عشية الأستفتاء ..هذا هو رأيى فى التعديلات الدستوريه !!

من طرف **k_I_A_S_B** الجمعة 18 مارس 2011, 9:12 pm

السلام عليكم

أزيكم

هااااااااا غدا أستفتاء التعديلات الدستوريه ....وماذا
سنفعل ؟؟

نعم أم لالالالالا .....لالالالا أم نعم نعم

أولا يجب ان نفهم ماذا تعنى نعم وماذا تعنى لا وهذا هو
الأهم ...

نعم تعنى أننا نوافق على التعديلات الدستوريه بشكلها
الحالى ويتم انتخاب مجلس للشعب ورئيسا للجمهوريه وبعد ذلك سيقوم مجلس الشعب بأختيار
لجنه تقوم بمناقشة كتابة دستور جديد وسيتم الأستفتاء عليه خلال 15 يوم

لا .. تعنى أننا نرفض التعديل ونريد كتابة دستور جديد
الان .

الحقيقه الواحده الثابته فى هذا الأستفتاء انه لا توجد
حقيقه .. بمعنى أن وجهة النظر التى تقول نعم هى وجهة نظر جيده ولها مميزات ولكن
لها أيضا عيوب وايضا وجهة النظر التى تقول لا هى وجهة نظر جيده ولكن لها أيضا عيوب

ولكن هناك عدة نقاط ربما هى أكثر ما دفعنى للكتابه وهى
ان البعض عندهم لبس غير وربما لم يفهموا التعديلات حتى الان

وأولها وأشهرها قصة الماده الثانيه من الدستور ...فالبعض
يقول أن أختيار نعم هو حمايه للماده الثانيه للدستور وهذا الكلام غير صحيح بالمره
...لان سواء نعم او لا سنكتب دستور جديد ولكن العبره هى متى وكيف لأن الدستور سقط
بسقوط نظام مبارك ...

ولبس اخر ...هو الأستقرار ...مع أحترامى لمن تبناه ...فنعم
يا إخوانى لا تعنى الأستقرار لأنه إذا قلنا نعم لن تستقر الأوضاع فالأستقرار يأتى
بوجود نظام قوى وشرطه محترمه الخ ...وبمنطق من يقول الأستقرار من السهل الرد عليه
بأن نعم تعنى أنتخابات مجلس شعب الان ...هذا يعنى دعايا وحملات ومسيرات ...فأين
الأستقرار فهذا ؟؟!!

فوجهة النظر التى تقول نعم هى وجهة نظر محترمه ولكن من
يتبناها بهدف عدم تعديل الماده الثانيه فهو لم يقرأ التعديلات بعد ويعيش فى عالم
أخر ومن يقول نعم بهدف الأستقرار ربما لم يحتك بالشارع جيدا الأيام الماضيه أو
ربما قصد شىء أخر بالأستقرار !!

لبس أخر مهم ...وهو ان لا تعنى ضياع الثوره وضياع دم
الشهداء !!!! لم أفهم ...كيف هذا ؟؟ أولا نجاح الثوره ليس نجاح لا او نجاح نعم
ولكن نجاح الأستفتاء وإلا يكون من ينادى ب لا هو ديكتاتور ينادى بالديمقراطيه !!

يا إخوانى إن النجاح الحقيقى للثوره هو ان نخرج كلنا غدا
للصناديق ونقول رأينا ونقول نعم او نقول لا وفى النهايه نخرج بنتيجه نحترمها كلها
ونسير على سبيلها

اليوم سمعت وأنا أسير رجل يقول لماذا يوزعون أوراق تقول
نعم ؟؟ يقصد الإخوان ...

فضحكت ...أليس الإخوان جماعه لها فكر وتريد ان تدعو اليه
؟؟ أنا لست ضد ان توزع ورق تقول قول نعم
ولككن فقط ضد أن تكتب فى هذا الورق كلاما غير صحيح فمثلا نسمع من يقول إذا
لم تقول نعم سيعنى ذلك الحكم العرفى والجيش سيمسك بزمام الأمور ...وهذا على أى
اساس ....ههههههههههه الجيش اصلا حاليا هو الممسك بزمام الأمور ..

