رد: تفضل أختار رئيس مصر القادم

من طرف د.نور الأحد 13 فبراير 2011, 10:53 pm

بصراحه خاب املى يا جماعه بنقول ثورة الشباب وانتوا مختارين ناس كلهم على المعاش . فى حد حيراجع نفسه ويختار حد من 35الى 55 ولا انتوا مصرين ؟ اما انا فاختار د.عصام العريان .صحيح الاخوان قالوا مش نازلين بس انا حاقولو سيبك يا عم من الاخوان وانزل واهوا تطلع بخمسين ستين مليار ..الكلام الجد انا مستنيه اشوف اختيار د خالد وبعدين اقرر.

من طرف **k_I_A_S_B** الإثنين 14 فبراير 2011, 12:00 am

د.نور كتب:بصراحه خاب املى يا جماعه بنقول ثورة الشباب وانتوا مختارين ناس كلهم على المعاش . فى حد حيراجع نفسه ويختار حد من 35الى 55 ولا انتوا مصرين ؟ اما انا فاختار د.عصام العريان .صحيح الاخوان قالوا مش نازلين بس انا حاقولو سيبك يا عم من الاخوان وانزل واهوا تطلع بخمسين ستين مليار ..الكلام الجد انا مستنيه اشوف اختيار د خالد وبعدين اقرر.

يااااااااااااااااااااااااااااااه دا موضوع قديم اوى أيه فكركم بيه هههههههههههههه

ياه فاكرين لما عملنا الموضوع دا

قالولنا هتروحوا فى داهيه وامن الدوله وكلام من ده

الحمد لله أن مواقفنا ثابته من الأول

بالنسبه لكلام د نور لأنه كلام مهم

وبصراحه متابع موضوعاته خصوصا الموضوع اللى حذر فيه أثناء الثوره من الخطه أ و ب وج وبجد استفدت منه جدا
وديما رأيه بيعجبنى

وطالما هو اتكلم عن موضوع الشباب وأننا نختار مين

بصراحه انا مش هختار أى شخص غير لما أشوف برنامجه الأنتخابى الأول ويقدمه وبعدين احكم لكن فى شرط أساسى ومهم اولا

وهو وجهة نظره من القضيه الفلسطينيه وقضية الوحده وليس الإصلاح الداخلى فحسب وهذا يتوفر فى أى شخص له بعد نظر سياسى قومى وهناك من الأسماء المقترحه كثيرون يتوفر فيهم هذا الشرط

لكن انا عاوز أقول حاجه كمان يا د نور وهى انى بطمح ان رئيس مصر يكون مجرد مسار للدوله وليس رأس الدوله
بمعنى لا يكون هو مالك كل قرار

يكون عندنا برلمان قوى ومؤسسات قويه ووزرات منتخبه ومحبوبه تاخذ قرارات بأستقلال
والرئيس يكون ممثل ومشرف ومسير للأعمال وليس خو الممسك بزمام كل شىء

وبخصوص أختيارك ل دعصام فهو شخصيه مميزه وداخل الإخوان أخرون مثل د عبد المنعم أبو الفتوح
وغيرهم ايضا خارج الجماعه
مثل د سليم العوا
ومثل عمرو موسى

ومثل حمدين صباحى

وهناك ايضا شخصيات علميه مرشحه
مثل د زويل

وغيرهم

لكن هختار مين

انا شخصيا هقرأ البرنامج الانتخابى وبعدين أختار إن شاء الله

من طرف ?? الثلاثاء 15 فبراير 2011, 2:12 am

لا يا دكتور خالد ممتابعه بسيطه للمنتدى مش حضرتك اللى تقول امن الدوله

و فعلا محدش هيقرر من غير البرنامج الانتخابى
لكن يعنى مجرد اسم يراه الدكتور خالد جدير بحكم هدا البلد الرائع

وفعلا الدكتور سليم العوا مفكر فعلا رائع وحديثوا شيق ومنظم و رجل صريح المبدء وواضح الراى

لكن طبعا لان ده حوار مفتوح مش الاولى اننا نضع كل شخص فى موقعه الصحيح

الدكتور سليم العوا مستنير الفكر فا وجوده فى وزاره الاوقاف فعلا تعبير عامى صريح (هينظفها)و استشارتوا فى الماده التربيه الدينيه بتكيد يجب ان لا يكون فى غنا عنها

و الدكتور زويل عالم جليل و يقدر العلم وجه نظر شخصيه مكانو الامثل التعليم
لكن فى الحقيقه يجب ان يوجد مستشار من هولاء الذين للاسف يسمون خبراء فى التعليم

اما رجاء دكتور خالد لو تعرف توصللموضوع ده
انا اناشد حضرتك يا تبلغهم يشيلوا عائشه عبد الهادى اللى فى نضرها اللى يخلص جامعه يشتغل امن فى مول
يا تبلغ السيد الوالد انو يوفر فلوسوا وكفايه لحد كده تفضل أختار رئيس مصر القادم - صفحة 2 906637

