لحظه من فضلك هاااااااااااااااااام

ودكتور خالد كان قال كمان أن الفكره أحنا أيه كان هدفنا وهل قدرنا نحققه أو لا أو على الأقل أحنا على طريق صحيح لتحقيقه ؟؟
اعتقد ان هدفنا كان انا نقدر نفيد ونستفيد وانا عن نفسى شايفة اننا كنا ماشيين على طريق صحيح وقدرنا ننحقق هدفنا بنسبة كبيرة بس حاسة محتاجين شوية نشط عشان المستوى بدا يقل عن قبل كدة
وأنا عاوزه أضيف شويه أسئله

الأول : ما هو تقييمك لساحة ملتقى العقول يعنى تعطيها كام على عشره ؟؟
من وجهة نظرى اعطيها تسعة على عشرة لانها حقيقى متميزة عن غيرها بالروح الحلوة والتقدم كان سريع ما شاء الله بس بدا يقل بسبب الدراسة
الثانى : فى وجههة نظرك هل ساحة ملتقى العقول نسخه مكرره ام لها مميزات خاصه ؟
لا مش نسخة مكررة هى ليها طابعها الخاص ومميزة عن غيرها واحسن حاجة بتميزها ترابط الاعضاء وان بتجمعهم مبادئ وقيم واحدة والروح الحلوة والحب اللى بيننا كلنا والزوار كمان فى زوار عساسيل اوى بيدخلوا معانا بسم الله ما شاء الله ما يحسد المال الا اصحابه ههههههههه


الثالث : ما رأيك فى المضمون الذى وصلنا له ..لأنى بصراحه حاسه أننا
بنطور ..يعنى القدام معانا يقدروا يحسوا ده ..وان ساحتنا مش زى أول يوم ولا وى أول أسبوع ولا حتى زى الأسبوع اللى فات يعنى كل يوم بتتطور وتتغير ..فهل ترى هذا التطور حلو ولا فيه مشاكل ؟؟
هو فعلا فى تطور كبير حصل للساحة خصوصا ان هى عمرها لسة صغنون خالص بس قدرنا نوصلها لمستوى سابق سنها الحمد لله بس التطور ده كان سريع قبل الدراسة وبصراحة بدا يقل وده شئ ياسفنى بس انا عارفة انه طبعا غصب عننا
أخيرا : ما رأيك فى مستوى الأعضاء والموضوعات الردود؟
مستوى الاعضاء راقى جدااااااااا بجد الموضوعات تتراوح بين الجيد جدا والامتياز الردود بقالها فترة بين مقبول وضعيف مكنتش كدة الاول قبل الدراسة

انا قلت رايى بمنتهى الموضوعية والصراحة وعايزة اعرف ارائكم كلكم
ميرسى يا لحوظة ع الموضوع الرائع

الأول أخباركم عاملين أيه ؟؟

والموضوع حلو يا لحظه ..وشكرا على هذه الفكره الرائعه وقبل أن أعلق على الموضوع ورأيى ..عاوز أسأل أنتم فين ؟؟؟؟؟

فين الأعضاء ولماذا لم أرى غير ردين على هذا الموضوع ههههههههههههه حرام صاحبة الموضوع ناديت عليكم بالأسم ومع أنى محدش نادى عليا لكن عاوز أرد بعد أذنكم

هو أولا كيف بدأت الحكايه ؟؟

لما بدأنا فكرة ساحة ملتقى العقول ...أقصد لما كان عدد المشاركات الكليه فى المنتدى أقل من عشر مشاركات ..كان هدفنا أيه ؟؟؟
عاوزين عدد أعضاء كتير جدا ؟؟؟؟ لا طبعا
عاوزين نوثل لمليون مشاركه ؟؟ لا طبعا

مع انه ده شىء حلو ..لكن ده مش هدفنا

نحن كان لنا هدف واضح من البدايه وهو أننا نهدف لخلق ساحه لتبادل الأفكار وقولت فى أفتتاح المنتدى على ما أتذكر أن أوطاننا الان تمر بأزمه ثقافيه وفكريه هى منبع أساسى لأزمتنا السياسيه وقد برزت عدد من القوى التى تهدف لحل الأزمه وقد ظهرت عدت طرق ولكنها ذات شعاب مختلفه وأفكار غير متشابهه ولذا فكرنا أن يكون لنا ساحه يلتقى فيها الشباب بعقولهم من كافة الأنتماءاتو البلدان ليتحاوروا ويختلفوا ويخلصوا إلى نتائج واضحه....

