سقوط كامل ومذهل للطلاب الأحرار فى أول أنتخابات نزيهه لجامعة القاهره !!

بجد من اجمد واحلى الأخبار اللى عرفتها فى حياتى

بجد انا فرحان جدا أن العيال دى انضربت بالجزمه فى الأنتخابات

خصوصا الواد اللى من كوم حماده اللى أسمه الشلوفى اللى عامل فيها زعيم تنظيم الإخوان وقرفنا وعاوز يقلبها مظاهرات وخلاص وكأنه زعيم الثوره مع ان زمايلنا فى الأتحاد القديم كانوا بيقدموا لينا خدمات ممتازه وبعدين إحنا محتاجين الحرس الجامعى ومحتاجين امن الدوله يرجع يحمينا تانى

سيعنى لما يبقى واحد زى الشلوفى ده ليل نهار قالب الجامعه سياسه شويه كلام فى الدستور وشويه كلام فى الأنتخابات

وطالع فى موال الثوره المضاده

هو أصلا كان فى ثوره علشان يبقى فى ثوره مضاده

دول شوية عيال خربوا الدنيا

وولعوا فى مكاتب امن الدوله

هى الثوره كانت حلوه فى بدايتها وكنا عاوزين إصلاح حقيقى سواء من سيادة النائب عمر سليمان او الفريق أحمد شفيق بس هم رجعوا شوهوا الناس دى وكل ده لصالح شوية عيال مبيفهموش حاجه

يفهموا أيه دول فى السياسه ولا فى الإداره بجد حاجه غريبه وكانوا بيعبروا عن نفسهم وبس والشعب مش عاوزهم

قرفونا بقالهم أربع سنين أحرار أحرار ....هو مين اللى قال أنكم أحرار ؟؟؟؟

بجد انا فرحان أوى ان الجامعه فهمت وشباب الجامعه الواعى اختار زمايلنا من الأتحاد القديم

وياريت تبطلوا تشويه فيهم لأننا بنحبهم والتعاون مع الأمن كان مش جريمه بالعكس دا كان شىء لخدمة البلد

والحمد لله ان نتيجة الأستفتاء جاءت فى صالح الأستقرار بنعم

ونتيجة الأنتخابات إن شاء الله ستشهد سقوط الإخوان وستأتى أيضا فى صالح الأستقرار

ونتيجة انتخابات رئاسة الجمهوريه إن شاء الله ستأتى فى صالح الفريق أحمد شفيق

وبجد بقدم خالص عزائى للطلاب الأحرار

هههههههههههه

سنه خامسه وسنه سادسه فى طب القاهره أمبارح انا مش ارفه ايه اللى حصل بجد يا جماعه انا مصدومه ومش عارفه ايه اللى حصل ده

انا حاسه انى أرتكبت جريمه أنا حطيت صوتى لناس كلها معرفهاش فى قائمه واحده

بس أنا سمعت الناس التانيه وهى بتكلم بجد كان كلامهم مقنع بس معرفش ليه اتفقنا كلنا أننا نخليهم يسقطوا

انا بصراحه مضايقه من وقت نتيجة الأستفتاء

انا كان رأيى لالالا بس والله كنت بحترم كل اللى قال نعم بس هم اللى قالوا عننا أننا كفره وعلمانيين وانه تصويت إسلامى

بجد كنت مضايقه جدا

وروحت حطيت صوتى لناس معرفهاش علشان عرفت أن الناس التانيه دول معاهم ناس من الإخوان

بس بعد كده اكتشفت فعلا أنى انسانه تافهه لأنى تسببت فى سقوط شباب كانوا أصلح كتير انهم يدخلوا اتحاد الطلبه

واتصدمت لما أكتشفت انهم كلهم كانوا بيدافعوا عن حقوقنا قبل كده وضيعوا وقت وجهد علشانا وإحنا فى الأخر سقطناهم فى الأنتخابات

واتصدمت اكتر واكتر

لما عرفت ان من الناس اللى نجحت كانوا فى الأتحاد القديم وبيتعاملوا مع الأمن

بجد انا حسيت انى خاينه

أستغفر الله العظيم

ايه اللى وصلها لكده بس ؟؟؟

بجد انا وكل أصحابى زعلانيين

وبجد انا معترضه على الرأى الأول اللى شتم فى واحد زميلنا محترم جدا

بجد انا غبيه

أنا اسفه

الموضوع مش بس موضوع إخوان يا جماعه

هم كلهم كده على بعض مع ان كان فيهم ناس مش إخوان بس فيهم حاجه غريبه مش عارفه إذا كانت ميزه ولا عيب

