رد: السلفيون.....الإخوان الجدد

من طرف بنت بورسعيد الخميس 28 أبريل 2011, 8:41 am

لما حضرتك تدخل وتلاقى فى تجاوز فى موضوع المفروض اللى يمنع التجاوز هو صاحب الموضوع ولو هو غايب او مشغول مش مشكله عادى بننتظر لما يرجع والدليل على كده ان الإهانه اللى موجوده دى من الزوار موجوده من فتره وكلنا كنا ساكتين لكن انت دخلت وعلقت على رد هدى وقولت أنك متفق معاها فى نقطه وطالما دخلت وعلقت على كلامها يبقى كان اولى تبدأ بالرد على الإهانه خصوصا ان سيادتك دلوقتى دخلت واعترضت على كلامها وحطيت كمان الإهانه اللى هى قالتها وبعدين يبقى من حق الأعضاء التانيين يقولوا ان كلامها مش عاجبهم وعلى رأسهم عسل أسود وهو مش غلطان ومن حقه يقول انك مش عاجبه كلامك ومن حقه كمان يقول أنه مش عاجبه الإخوان دى حريه وده رأيه وهو حر فيه وحضرتك اولى ترد على أسئلته المشروعه واللى معظم الناس بتسألها بغض النظر عن أى تجاوز

ولو أنا تجاوزت انا أسفه بس الحوار كان مستفز خصوصا لما حد يدخل يشتم وصاحب الموضوع يدخل يسيب كل الشتيمه وفقط يعلق على نقطه واحده عجبته وحتى لو مش فاضى كان يمتنع عن الرد احسن

عامة أريد تكلمة الحوار وفىناس كتير متابعه تريد تكلمة الحوار

من طرف **سجده** الخميس 28 أبريل 2011, 9:33 am

السلام عليكم

انا كنت مستمتعه بالحوار جدا في اوله

وكان هيبقي شئ راقي انه يستمر بنفس الأسلوب

لكن للاسف أتحول لهجوم تاني كالعاده

يا جماعه كاتب الموضوع كان ليه وجهة نظر

ومن حقكم انكم تختلفوا معاه

ومن حقكم انكم تطرحوا عليه كل اسئلتكم وشكوككم وهو يرد عليها ببساطه وفي نفس الوقت يستمر الحوار حتي لو معجبكوش الرد هنبقي اختلفنا لكن بأصول وبدون ما يتحول الحوار لخناقه

بصراحه انا هقول شهاده بس مش علشان دكتور احمد ابن خالي ولا حاجه هههههههههه

هو مبيردش علي الشتيمه أبدا ولا يعيرها اي اهتمام

لكنه يحاور ويعرض وجهة نظره ويعرف جيدا اصول الحوار

اتمني ان الحوار يستمر والمفروض اني ارد انا كمان لان الأسئله موجهه للإخوان ههههههه

لكن معذره ان شاء الله لي عوده

لقراءة الردود جيدا وايجاد متسع من الوقت لاستكمال الحوار مع اخوتي

ولو دكتور احمد يا بنت بورسعيد بيرد قطاعي هههههههههه اعذريه لانه بيرجع من الجيش خميس وجمعه ويبيقي عنده شغل اخوان وعلاج طبيعي هههههههه ووقته ضيق بس ان شاء الله يكمل معانا

ونرد علي كل الأسئله

ومحدش يشمئز مننا ولا حاجه

بس كنت عاوزه اسأل استاذنا عسل اسود لأنه ذكر انقلاب الاخوان علي مبادئ الديمقواطيه

كنت عاوزه بس حضرتك توضح ازاي انقلبنا عليها وايه الأحداث او التصريحات اللي صدرت من الاخوان فيها انقلاب علي أية مبادئ احنا اتفقنا معاها وخصوصا الديمقراطيه؟

وجزاكم الله خيرا

ولي عوده بإذن الله .

من طرف سما الخميس 28 أبريل 2011, 5:01 pm

والله انت عسل يا سجده ههههههههههههه يعنى هو أبن خالك مش بيرد على الشتيمه بتاعت الأخت لكن بس بيرد على كلامها لما قالت الحرب الضروس على الإسلاميين ههههههههههههههه ماشى يا سجده كله منك حلو

بس بما ان الشتيمه كلها على حركة 6 أبريل

وبما ان سبب انفعال بنت بورسعيد هو اننا أتقطعنا شتيمه

ولان الأخ كاتب الموضوع له كل الأحترام مش بيرد على الشتيمه

ولانه بينزل جمعه وخميس بس

أحب ادافع عن حركة 6 ابريل اللى أنا بتشرف انى بنتمى ليها واللى كنت انتظر رد على الإهانه اللى أتعرضنا ليها سواء من كاتب الموضوع او من مشرف القسم

