

ممكن نفضفض .........

رد: ممكن نفضفض .........

رد: ممكن نفضفض .........