اللى عاوز يكون عنده مليون عضو وخمسه مليون مشاركه هدفه إعلانى بحت

عارفين ليه ياشباب ؟؟

المنتديات العربيه كلها أو أغلبها للأسف يهدف لجمع عدد كبير من الأعضاء وبالتالى تكون سوق جيد للإعلانات ومن ثم المكسب والربح

والمنتديات التى لا تهدف للربح إما أن تكون منتديات تابعه لحزب معين أو فئه سياسيه معينه أو منتدى لجامعه أو كليه أو مؤسسه

غير هذا أتحدى أن يكون هناك فى الوطن العربى كله منتدى واحد لا يهدف للربح وغرضه ثقافى فقط وتحاوى فقط وليس تابع لكليه معينه أو مؤسسه أو حزب غير ساحتنا

نرجع تانى ..إحنا هل حققنا هدفنا ؟؟؟
أو على الأقل حققنا جزء منه

طبعا حققنا شىء جميل ...فعلا فى شباب من مختلف الأنتماءات والأحزاب والأفكار بتحاور ..وتلاقيهم بيتناقشوا فى قسم الحوار الجاد فى موضوع مين هيكون رئيس مصر القادم وكل واحد له رأى مختلف عن التانى تماما ..وفى القهوه تلاقيهم بيضحكوا ويهزروا مع بعض .....كده أقولكم نجحنا ومبروووك

بقينا بنعرف نفكر وبقينا بنعرف نختلف وبقينا بنعرف نسمع بعض

طيب هقولكم على مثال بسيط

أنا مثلا فى أعضاء زى سجده ..كنت متوقع أنها هتسيبنا بعد أسبوع بالأكثر هههههههههههه
ولكنها أستمرت ولازالت وإن شاء الله هتستمر ( بورطها هههههههههههه ) ...وشخصيا أستفدت من مشاركتها جدا جدا جدا

وكذلك دندنه توقعت انها مش هتكمل ولكنها ما شاء الله لا يفوت يوم إلا وتدخل (توريط أيضا ) هههههههههههه

كانت مره عضوتنا المتميزه القلب الطائر قالت هو احنا بقينا قناة الجزيره ولا أيه هههههههههههه عجبنى أوى تعليقها ده حسيت أن عندنا فى الساحه عضوه بتنتقد سياسة الساحه ( دى تلفيق تهم مش توريط ههههههههههه )

لا حقيقه أان نفسى حد ينتقدنا وبقوه علشان نعرف عيوبنا ..يعنى أكثر شىء بيستفزنى لما واحد مننا يقدم أقتراح ويقول ( ودى وجهه نظر والأصلح طبعا فى قرارك واللى أنتم شايفينه صح ..الخ )...أنا عاوز أننا نوصل لمستوى من الجرأه والقوه أن العضو يجى يقول دى فكرتى منفذتهاش ليه يا خالد ؟؟ ...عاوزين شجاعه وعاوزين ناس واثقه فى نفسها وناس ليها رأى ..لأن هؤلاء هم من يبنون المجتمعات المتقدمه أما الخاضعين فلا رجاء منهم

أنا مش عاوز نبقى مليون بلا قيمه وبلا مضمون ..أنا عندى هنا فى الساحه عشر أعضاء ومش هقول هم مين لأنهم عارفين نفسهم
عندى عشر أعضاء ..الواحد منهم ب 100 ومش مبالغه

وأقل عضو إسهاما فى تقدم هذه الساحه وأقلكم مجهودا هو أنا ..ومقصر جدا ...وده شىء كويس ...وأان واثق ومتأكد أنى لو قابلت ربنا غدا أو بعد غد الساحه هتستمر وهتبقى أجمل وأقوى إن شاء الله وهناك من يقدر على إدارتها وأستمرارها ..واعتبروها وصيتى مثلا ههههههههههههه


علشان مطولش عليكم ...قد يكون هناك كما قالت عذارى بعض البطىء بسبب الدراسه وأنا أرى أنه بسبب الدراسه فقط ولكن أيضا بسبب تقصير شخصى منى وأنا أعتذر عن هذا ...وإن شاء الله فى الأيام القادمه فى قنابل فى الساحه ..ومش هنهدى هههههههههههههههههه