واخر يقول ...العلمانيين يوزعون أوراق تقول لالالا ومن سيقول لالالالا سيكون علمانى ويهدم الإسلام
!!! ولا أفهم كيف

والأغرب أننى كنت فى الكليه فشاهدت من يتكلم ويقول
...الإخوان بيقولوا نعم مثل الحزب الوطنى ...خياااااااااااااااانه !!

هههههههه لا أفهم أيضا ...لو الإخوان مع الحزب الوطنى لماذا
خرجوا فى الثوره من الأساس !!!!

أنا أرفض وبشده لهجة التخوين لمن يقول نعم ووصفه بانه
يضيع الثوره وأرفض وبشده تكفير و إلصاق من يقول لالا بأنه ضد الدين او ما شابه

وهذا وذاك لم يتعلموا الحوار حتى الان ولم يفهموا الحريه
بعد بل ويتمتعون بقدر كبير من السذاجه الفكريه

فأكبر عقبه تخوفنى أن أقول نعم ليس الخوف من أن لا
...تعنى الفوضى وإلا كنت خوفت ولم اخرج المظاهرات أصلا وليس الاحكام العرفيه لأننا
الان نعيش فيها والوضع غير دستورى ...وليس الخوف على الماده الثانيه لأنها ستكتب
من جديد حتى لو قلت نعم ...ولكن ما يخيفنى ان أقول نعم أمران

الأول : أننا لا نضمن صورة البرلمان القادم الذى سيجرى
بنفس صورة العمال والفلاحين وكوتة المراه الخ حتى مع وجود إشراف قضائى

الثانى والأهم : وجود رئيس مطلق السلطات لم تمس
التعديلات سلطاته ومعه سلطات فرعون سيكون موجود ومتوج قبل صياغة قواعد تحكمه
وأهمها الدستور الجديد

وأيضا أكبر عقبه تخيفينى من أن أقول لا وترعبنى
منها ليس أننى أخشى سيطرة الإخوان وذلك
الكلام الغريب الذى أرفضه ولا أفهمه ولكن شىء فى التطبيق يجعلنى أخشى ان أقول لا

وهو حين نكتب دستور جديد الان من سيكتبه ومن سيختار من
سيكتبه وكيف سنتوافق عليهم وخلال هذه الفتره من سيحكم البلاد هل سيكون هناك مجلس
رئاسى أم حكم عسكرى وحتى لو فرضنا ان الأثنين مثاليين فهل سنتوافق على أحدهما ؟؟!!

للأسف لم أسمع أى من هذه العقبات فى اغلب من قال لا
وأندفع بقوه او من قال نعم واندفع بقوه أيضا !!!

بصراحه ...انا أخشى ان أقول رأيى ...لانى أخشى ان يتبع
كلامى ولو شخص واحد وأحمل ذنبه !!

واخيرا أطلب من الجميع ان يخرج ويقول رأيه لان هذا هو
النجاح الحقيقى وأطلب منكم عدم تخوين من قال نعم واطلب منكم عدم تكفير من قال
لالالالا والأهم والاهم أن نتبع جميعا
النتيجه مهما كانت لأن هذا هو النجاح الحقيقى لثورتنا

سعيد ان فى الجامعه والشوارع وكل مكان بدات الناس تتناقش
وتقول نعم أو لا وأخيرا أصبحنا نفكر فى مستقبل مصر ودستورها بعد ان كنا فقط نفكر
فى المنزل ....هنتغدى ايه النهارده ...وفى الجامعه ...حفلة تموره فين ؟؟ ...ومن
سيفوز الزمالك أم الأهلى ؟؟

أصبحنا نفكر فى مستقبل مصر ...الان ننجح ولنتم هذا
النجاح ..