تفضل أختار رئيس مصر القادم - صفحة 2 906637

من طرف **k_I_A_S_B** الثلاثاء 15 فبراير 2011, 4:21 am

ضى شكرا على رأيك ووجهة نظرك البناءه

جزاك الله خيرا ولك جزيل الشكر

وبالنسبه لموضوع عائشه عبد الهادى فهى تستحق المحاكمه والوزاهر الحاليه كلها وزارة تسيير اعمال ويجب تشكيل وزاره جديده من شخصيات عامه وشكرا

من طرف د.نور الأربعاء 16 فبراير 2011, 12:22 pm

كلام جميل جدا وانا مبسوطه من المناقشه فهى افضل كثيرا من مجرد الاختيارات الصماء ........انا كمان مستنيه البرامج الانتخابيه وكمان مستنيه وجوه جديده مرشحه يمكن تظهر اسماء ليست على بالنا وتكون محترمه وبنائه

من طرف **سجده** الأربعاء 16 فبراير 2011, 1:08 pm

وانا شايفه برده ان بلدنا ولاده للقاده والمسئولين اللي بجد

وكل اللي ذكروا اشخاص اكيد ليها وضعها

ومعروفه بإخلاصها وحبها لمصر

إن شاء الله البرنامج الإنتخابس هيوضحلنا كتير

وانا مع دكتورخالد ان لازم اللي هيترشح نعرف اتجاهه بالنسبه لقضيتنا الفلسطينيه وموقفنا من الكيان الصهيوني

وبعد كده نختار

لأن ثورتنا ثورة تحول مش في مصر بس لكن لكل الأمه العربيه الإسلاميه

وكفاية خنق وظلم وعار اتكتب علينا من جراء الإرتماء في أحضان امريكا واسرائيل .

من طرف **dandana ali** الأربعاء 16 فبراير 2011, 2:17 pm

طبعا كلامكم رائع ياجماعة وانا ماشاركتش فى انتخابات قبل كده
بس حيبقى اكيد ليا بطاقة انتخابية بعد اللى حصل
وحشارك بصوتى بعد ماشوف البرنامج الانتخابى

انا كنت سبقت وشاركت فى التوبيك ده
بس اكيد وجهه نظرى دلوقتى حتتوقف على البرنامج الانتخابى يعنى مش بعتبر نفسى شاركت قبل كده

جزاك الله خيرا يادكتور

من طرف جميله الأربعاء 16 فبراير 2011, 2:52 pm

لست مصريه وليس لى حق الأختيار

لكن نتمنى ان يكون لمصر رئيس يعيد الكرامه العربيه

نريد رجل مثل جمال عبد الناصر يعيد كرامة كصر وكرامة العرب كلهم ويومها سنكون كلنا خلفه نؤيده من الخليج للمحيط

حفظ الله مصر ووفق شعبها

أريد ان أقول ان المسئوليه على مصر كبيره غير أى دوله فمصر ليس مطلوب منها فقط العمل على العداله والتنميه ولكن مطلوب أيضا الكثير خارجيا

من طرف ???? ??? الخميس 17 فبراير 2011, 6:36 pm

عمرو موسى

من طرف د.نور الخميس 03 مارس 2011, 3:56 pm

انا مش عارفه ايه حكاية عمرو موسى انا شايفه ان صوته واطى وارائه دائما ضعيفه كما سمعت انه قال ان مفيش مبرر لمحاكمة مبارك .كما انه كان جزء من النظام الحكومى ومبارك هو من رشحه بقوه ليكون امينا عاما للجامعه العربيه.مش عارفه ده رايى بس وانا مبعترضش على راى اى حد بس حد يناقشنى

من طرف بنت بورسعيد الخميس 03 مارس 2011, 4:14 pm

انا لم أقرر بعد من سأختار ولكنى قررت ألا أختار عمرو موسى

طبعا عمرو موسى مرفوض من وجهة نظرى

من طرف د.نور الثلاثاء 08 مارس 2011, 11:13 am

انا سبق وقلت انى اتمنى ان الاى وجوها جديده والحمد لله حصل .ايه رايكم فى د.عصام شرف

من طرف بنت بورسعيد الثلاثاء 08 مارس 2011, 5:36 pm

هو د عصام شخصيه توافقيه يجتمع عليها كثيرون واكيد هيكون له شعبيه لكن لا اعتقد انه هيرشح نفسه

من طرف bolbola الخميس 31 مارس 2011, 12:20 pm

حمدين صباحى

من طرف bolbola الخميس 31 مارس 2011, 12:38 pm

حمدين صباحى

من طرف ???? الأحد 15 مايو 2011, 5:39 am

عمرو موسى

من طرف مى عامر الإثنين 15 أغسطس 2011, 6:10 pm

طيب طبعا انا مش هحط اسمى كرئيس للجمهوريه يا جماعة ههههههههههههههه
ولكن بجد ارى فى دكتور / عبد المنعم ابو الفتوح رئيس لمصر الفترة القادمة
قثغفقفغقفقفف