لأننا ساحة ملتقى العقول وأقلامنا لا تتوقف عن الإبداع

فى برنامج للتطوير كنت قدمته وأنا ملتزم أمامكم يا أعضائنا ويا زوارنا أنى هطبقه إن شاء الله
وفى حاجات حلوه كتير فى الطريق

وسيتم الإعلان عنه حالا ودوما فى تفوق وتقدم يا ساحتنا

ساحة ملتقى العقول

ودائما رددوا شعارنا

نحن نقدر ...نحن نقدر ...أو بالمصرى البلدى ..إحنا نقدر

we can do

وهستنى مشاركتكم يا أعضاء ويا زوار

سلام

انا بعتذر يالحوظه عن التأخير بس بصراحه كنت محتاره اقول ايه
هههههههههههه

مش عايزه امدح فى الساحه وفيكم مره تانيه لحسن نتغر ولا حاجه ههههههههه لأنى اتكلمت قبل كده فى توبيك للحظه بأسم
انت قبل وبعد المنتدى
والمنتدى مش محتاج انى اتكلم عنه لأنه بيتكلم عن نفسه

وفعلا فى بطىء فى الدراسه بس لظروف خارجه عن الأراده وادينا بنحاول هههههه

ودى زى ماذكرت قبل كده اول مره ليا اشترك فى منتدى
وآخر مره هههههههههههه
لأنى معتقدش انى ارتاح او احب اشترك غير هنا معاكم
واهم حاجه انى اكتسبت صداقات كتيره
وان شاء الله تدووم

السلام عليكم ورحمة الله وبركاته
انا طبعا سبب تأخيري عن الرد اني أول مره أشوف الموضوع
وطبعا لما شفته جيت ارد علي طول .

عاوزه اشكرك يا لحظه علي موضوعك الحواري الجميل ده وطبعا احنا متعودين منك دايما علي كده .

وعاوزه اشكر كمان كل اعضاء المنتدي لاني والحمد لله استفدت منكم كلكم . كل عضو هنا اضافلي إضافات وانا فعلا بحبكم في الله .

وعاوزه طبعا أشكر مديرنا المتميز د.خالد وبقولك اني انا فعلا استفدت منك كتير جدا لانك استاذنا وغن كنت استمريت معاكم هنا فده لاني لقيت فيكم كل سمات الصحبه الصالحه .
انا كنت مشتركه في اكثر من منتدي بس للأسف مكنتش عارفه اندمج أبدا وكنت بمر بفترة صمت وطولت جدا معايا مكنش ليا نفس اتكلم في اي موضوع مع اي حد لدرجة اني استغربت نفسي جدا وحاولت اني اتغلب علي الحاله ديه بس للاسف طولت معايا شويتين
وفي يوم لقيت دعوة من دكتور خالد للتسجيل في المنتدي فقلت اجرب مش هخسر حاجه ودخلت المنتدي وبدات أتعرف علي الاقسام وأقرا بعض المواضيع والتعليقات فعجبني الفكره والمضمون وسجلت وحبيت فعلا اننا نتكلم ونختلف نعرف بعض بس بالكلمه الطيبه وده فعلا اللي لقيته . انا من النوع اللي لو حد اختلف معاه يرحب لكن لو الحوار فقد ضوابطه والادب فيه انسحب تماما لان اهم حاجه عندي احترام الاخر وده اللي لقيته هنا وده اللي خلاني استمر ومطفش ههههههههههه .
وإن شاء الله نستمر كلنا مع بعض ونستفيد من بعض ومش كده وبس ونصلح من بعض ونتناصح ونتواصي ونبقي فعلا اسره متماسكه .

وبجد جزكم الله عني خيرا لان عقدة لساني بدات تتفك معاكم وبينكم ومش عارفه اوفيكم حقكم إزاي بس اللي اقدر عليه إني ادعيلكم واحاول اكون أخت كبيره ليكم وأفيدكم زي ما بستفيد جدا منكم .