أما من قطع ورقه مكتوب عليها نعم وقال عمن كتبها
خائن ومن نشر ورقه مكتوب عليها نعم ( حتى
نهزم الكفار ) وحتى ينتصر الإسلام بمعنى ان من قال لا ليس مسلم ....فهؤلاء يجب ان
نفهمهم فإن لم يفهموا فلننصحهم فإن رفضوا فلندعى لهم بالهدايه ونقول أن ثورتنا
ثوره سلميه سلميه قامت لتحقيق الكرامه والحريه والعداله الإجتماعيه ولنمنع
الأعتداء على الرأى وقمع الحريات وحبس الفكره ومصادرة وجهة النظر ...

أرى مصر الان فتاه جميله وتقدم لخطبتها الكثيرون
والكثيرون ...الكل يريدها الكل يدفع المهور ويذبح الذبائح ويقدم التضحيات وهى جاءت
اليوم لولى أمرها الذى يحبها ويعرف مصلحتها ويخاف عليها ....وهو نحن لنختار
...فهلا نزلنا وأختارنا ما هو فى صالح مصر من وجهة نظرنا واحترمنا وجهة النظر
الأخرى .....

واخيرا أنا لن أقول رأيى نعم او لا ...إلتزاما بقرار
القوات المسلحه التى أصدرت قرار بمنع الجدال حول نعم او لا بداية من يوم الجمعه
(بينى وبينكم حجه حلوه لانى خايف أشيل ذنب حد ) هههههههههه

لكنى طبعا لا انكر إعجابى برأى الصعايده ....هههههههههههههه
اللى هيختاروا بكره فى الأستفتاء الأختيارين
نعم ولا علشان محدش يزعل هههههههههههههه

أترككم على حريه وألتقى بكم على حريه إن شاء الله

من طرف حامى الحمى الجمعة 18 مارس 2011, 10:23 pm

كلام كويس يا د خالد.وفعلا اللى عايز يرضى جميع الاطراف لازم يكون حيادى!!!

من طرف ???? الجمعة 18 مارس 2011, 11:32 pm

وهذا هو المنتظر من شخص علمانى مثلك

يدعو للديمقراطيه والعلمانيه

وامثالك خطر على الإسلام

لا تحترم الدين ولا العلماء

وتختبىء وراء ستار زائف باطل إسمه الحريه

ولكن هيهات

هيهات

سينتصر دين الله وسيهزم الله أمثالك

نعم ثم الف نعم للتعديلات الدستوريه حتى لا نعدل الماده الثانيه وحتى نحميها من التلاعب ومن التصويت عليها

ونعم والف نعم للتعديلات الدستوريه لأن علمائنا الأجلاء قالوا نعم ونصحونا بذلك

من طرف ?????? السبت 19 مارس 2011, 12:27 am

ديما رأيك بيعجبنى وبحترمه يا خالد

لانك اولا بتبنيه عن فهم وعن حب بلدك وحتى لما بنختلف فى الرأى بحترمك

وانا رأيى نعم للتعديلات

لكنى مختلف تماما وومخنوق تماما مما قاله الاخ محمد اللى باين انه مش فاهم اى حاجه

وياريته كان رأيه مش نعم

بكن هنعمل ايه

أمرنا لله

من طرف **عذاري** السبت 19 مارس 2011, 10:37 am

مقال رااااااااائع

اشفيك على الصعايده هههههههههههههههههههه

الله يوفقكم جميعا

يسلموووووووووووووووو

جزاك الله خيرا

من طرف ??? ???? السبت 19 مارس 2011, 10:40 am

كنت ديما بقرأ ليك كنت بحس انك بتكتب على طريقة إبراهيم عيسى فى الثوره والغضب على كل ما هو موجود فى عصر مبارك