أنا أحب أرد على كل اللى غلط فينا وأقوله

الله يسامحك

كمل شتيمه إحنا محتاجين حسنات أكتر وأكتر إن شاء الله

وفعلا فى أسئله كتير للإخوان فى الموضوع نتمنى نسمع عليها إجابات وياريت كلنا نكلم ونسمع بعض ومحدش يتكلم بأسم الدين لأن الله اعلم بالتقوى

من طرف dr_mbpt الخميس 28 أبريل 2011, 7:45 pm

مشجع ألتراس أهلاوى نزل في منتدي رياضى مقال بيتكلم فيه عن علاقة الألتراس الأهلاوى بالألتراس الزملكاوى هو بصراحة مغلطش في الزمالك

فجأة طلعله مشجع زملكاوى متعصب تقريبا مقرأش المقال كويس وخبط في صاحبنا الأهلاوى واتبلي عليه وبوظ الدنيا خالص
وبعده ردت معلقة زملكاوية بس كانت بتضرب أسافين فى الأهلي من تحت لتحت من غير ماتقول إنها زملكاوية
صاحبنا الأهلاوى رد علي بتاع ألتراس الزمالك رد مفحم ورد علي كل اللى قاله بصراحة بطريقة محترمة
الزملكاوى اختفي ومظهرش من ساعتها وجاري البحث عنه ههههههههههه
بعد فترة دخلت مشجعة اسماعيلاوية بس مش متعصبة وقالت يعنى هو مفيش في مصر غير أهلى وزمالك وانتقدت بأدب مشجع الأهلى والألتراس الزملكاوى والزملكاوية السوسة بتاعة الأسافين
المشجع الأهلاوى الغير متعصب احترم طريقة الاسماعيلاوية ورد عليها باحترام متبادل
ودار بعدها بينهم حوار عن اتحاد الكورة والفرق التانية وكان حوار جميل وبناء حتى مشجعةالاسماعيلي اعترفت ان مشجعى الأهلى كان ليهم دور كبير فى حماية الكرة المصرية من مشاكل اتحاد الكورة
بعد فترة دخلت المشجعة الزملكاوية ووضح قوى انها زملكاوية وقالت لازم الأهلى والزمالك يتفقو مع بعض ضد الاسماعيلي وجماهيره الى عاوزين يبوظو الكورة في مصر وضد فريق الجونة؟؟؟
مش عارف هى دخلت الاسماعيلي ليه والأغرب انها دخلت الجونة
وفجأة دخل مشجع مقالش هو ايه بس قال (رأى)غريب انتقد فيه الأهلى والاسماعيلى مع ان الحوار اصلا كان بين مشجع أهلاوي وزملكاوى؟؟ واضح انه زملكاوى برضه لأنه قال برضه مصطلح الوحدة الكروية ضد الاسماعيلاوية؟؟
وبعد شوية الحوار سخن بسبب مشجع بيحب الاسماعيلى حب زى العسل بس عسل اسود للأسف وخبط وشتم فى الأهلى والزمالك وزود طينة المشجعة الزملكاوية بلة بأسلوبه
ردت مشجعة الاسماعيلي المحترمة عليه وقالتله (وأكيد أى حد من الأهلي هنا هيرد عليك وهم بيدخلوا بأنتظام)ورمت كورة الدفاع عن الأهلى في ملعب المشجع الأهلاوى
وبعد فترة رد المشجع الأهلاوى وقال انه ضد حكاية أهلى وزمالك واسماعيلي وإن كل الفرق لازم تفيد الكورة المصرية وتتحد لرفع اسم مصر تانى بعد ما تأخر ترتيبها الدولي
المشجع الأهلاوى رجع تانى دفة الحوار لحوار مؤدب هدفه خدمة الكورة المصرية
بس الظاهر ان مصر اتكتب عليها المشاكل وللأسف دخلت مشجعة قدييييمة فى المنتدي وخبطت تانى ولخبطت وقالت للأهلاوى ياريتك ماكنت علقت؟؟
المشجعة دى اتضح بعد كده انها من مشجعى الفريق المصري البورسعيدي بس متعصبة شويه وطبعا انتو عارفين ان المصري البورسعيدي بيحب الاسماعيلى
طبعا مشجع الأهلى فاض بيه الكيل وحس انه اتغلط فيه كتيييير والأهم انه حس ان النقاش اتحول من نقاش لمصلحة الكورة في بلدنا لخناقة وتعصب وطول لسان فى بعض الاحيان وقرر انى يسيب الحوار واعتذر لاعضاء وزوار المنتدى
دخلت بعدها مشجعة فريق المصري البورسعيدى وقالت كلام غريب قوى ولامت علي مشجع الأهلى إنه مدافعش عن الاسماعيلى وإنه دافع بس عن الأهلى؟؟؟ مكناش فاهمين بصراحة هو مش المفروض مشجعة الاسماعيلي هي اللى تدافع عن الدراويش وهل لو مشجع الاهلى مدافعش عن الاسماعيلي يبقي مذنب؟؟؟وقالت للأهلاوى يا إما كنت تدافع عن كله ياإما كنت تسكت أحسن
وأخيرا ظهرت مشجعة أهلاوية الظاهر كانت لابدانه في الدره ههههههها وكانت سايبة الأهلى يتقطع بس أكيد ماكانتش فاضية ودافعت عن الأهلاوى وطلبت ان الاهلاوى يكمل نقاش وان الموضوع مايبقاش خناقة
ردت الاسماعيلاوية علي الأهلاوية وقالتلها برضه بنفس طريقة مشجعة المصري اشمعنا الأهلاوى رد علي الزملكاوية أما جابت سيرة الأهلى ومردش علي شتيمة الاسماعيلي؟؟؟؟
انا شخصيا عرفت إن المشجع الأهلاوى كان ناوى يرد علي شتيمة الاسماعيلي في نفس المشاركة اللى رد فيها علي شتيمة الأهلى بس حصل عنده ظروف أخرته وعرفت برضه ان الأهلاوية الي ردت متأخر كان عندها ظروف خارجة عن إرادتها هى اللي أخرتها
صاحبنا الأهلاوى احتار يكمل حوار ونقاش ولا يسكت لأن الحوار مبقاش بناء
ياريت اللى عنده رأي يفيد المشجع الأهلاوى اللى غلب مع الناس في المنتدي الرياضي يقولهولى وأنا هوصلهوله