مش بيتواصلوا مع البنات صح

والبنات هم الأغلبيه فى الدفعه

بس انا اتكلمت مع واحد منهم

انا فى سنه رابعه هو بيكلم كويس وإنسان متفتح

بس طول مهمو بيكلمنى وبيناقشنى حاطط وشه فى الأرض

ممكن يكون ده صح

بس فى ناس بتفهمه غلط

انا بس حبيت أوصل النقطه دى

بس انا اختارت زميلنا عطيه وهو مشهور مع أنه إخوان بس فعلا كل زمايلنا كانوا بيسألونا حتى اللى مش فاهمين حاجه بيقولولنا مين اللى إخوان علشان مينتخبوهمش وده واقع

مش عارفه ليه ؟؟؟؟؟؟؟

سبحان الله دايما المتمسك بالحق طريقه بيبقي صعب شويه وياما بيشوف وبيقابل عقبات لكنه أقوي واصلب من اي عقبات بجد فخر ليهم انهم

مينجحوش ومتفقه مع الطائر المهاجر في كل كلمه فعلا لعله خير انا شايفه ان مش هما الخسرانين بالعكس الخسران هو اللي تآمر علي انسان

حر كل ذنبه انه بيدافع عن الصح وبيدور عليه وبيتعب نفسه علشان يصلح الفساد اللي حوله واحد يقول مش عاوزينهم علشان مش عاوزين حد

يتكلم في السياسه ويخبط في الحلل عاوزين طالب مالوش غير في الدراسه وبس كلام عجيب . والتانيه ضحكوا عليها وقالولها دول اخوان

وانتخبت ناس من الناس القديمه عملاء امن الدوله وبعدين ندمت والتالته اصلهم بيبصوا في الارض ومبيتعاملوش مع البنات وبيغضوا بصرهم

ومحترمين بجد انا مش مصدقه نفسي بس علي يقين انه الخير لهم فقط وهما الكاسبانين واقدم لهم التهاني وللآخرين التعازي واتمني للفائزين

مزيد من الانجازات

هو الموضوع محتاج إحساس أكتر من انه محتاج فهم

هو أنتم الناس مش عاوزاكم

donot want uuuuuuuuuuuuuuuuuuuuuuuuuuuu

دى محاتج حد يكون عنده شويه إحساس

بسسسسسس

الناس بتكره الإخوان

this si afact

وبعدين دى الديمقراطيه اللى أنتم ناديتم بيها

thanx

متزعلوش يا جماعه

بجد انا اديتكم صوتى

انا كنت عاوزاكم تنجحوا

بس للأسف كل صحباتى مفيش حد فيهم أداكم صوته لأانهم أتخنقوا من الإخوان

اللى الإخوان عملوه فى الأستفتاء كان مستفز جدا وخلانا كلنا أتخنقنا منهم

يعنى ايه نبقى كلنا مع بعض من اول يوم فى المظاهرات وبعدين يجوا هم وياخدوا جنب الحزب الوطنى والسلفيين

وحتى بقصد او من غير قصد سابوا السلفيين يبهدلونا

مشوفناش رد من أى حد من الإخوان على موضوع غزوة الصناديق

بيكتفوا بالصمت

مش عاوزين يكلموا لأنهم لو اكلموا هيبفقدوا شعبيه السلفيين

بس مش دول الإخوان اللى شوفناهم ابطال فى موقعة الجمل

للأسف الكل اتخنق منهم

ومع ان القوائم بتاعت الأحرار كانت مش كلها إخوان

بالعكس كان فى ناس كتير مش إخوان

بس طلبه مشهورين بانهم مميزين

لكن للأسف كله أختلط ببعضه


انا مش عارفه ازاى د محمد كمال مش نجح

بجد الطلبه فى حد لعب فى دماغهم أو فى ايه مش عارفه

بس انا شايفه ان السبب الأول والمهم هو ان الأحرار كانوا مثاليين زيادة عن اللزوم

يعنى كانوا عند الجنب بتاعهم بيقولوا برنامجهم ويطلبوا من الطلبه الإطلاع على البرامج الاخرى ويقولولنا اختاروا الأصلح

لكن على الجنب التانى كان فى دعايا مش مؤدبه

يعنى مثلا كانوا بيقولولنا خلوا بالكم دى قوائم الإخوان وعاوزه تسيطر على أتحاد الطلبه

ولو فاوزوا هيقلبوها دينيه وهيلغوا الرحلات

الخ

انتم كنتم مثاليين زيادة عن اللزوم

بس انا بحبكم والله