وكنت بسأل نفسى

هل فعلا أنت بدرجة نضج إبراهيم عيسى ولا كلامك كان مجرد تقليد أعمى ونسخ لكتاباته

لكن الان وبعد الثوره وانت تختلف معه وتكتب وجهات نظر جديده تاكدت ان كلامك كان يتم كتابته عن نضج

وانك شخص تستحق ان أقرأ له حتى حين اختلف معه

لأن رأيك المخالف لرأيى سيفيدنى أكثر بكثير من رأى أخر متفق معى ولكنه تافه وخاوى من الهدف والمضمون

مليون علامة إعجاب لكلامك مع انى عارف انى مختلف معاك فى حاجات كتير ومليون علامة تعجب على كلام الزائر محمد اللى محتاج يتعلم كتير

من طرف ? ????? السبت 19 مارس 2011, 10:51 am

طول عمرى بقول أنك مش بتفهم اوى وبتعترض وخلاص على أى حاجه وللأسف كتير كانوا بيسمعوا الكلام اللى زى بتاعك ده ويمشوا وراه

لكن دلوقتى كمان تأكدت ان كلامك مائع ورأيك بيكون غالبا تافه لحد كبير

واول مره اشوفك فى كلامك مايع

لدرجه توصف بالغباء السياسى

من طرف **سجده** السبت 19 مارس 2011, 11:49 am

وانا طول عمري بقول انك بتفهم وكلامك موزوون وبحترمه جدا

وجاري الاستفاده كالعاده

والكلام التاني ربنا يجعله في ميزان حسناتك ان شاء الله ههههههههههه

من طرف **القلب الطائر** السبت 19 مارس 2011, 12:29 pm

مقال جمييييييييل يا دكتور واجمل مافية الحيادية
اشكرك جدا علية
وكمان الناس الللى داخلة تقول كلام مش حلو بجد بقوا يضحكونى جدااااااااااااااا فعلا دمهم شربااااااااااااااااااات ضحكونى اوووووووووى

من طرف ???? السبت 19 مارس 2011, 2:08 pm

طبعا بتنزل الكلام وتنزل شلتك تمدح فيه

وطبعا أنت رأيك نعم لأنك إخوانى متخفى

لأنك خليه سريه فى جماعة الإخوان

للأسف أنتم ضيعتم البلد

الإخوان و6 أبريل والقوميين وبتوع كفايه ضيعوا البلد وأستقرارها

ودلوقتى بتتعاركوا على الطورطه

قولى بقى أنت مع انهى تنظيم سرى لو سمحت ؟؟

من طرف tweety السبت 19 مارس 2011, 3:24 pm

عجبني المقال جدا
وأنا بجد مش عارفة ليه من ساعة ما عرفنا بحكاية الاستفتاء دي
وكل واحد مخون التاني اللي بيقول نعم بيخون اللي بيقول لأ والعكس صحيح
وكان في مرة مقال لقيت الردود عبارة عن خناقة بين الموافقين على التعديل والرافضين
أنا مش فاهمة لحد دلوقتي ليـــــــــــــه؟؟؟؟؟؟؟؟؟؟؟؟؟؟
احنا مش بندعو للديمقراطية ؟؟؟
وده معناه ان كل واحد يقول رأيه ويحترم رأي غيره
مش معنى ان اللي قدامي بيخالفني في الرأي انه متخلف ومبيفهمش
وكل واحد يقول رأي الاقي اللي بعده بيقوله اصلك خاين وتبع الحزب الفلاني
هو مصر كلها أحزاب؟؟؟؟؟؟
هو مش في ناس مش تبع أي حزب خالص؟؟؟؟؟
لا واللي يضحك واحد بيقول لااااا راح رد عليه واحد وقاله أصلك انت من الحزب الوطني ومدفوعلك فلوس!!!!!!!!!!!!!!!!!!!
هي دي كمان فيها مدفوعلك فلوس؟؟؟؟؟؟
كنتاكي برضه؟؟؟؟؟؟؟
عموما الاستفتاء خلاص اتعمل وكل واحد قال رأيه واللي فيه الخير ان شاء الله هو اللي هيكون
وسواء نعم أو لا ميصحش أبدا اللي بيحصل ده لازم نحترم بعض حتى لو رأينا مختلف
" اختلاف الرأي لا يفسد للود قضيه"
وبعدين سواء طلعت النتيجة نعم أو لا فأنا سأكون سعيدة جدااااااا يكفي ان الناس كلها نزلت تشارك وتقول رأيها