من طرف ??? ???? الخميس 28 أبريل 2011, 8:47 pm

عليقات عسل أسود اللى تجاوزت في رأيى حدود أدب النقاش واحكموا حضراتكم انا مش هعلق
(أنا عندى حالة أشمئزاز من بعض الردود وعلى رأسها ردود من الزائره هدى

وردود السلفيين

ولا يعجبنى كلام الشاب الإخوانى واضع الموضوع )و
(وانا بقولهم فعلا عندك حق البيض حراااااااااااااااااااااااااااااام أرحمونا

(حسبى الله ونعم الوكيل فى كل طامع فى مصر)

طيب والنبى قولى كلامى فيه أيه تجاوز
مش انت إخوانى وواضع الموضوع ؟؟ وانا لا يعجبنى كلامك انا حر فى رأيى يا سيدى
أين التجاوز هنا ؟؟

ولما واحده تدخل تقول 6 أبريل مناهجهم كفريه
وانا أقول جالى أشمئزاز من الكلام ده يبقى أنا بتجاوز ؟؟
هههههههههههههه

فعلا تجاوز كبير حتى الأشمئزاز معاهم غلط فعلا فعلا
يا راجل دنت بنفسك نقلت كلامها وانتقدته

ولما بقول البيض حرام بتهكم عليهم
وده حقى لان هم فعلا اللى قالوا كده

وانا مش بفترى على حد
خد حضرتك لينك الخبر اللى هم أفتوى فيه فتوى بتحريم بيع البيض فى شم النسيم

وده فى جريدة الشروق ذات المصداقيه العاليه

انا عاوز أعرف فين التجاوز ؟؟؟

وايه الماتش اللى أنت بتوصفه ده

معلش بعد إذنك التشبيه مش مستساغ
خااااااااالص من وجهة نظرى

فى أسئله ياريت ترد عليها بموضوعيه

وإلا فعلا يبقى قلة الرد أحسن

وياريت اللى يحكم انى تجاوزت أو لا
هو مدير المنتدى
لأن دى مش اول مره حد يتجاوز فى حقى

من طرف ??? ???? الخميس 28 أبريل 2011, 8:50 pm

لينك الخبر مش بيظهر وهو فى جريدة الشروق وفى كل مكان

والكل سمع عنه

إحنا مش بنفترى على حد

اه ونسيت لما قولت حسبى الله ونعم الوكيل فى كل طامع فى مصر

ايه الغلط هنا ؟؟؟

مش فاهم

أيه الغلط انى أقول حسبى الله ونعم الوكيل فى اللى بيطمع فى بلدى

من طرف dr_mbpt الجمعة 29 أبريل 2011, 8:47 am

عندي فكرة جميلة قوى ماتيجي حضرتك نسيب الموضوع من الأصل ونسيب مصلحة بلدنا ونقعد نتكلم في التعليق ده مستفز ولا مش مستفز

والرد ده مشمئز ولا مش كده
وفلان مردش ليه علي علان
والماتش مستساغ ولا طعمه حلو
ونتكلم بقي في إن حضرتك مظلوم ودايما الناس بتيجى عليك وتغلط في حقك

