أنا وزوجة خالى ...مش عارف اعمل ايه ؟

أنا مش عارف اعمل ايه بس انا بقيت فى مشكله وخلاص ومش عارف ايه العمل ؟؟

أنا أصلا مش شوفت أبويا ولا أمى ...لأنهم ماتوا وأنا صغير خالص واللى ربانى خالى

وانا بحبه جدا وبعتبره أبويا وأمى وكل شىء

وانا عايش مع خالى فى بيت واحد

بس خالى مش بيخلف وبيعتبرنى ابنه

بس انا بكره زوجة خالى من وانا صغير

وهى كمان مش بتحبنى

بس عادى مش بتعاملنى وحش ولا حاجه ولا الكلام ده بس العلاقه بينا بارده أوى

وانا اصلا منفصل عن البيت خالص

مع نفسى وتقريبا برجع البيت وقت النوم بس وده من أيام لما دخلت الكليه وبقى ليا شله

وبصراحه انا بتاع هلس

وبعرف بنات كتير جدا

ليا صديقات كتير جدا ....يعنى انا مش شيخ ولا قديس بس عادى يعنى زى كل الشباب وانا عارف انه حرام وكل حاجه بس بوضح يعنى

المشكله بقى أنى بقيت فى مشكله كبيره جدا

انا مرات خالى فى الفتره الأخيره بقيت بتستغل أى وقت خالى مش موجود وبتعمل حركات مش صح

من الاخر حركات عيب

وانا كنت بطرد اى أفكار من دماغى وأقول ان ده مستحيل دى زى امى

وبطنش

بس لدرجة انها قالتها صريحه

وانا مش عارف اهرب منها ازاى

مش علشان انا مش محترم ولا كده مش هكدب عليكم

بس انا مش متصور اصلا بحس بقرف كل لما تقرب منى مع انها مش وحشه ولا عجوزه أوى بس أنا مش قادر

مش فاهم بحس أنى هرجع

وبفتكر خالى على طول

انا بقيت اتعمد انى أكون خارج البيت لو خالى خارج البيت

بس هى زودتها خالص

وأخيرا بقيت بتعمل حاجات جنونيه هتودى نفسها فى داهيه أخرها أنها بقيت بتطاردنى حتى وخالى فى البيت

وصلت لأنها تحاول تعمل كده مره وأنا نايم وخالى كان فى البيت

خالى مش بياخد باله من أى حاجه وراجل كبير وهى أصغر منه بكتير

هو عنده 50 سنه وهى 35 وأنا فى تانيه جامعه

انا مش عارف اعمل ايه

انا فكرت أسيب البيت وأتحجج بأى حاجه

بس بمجرد انى فتحت الحوار ولمحت بيه خالى زعل جدا واتأثر وحالته تعبت وأنا مش عاوز ازعله وخايف لأنى مهما كان ضعيف


حد يقدر يفيدنى بأى حاجه ؟؟؟