من طرف bolbola السبت 19 مارس 2011, 6:28 pm

أعتقد ان دكتور خالد لم يتبنى وجهة نظر محدده فيما كتبه لكن كان يوضح بعض النقاط المهمة وبحياديه تامه والناس الى بتهاجم دى مع الأسف عايزه تهاجم الدكتور وبس ليس للإختلاف معه فى وجهة النظر ولكن أعتقد انها لأغراض أخرى كما ينقصهم ان يتعلمو كيفية التعبير عن رأيهم بإحترام وبدون تجاوز أما الناس الى بتقول ان الثورة خربت البلد دول بقى مش يفهمو حاجه لان الثورة كشفت البلاوى اللى كانت عايشه فيها مصر مع انى مكنتش مشجعه قوى للثورة وطريقة التعبير عن الرأى الى وصلت لحد ان الى فى ميدان التحرير مش بيسمعوا غير صوتهم هما وبس الى خارج الميدان لا يعتد بصوته وفى النهاية شكرا ليك يادكتور

من طرف **k_I_A_S_B** السبت 19 مارس 2011, 11:42 pm

يا نهار ابيض طيب دنا مقلتش رأيى نعم أو لا ...ليه بس فى ناس زعلانه منى ؟؟؟؟

كده خوفتونى انى اكتب المقال الجاى لأانى ممكن أنضرب بس هكتبه برضه .....ههههههههههه

شكرا ليكم على تعليقاتكم اللطيفه وشكر خاص لكل من انتقد بهدف الإفاده وربنا يهدى ويسامح أى حد أساء

من طرف الطائر المهاجر الأحد 20 مارس 2011, 5:56 pm

طيب هى المقاله الجايه عن أيه ؟؟

اوعى يكون اللى فى بالى هههههههههههههههههههههه

من طرف ???? الأربعاء 23 مارس 2011, 7:40 pm

رأى محترم جزاك الله خيرا

من طرف **dandana ali** الخميس 24 مارس 2011, 10:41 pm

هههههههههههههههههههه
طيب انا ممكن انضم للشلة اللى بدافع عن الدكتور
؟؟؟
بجد اجمل جملة شوفتها هههههههههه

مقال راائع كالعادة وحضرتك بتوضح حاجات كتير وبحيادية وبضم صوتى لعذارى وأخوانى و سجدة والطائر المهاجر والقلب الطائر وتويتى وعسل اسود وبلبلة

يااااااااااااه احنا شلة كبيرة ربنا يخلينا لمصر ههههههههه

فى انتظار المقال التانى

من طرف ???????? الإثنين 28 مارس 2011, 12:24 am

السلام عليكم

د خالد إبراهيم صح ؟؟

حضرتك قولتلى على الموقع ده من زمان

بس سورى النت كان قاطع عندى

اول حاجه مقالك جامد جدا وانا معجبه بيه وياريت الناس كانت تعمل بيه مكانش حصل اللى حصل

تانى حاجه انا مش قادره أشترك معاكم بس مش بيجينى التفعيل !!!

واخيرا انا معترضه على كل الإهانات اللى بتتكتب وتتقال فى الجامعه ضدكم ولعلمك إحنا الأغلبيه ومعاكم

يلا بقى الى الامام

بليز وننسى الماضى

عشية الأستفتاء ..هذا هو رأيى فى التعديلات الدستوريه !!

عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!

رد: عشية الأستفتاء ..هذا هو رأيى فى التعديلات الدستوريه !!