مفرش سفره خطوه خطوه بالصور

من طرف **عذاري** الإثنين 20 يونيو 2011, 6:29 pm

مفرش سفره خطوه خطوه بالصور

جبت لكم موضوع طريقه عمل مفرش سفره خطوه خطوه مع الصور

وشرح من صاحبه الموضوع الاصلي ان شاءالله يعجب الجميع

بديناااااااااا

النهاردة وبعد مجهود 6شهور متواصلة الحمد لله إنتهيت من عمل مفرش السفرة بتاعى .

المفرش طرزته على الطريقة السوريه وكله مطرز بالخرز وخرج النجف وده ليه أكتر من

شكل ,فمنه الطويل والقصير ومنه اللامع والمطفى ومنه المدور والبيضاوى ......إلخ.

وإختيارك لنوعية ولون الخرز تعتمد على لون السفرة وقماش الكراسى واللى فى الغالب

بيبقا بنيات وذهبيات وأحيانا زتونى أو زيتى .

أوريكوا صورة المفرش بعد ما إنتهيت منه الأول وبعد كدا نكمل كلامنا

نقلت لكم طريقه صنع مفرش السفره انتهت صاحبته منه بعد 6 اشهر وكله

مطرز بالخرز وخرج النجف ان شاءالله يعجبك

هذا شكل المفرش

يتبع

من طرف **عذاري** الإثنين 20 يونيو 2011, 6:36 pm

بعد ما حددت لون القماشه بتاعتى ونوعها وهيا اللون الذهبى وإخترت قماشة أورجانز

ا ناشفه (ويستحسن الإبتعاد عن القماش الطرى لأنه عن تجربة مش حلو فى شغل التطريز)

بدأت أشترى الخرز ودى كانت أصعب مرحلة مش صعبة فى تحديد اللون ولكن

كانت صعبه فى إنى ألاقى اللون اللى أنا عاوزاه فى السوق ودورت

كتير لحد ما لاقيت اللى أنا عاوزاه والحمد لله

إخترت 4 ألوان من خرج النجف المتوسط الطول اللامع وهما (الأخضر,النحاسى,الذهبى

الغامق,الذهبى الفاتح المايل للبيج اللى بيماثل لون القماش )

كمان إخترت 3ألوان من الخرز المطفى صغير وهما(بنى محروق, ذهبى فاتح لون القماش,وبنى ذهبى)

الخيوط طبعا خيط قطن عادى بتاع الخياطه وتكون نفس لون القماش وليس

نفس الوان الخرز المستخدم ودى نقطه مهمه

وطبعا الإبر بتبقا إبر تطريز ودى عينها بتبقا رفيعه جدا

قصيت القماش متر فى متر وبعد كدا رسمت أطرافه على شكل ورق شجر

أو مشرشر وحددت الأطراف وسرفلتها (لو معندكيش مكنه فى البيت ممكن

تسرفليها بره عند أى محل سرفله)

يتبع

من طرف **عذاري** الإثنين 20 يونيو 2011, 6:47 pm

دلوقتى جه وقت إختيار الرسمه اللى هنفذها على القماش

وبعد بحث طويل فى دهاليز الإنترنت لاقيت بفضل الله رسومات كتير إخترت

منها بالضبط 3 رسومات مختلفه وبدأت أتخيل شكل الرسمه النهائيه

للمفرش بعد تجميع الثلاث رسومات دول

وكانت أول رسمه هى الرسمه دى واللى هستخدمها فى رسم

برواز المفرش الخارجى زى ما هنشوف دلوقتى

يتبع

من طرف **عذاري** الإثنين 20 يونيو 2011, 7:12 pm

طبعا أنا ما إستخدمتش الرسمة زى ماهيا كدا أنا خدت بس الوحدة اللى

عاملة زى ورقة الشجر (ومهم جدا ان عندى ورقة الشجر وإنعكاسها

لأنى هحتاج الإتنين فى الرسم)

طبعت الرسمة على ورقة A4

وحطيت القماشة فوق الورقه وبدأت أشفها بالقلم الرصاص

أنا رتبت وحدات ورق الشجر بطريقة عشوائية ولكن مرتبه وده بيعتمد على ذوقك وفنك

يتبع

من طرف **عذاري** الإثنين 20 يونيو 2011, 8:02 pm

وكان ده الشكل النهائى بعد ماشفيت كل البرواز الخارجى

وبدأت أطرز الوحدات دى كالتالى وهشرحها بالتفصيل وبالصور

الاول هحدد الوحده بتطريز خط مستقيم بإستخدام خرز بنى محروق مطفى

طبعا هلضم الابره فى الاول وادخل الإبرة فى القماش من تحت واحط 3 خرزات فى الإبرة

هدخل الابرة فى القماش كما فى الرسم

يتبع

من طرف **عذاري** الثلاثاء 21 يونيو 2011, 2:32 pm

وهرجع بالإبرة تانى وأطلعها من قبل أخر خرزتين

هشد الخيط بإيدى بس مش قوى والشده دى بتخلى الخط مستقيم قوى ومنظم

هندخل الإبرة فى أخر خرزتين (ونأخد بالنا إننا سبنا خرزة مادخلناش فيها الإبرة وده بيخلى خط الخرز متصل ببعضه)

