أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

من طرف بنت بورسعيد الثلاثاء 29 مارس 2011, 3:37 pm

شهدت انتخابات أتحاد الطلاب فى عين شمس اليوم أحداث داميه ومؤسفه وأشتباكات بالأيدى والأسلحه البيضاء بين طلاب الأتحاد القديم ومعهم مجموعه من الطلاب العاديين ضد قائمة الأحرار التى تشمل طلاب جماعة الإخوان المسلمين ومعهم بعض الطلاب السياسيين مثل اعضاء بحركة 6 أبريل وحقى وغيرها

حيث كانت تجرى أنتخابات الإعادة بكلية التجاره والتى شهدت المنافسه فيها فى جولتا الأولى وجود فريقين : الفريق الأول من طلاب جماعة الإخوان ومعهم عدد من الطلاب الناشطين سياسيا فى قائمه واحده معروفه بأسم الأحرار وقد أعدوا برنامجا انتخابيا بمطالب سياسيه طلابيه قويه مثل تعديل اللائحه الطلابيه وإطلاق الحريات والأهتمام بالتعليم والقوانين المنظمه له

اما الفريق الأخر فكان من بقايا الأتحاد الطلابى القديم الذين كانوا يتعاملون مع امن الحرس الجامعى ويمارسون معظم الأنشطه مثل تنظيم الرحلات والأسر تحت ستار امنى ..وقد اعد الفريق قائمته بصف ثانى من بعض الشخصيات الطلابيه المحبوبه وضموا شخصيات طلابيه معروفه بعدم الخوض فى أى نشاط سياسى وتركزت برامجهم على التحذير من سيطرة الإخوان على الجامعه والمطالبه بعدم وجود نشاط سياسى داخل الجامعه والأهتمام بالأنشطه الترفيهيه بالدرجه الأولى مثل الرحلات والمسابقات وقد وصفوا قائمة المنافسين بأنها قائمة الإخوان المسلمين

وقد شهدت النتيجه الاوليه مفاجأه وهى تعادل الفريقين حيث أستعجب الكثيرون كيف لبقايا النظام والحزب الوطنى ان تصل لدرجة التعادل مع من قاموا وشاركوا فى الثوره !!
وفى أنتخابات الإعاده التى كنت تجرى اليوم جرت مشادات قويه بين طلاب الإخوان وبين بعض الطلاب حيث أستخدم المنافسون لهم دعايا رخيصه على حد وصف بعض الطلاب مثل ( إياكم تنتخبوا الإخوان ....لهم أجندات ....لا لسيطره تنظيم الأخوان ...لا للسياسه داخل منبر العلم ...الخ )

وقد وصفت قائمة الأحرار ما يفعله المنافسون بأنه تشويه وخداع للطلاب البسطاء الذين لا يتمتعون بالوعى السياسى وأنه تزوير لإرداة الطلاب

وقرب انتهاء اليوم ظهرت مجموعه من الطلاب بدأت فى تقطيع أوراق قوائم الأحرار ووصفها بأنها قوائم إرهابيه وأعتدت على بعض الطلاب بالأسلحه البيضاء إلا أن طلاب القائمه من جماعة الإخوان قاموا بالأشتباك مع طلاب القائمه الاخرى وحدث أشتباك عنيف أستمر لدقائق أسفر عن إصابة كثير من الطلاب !!!

هذا وقد اتهم شباب من الجامعه رؤساء الجامعات فى عين شمس والقاهره بانهم وراء حملة التشويه ضد الاحرار فى جامعتى عين شمس والقاهره واتهموا بالتحديد عميد كلية الإعلام بجامعة القاهره بأنه وراء حملة التشويه والقهر المعنوى ضد قوائم الاحرار بجامعات مصر

هذا وقد أنسحب عدد كبير من الطلاب الأحرار من الأنتخابات أعتراضا على هذه الأحداث وعلى حملة التشويه النفسيه والشخصيه التى يتعرض لها زملاؤهم فى حين قرر أخرون الرد وبعنف على هذه الحملات !!

من طرف فاروق المصرى الثلاثاء 29 مارس 2011, 6:47 pm

الطلبه اللى مش عارفه تختار دى

واللى بينضحك عليها

واللى بتختار الحزب الوطنى علشان خايفه من الإخوان او 6 أبريل أو غيره

كل دول عيال سيس

محتاجين تثقفيف من اول وجديد وشكرا

حد يلاقى احرار ومينتخبهومش

دنا فاكر على ايامنا كانوا بيتمنعوا وينضربوا وبنأيدهم

من طرف 6 ????? الثلاثاء 29 مارس 2011, 11:22 pm

رغم كل اللى ولاد بلدنا بيعملوه فينا فى أوقات كتير

مش هنبطل نشتغل

مش هنبطل نجاهد

أنا فاكره من أيام اعتصامات المحله ومن بعدها قالوا عننا أننا شلة ولاد وبنات وخلاص

وقالوا عننا أننا مش فاهمين حاجه

ورجعوا قالوا الشيوخ ان اللى بنعمله حرام

ولما الثوره قامت قالوا عننا إيرانيين

وقالوا كنتاكى ومش كنتاكى

وقالوا متدربين فى إسرائيل

ولما الثوره نجحت

قالوا أنهم هيقوموها

واللى قالوا عن ثورتنا أنها حرام بدأوا يشرعوا ليها

واللى قالوا عن ثورتنا أنها عمل فاشل وأنها صعبه بتحليلاتهم السياسيه

رشحوا نفسهم وفكروا فى المناصب

والسبب أنهم كانوا شيوخ بينافقوا الحكام من اجل البقاء ومحللين وعواجيز بيعشقوا الكراسى

وهم هيفضلوا زى نفسهم

مش هيتغيروا

وإحنا كمان مش هنتغير

مش هنزعل

وهنفضل نحب بلدنا

ونضحى بدمنا من أجلها

يمكن فعلا إحنا شباب صغير ويمكن أرتبطنا بتاريخ معين

لكن هنفضل فى قلب مصر ومصر هتفضل فى قلبنا

توقيع سما

حركة شباب 6 أبريل

(ثورتنا مستمره ....لا يأس )

من طرف **سجده** الأربعاء 30 مارس 2011, 2:34 pm

برافو يا سما هما دول ولاد مصر مش هنستسلم وهنفهم كل واحد مش فاهم اننا ان شاء الله صح وبنشتغل لله ولبلدنا الغاليه وهنضحي علشانها بكل ما نملك ومش هنضعف ولا هنتزلزل قدام الباطل بالعكس هننتصر عليه وانتصار ساحق باذن الله وان الله مع الصابرين جزاكي الله خيرا

من طرف **dandana ali** الخميس 31 مارس 2011, 11:37 pm

برافو عليكى ياسما لازم تستمروا واحنا معاكم بصوتنا وكل اللى نقدر عليه

وفعلا حاجة تشل الطلاب دول
ولو هم دلوقتى اكثرية بالطلاب الساذجين
فحيجى يوم قريب حنبقى احنا الاكثرية والطلاب حيفهموا كويس ايه اللى بيحصل والمفروض يكونوا اتعلموا

أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

رد: أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

رد: أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

رد: أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!

رد: أشتباكات بالأسلحه فى أنتخابات عين شمس وأعتداءات على قائمة الأحرار وتوقعات بهزيمتهم امام الأتحاد القديم !!