مش كده أحسن برضه من مصر

مصر إيه يا سيدي المهم كل واحد ينتصر لرأيه ويحس انه فاز في مسابقة أحسن رد

أقطع نفسي عشان الناس تستريح حتى بعد ماسيبت الحوار مفيش فايدة
قالولى ارجع عاوزين نكمل قلت أمرى لله عشان أنا عمرى ماهربت ولا رفضت طلب لحد بالذات لو انسان محترم
رجعت وسألت الناس ايه رأيكم وعشان مغلطش في حد وعشان أوضح رأيي ببساطة وباختصار ضربت مثال الأهلى والزمالك
ألاقى الأستاذ عسل أسود مصر يطلع بره الموضوع ويحول الموضوع لموضوع شخصى وإنه مظلوم دايما
ويتكلم برضه في الردود والتعليقات
والدكتور خالد لا بيرد ولا حاسس ان فيه حاجة بس أنا بلتمسله العذر أكيد مشغول أنا عارف القصر العينى وقرفه ربنا يكون فى عونه بس حتى يقول أنا مشغول أو مش عاجبنى الحوار أو حتى يقول انى غلطان وتجاوزت
بصراحة أنا عندى يطردونى من المنتدي أحسن ما أفضل فى نقاش بالشكل ده
كل ما أحاول أخليه موضوعي يتحول لنقاش فرعى فى كلام غريب
مش فاهم بصراحة

وكل شويه حد يطلع يقولى قلة ردك أحسن

قد كده ردى تاعبكم نفسيا
أنا آسف يا جماعة تانى وآسف ياأستاذ عسل
أنا هعمل اللى نفسك فيه والأحسن اللى هو قلة ردى
وهحققلك اللى حضرتك عاوزه بس على فكرة انا فضلت لآخرلحظة صابر عشان خاطر الناس الى بحترمهم في المنتدي لكن للأسف محدش جاوبنى ولا رد عليا ولا ساعدنى باستثناء سما وسجدة

وياريت يا دكتور خالد لو تلغى مقالي وتعليقاتى عشان أنا مش حابب أكون مصدر إزعاج واشمئزاز وعدم استساغة لحد

والسلام عليكم ورحمة الله وبركاته

من طرف الطائر المهاجر الأحد 01 مايو 2011, 2:06 am

السلفيين كل لما بيتخلوا عن الأفكار المتشدده ويبدأوا يفكروا بيقربوا وشيه بشويه من منهج الإخوان

فهم سينتهون من حيث أبتدينا

ولذا فعليهم ان يختصروا الجهد والوقت واللى عنده ملكة السياسه يجى ينضم للجماعه ويتأدب بادبها

وأول قواعده ادب الحوار واحترام الأخر

والأجتماع على ما نتفق عليه وأن نعذر بعضنا البعض فيما نختلف فيه

صحيح عدد الإخوان كبير والسلفيين عددهم كبير لكن الان بعد الثوره كله انكشف وبان وطلع ان عدد كل اللى بيمارسوا السياسه ميكملش 10 % من المجتمع والناس هتبدأ تختار من كل صنف بلا خوف

واللى بضاعته أفضل الناس هتختاره

والديمقراطيه هى الفيصل بين كل ده

لكن طبعا السلفيين كانوا ضد الثوره من البدايه والموقف لا يحتاج لمزايدات لأن التشدد موجود منذ القدم وقدم القدم والمتنطعيين وأصحاب الظاهريه وجدوا فى كل عصر وعند فتح الباب لهم يرفضهم الناس

لمن أتهم الإخوان بالتفريط او التقصير نحن منهج وسطى نجتهد ونأخذ بفقه الأئمه الأربعه ومن يظن ان المنهج السلفى هو الدرجه العليا فى الورع هو واهم مخدوع لأنه واحد من 8 مناهج ظهرت حديثا حتى بعد ظهور الإخوان بزمن

ارجو عدم خلط الأوراق وعدم مهاجمة شرفاء الوطن من الأحزاب الأخرى أو من حركات أخرى او من الليبراليين وغيرهم فهم شرفاء يعملون لهذا الوطن وطالما انهم يخدمون البلاد ولم يظهر منهم شىء لا يصح ان نحكم حكما غيابيا عليهم لأننا لا نعلم النوايا والله أعلم من صواب ومن خطأ

والإخوان هم جماعه من المسلمين ليسوا جماعة المسلمين وهم يحملون الدعوه ولا يحتكرونها ولو أصابوا فإنهم أصابوا بالإسلام ولو أخططئوا فقد أخطئوا بالإخوان

وأنا كعضو فى جماعة الإخوان أردد هذا الدعاء يوميا وأدعو كل أخوتى لترديده

اللهم إن كانت الإخوان على خير وتهدف لمصلحة مصر اللهم وفقها وأرفعها واللهم إن كانت الإخوان على شر وتهدف لشىء غير مصلحة هذا البلد اللهم اهلكها

اميييييييييين