وبرضه هنشد الخيط دلوقتى

وده هيبقا شكل الوحده بعد ما خلصنا تحديدها

يتبع

من طرف **عذاري** الثلاثاء 21 يونيو 2011, 2:52 pm

هنكرر اللى عملناه وهنعمل خط تانى داخل الخط الأول بس بخرج النجف الأخضر وهنتبع نفس الطريقة السابقة وده شكل الوحده بعد عمل الخط التانى

هنعمل خط تالت بنفس الخرز البنى اللى إستخدمناه فى الخط الاول وده هيبقا الشكل النهائى للوحده بعد تحديده

هنعمل كدا فى كل الوحدات اللى رسمناها وده هيبقا الشكل النهائى للوحدات اللى على البرواز الخارجى للمفرش وبقا واضح ترتيب الوحدات دلوقتى

يتبع

من طرف **عذاري** الثلاثاء 21 يونيو 2011, 3:02 pm

دلوقتى هنبدأ نحشى الوحدة اللى حددناها زى ما هشرح فى الصور التاليه

هندخل الابره ملضوم فيها الخيط من تحت داخل المفرش

هنحط واحدة من خرج النجف وليكن النحاسى مثلا داخل الإبرة ونخرج الابره من القماش

هندخل الابره من القماش تانى على بعد مسافه مللى من الغرزة الأولى

هنعمل غرزة تانية كما سبق وترتيب الغرز هيبقا عشوائى

يتبع

من طرف **عذاري** الثلاثاء 21 يونيو 2011, 3:14 pm

ودى الغرزة التالته

ودى الغرزة الرابعه

وده الشكل بعد ماعملت شوية غرز

هنحشى كل الوحدات بالمثل حتى ننتهى من حشو كل الوحدات

وأنا حشيت كل وحده بلون مختلف وده بيعتمد برضه على ذوق كل واحد وطريقته فى ترتيب الألوان

وده شكل الوحدات بعد ما خلصنا حشوها

يتبع

من طرف **عذاري** الثلاثاء 21 يونيو 2011, 3:22 pm

ودلوقتى نيجى للرسمة التانية اللى إستخدمتها والرسمه دى هرسمها فى منتصف المفرش بالظبط

ده شكل الرسمه الأصلى

وده شكلها بعد ما قسمتها 4 أجزاء عشان أقدر أطبعها على ورق A4

يتبع

من طرف **عذاري** الثلاثاء 21 يونيو 2011, 3:33 pm

وده شكلها بعد ما طبعتها وجمعت الورق باللزق وهشفها برضه على المفرش بتاعى

هنحددها بنفس طريقة التحديد اللى فاتت وحشيتها باللون الذهبى الفاتح اللى نفس لون المفرش

وده شكل المفرش كله بعد ما خلصت الرسمه اللى فى المنتصف

الرسمة التالته اللى إستخدمتها هيا الرسمة دى

يتبع

من طرف **عذاري** الثلاثاء 21 يونيو 2011, 3:40 pm

وده بعد ما قسمتها عشان اقدر اطبعها على ورق A4

والرسمه دى إستخدمتها لعمل برواز حول الرسمة اللى فى المنتصف زى ما هنشوف فى الرسمه

الورده هنحدد فروعها وهنحشيها بطريقة الرص كالتالى

أنا طبعا إضطريت أستخدم الطاره وأنا بطرز الورده مع إنى ما بحبش أستعملها بس كان لازم منها عشان القماش ما يلمش

يتبع

من طرف **عذاري** الثلاثاء 21 يونيو 2011, 3:48 pm

عملت 3 فروع بلون والتلاته التانين بلون مختلف

طبعا بفضل اعمل سطور متتاليه لغاية ما فرع الورده يتحشى كله وطريقة الحشو دى إسمها طريقة الرص

يتبع

من طرف **عذاري** الثلاثاء 21 يونيو 2011, 3:58 pm

باقى الرسمه حددتها بنفس طريقة التحديد اللى فى أول الموضوع

وده الشكل النهائى

امممممممممم شووووو رايكم موو حلوووووووووووو

بس يبي له وقت وصبر وهل شي مو عند هههههههههههههههه

الي يجربه يقول لنا

بحفظ الرحمن

من طرف **سجده** الأربعاء 20 يوليو 2011, 9:09 pm

تحفففففففه يا عذاري

بس علي رايك عاوز وقت وصبر وعاوز واحده نظرها قوي جدا هههههههه

بس بجد فنانه

بس لما عملت كده في مفرش السفره يبقي عملت إيه في باقي الشقه؟
مش كنتي تفرجينا الشقه كلها يا عذاري؟

ويسلمو علي الموضوع اللي يعقد

مفرش سفره خطوه خطوه بالصور 439895

من طرف **عذاري** الخميس 21 يوليو 2011, 6:10 am

سجده كتب:تحفففففففه يا عذاري

بس علي رايك عاوز وقت وصبر وعاوز واحده نظرها قوي جدا هههههههه

بس بجد فنانه

بس لما عملت كده في مفرش السفره يبقي عملت إيه في باقي الشقه؟
مش كنتي تفرجينا الشقه كلها يا عذاري؟

ويسلمو علي الموضوع اللي يعقد

شو عرفني شو شكل شقتها هههههههههههههههههههههههه

ياااااااااااااااااريت اعرف جد شغلها رووووووووووعه

الوحيده الي عبرت الموضوع وردت عليه ولو ان زواره كثير

هههههههههههههههههههههههههه

الله يسلمك

سجده

نورتي الموضوع

جزاكي الله خيرا

مفرش سفره خطوه خطوه بالصور

مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور

رد: مفرش سفره خطوه خطوه بالصور