عرفت باه يا دكتورنا انا استمريت ليه ؟

مره تانيه جزاكم الله عني خيرا وجعلني عند حسن ظنكم بي . ا

وقبل ما ابطل رغي عاوزه اقولكم ان المنتدي ماشي بخطوات معتدله بالنسبه لظروف الدراسه والانشغال وانا ملاحظه انكم بالرغم من غربتكم ودراستكم الا انكم مواظبين علي الدخول حتي لو بمشاركات بسيطه
ولاحظت كمان ان فيه مواضيع كتير بتنزل ومفيش رد عليها لان عددها لا يتناسب مع نسبه الحضور في المنتدي
يعني ننزل موضوع ورا موضوع ورا موضوع في نفس القسم واحنا عارفين ان اللي بيدخل بحكم وقته بيقرا المواضيع اللي علي السطح . فانا شايفه اننا نتاني شويه لان المنتدي مش بكثرة مواضيعه ومطلوب مننا نحقق الاستفاده من كل موضوع ينزل ونحسس اللي تعب فيه انه فعلا حققلنا الافاده مش يبقي مصيره اننا منقراش موضوعه .

والسلام عليكم ورحمة الله وبركاته

هو أنا طبعا صديقة الموقع هنا وبحبه جدا وبتابعه من زمان جدا من أيام مكان عدد الأعضاء عشره تقريبا أو أقل بس فى الفتره الأخيره أمتنعت عن الرد شويه لأنى ليا رأى ولما بقوله حسيت أن فى كم بنوته هنا بتستنى ردى علشان ترد عليه وأنا طبعا مش هدخل فى صراع مع بنت فى عمر بنتى لكن الموضوع ده عجبنى جدا وخصوصا أنى معجبه جدا بلحظه غروب وبكل موضوعاتها ...علشان كده عاوزه أقول رأيى واللى بصراحه بختلف فيه مع نقطه دكتور خالد قالها وهى أن المنتدى هنا قائم على الأعضاء ..لا طبعا أنا شايفه أن حضرتك يا دكتور شخصيه أستقطابيه قويه جدا وعلشان كده دورك هو اهم دور حتى لو كنت الأقل فى المشاركه
 
هرد على الأسئله لكن الأول عندى تعليق مهم وخطير وهو تحذير لو أنتم عاوزين فعلا تسيروا على نفس النهج وتتقدموا خلوا بالكم فى شخصيات هنا بتستغلكم
 
يعنى مثلا فى عضوه حاطه بوستر بتاع الإخوان فى توقيعها وهو طبعا دعايا وغعلان للانتخابات ..هل ى أستأنت المدير ؟؟ وحتى لو هو وافق ...هل كل الأعضاء موافقين وهل منتداكم ساحه لعرض الإعلانات بلا أجر بل من الممكن ان تسبب لكم متاعب
 
حبيت بس أحذر من النقطه دى
 
بالنسبه للأسئله
 
 
الأول : ما هو تقييمك لساحة ملتقى العقول يعنى تعطيها كام على عشره ؟؟
 
نقول مثلا سبعه على عشره
 
 
 
 
الثانى : فى وجههة نظرك هل ساحة ملتقى العقول نسخه مكرره ام لها مميزات خاصه ؟

 
لا طبعا مش مكرره خالص هههههههههههه أول مره أشوفها بصراحه

الثالث : ما رأيك فى المضمون الذى وصلنا له ..لأنى بصراحه حاسه أننا بنطور ..يعنى القدام معانا يقدروا يحسوا ده ..وان ساحتنا مش زى أول يوم ولا وى أول أسبوع ولا حتى زى الأسبوع اللى فات يعنى كل يوم بتتطور وتتغير ..فهل ترى هذا التطور حلو ولا فيه مشاكل ؟؟
هو فى تغير لكن الأتجاه مش حلو خالص لأن فى تبنى لبعض الأفكار السيئه زى عدم طرح مساوىء الجماعت الإسلاميه ودعم أفكارها وكمان دعم افكار الناصريه إلخ
أخيرا : ما رأيك فى مستوى الأعضاء والموضوعات الردود؟
 
الأعضاء كويسين وأكتر حد بيعجبنى هو لحظه وعذارى
 
ومقالات دكتور خالد بتضحكنى وشعار سجده بيستفزنى شويه
 
لكن انتم جروب مش بطال وعلى رأى مديركم مش معنى أنى مختلفه معاكم انى مش بحبكم بالعكس والله أنا بحبكم جدا ويارت دندنا تفهم ده


 
 

السلام عليكم ورحمة الله وبركاته

اهلا دكتوره نيفين وعود حميد
علي فكره انا سالت عليكي في موضوع جميل اسمه وحشني جدا لو حضرتك دخلتي هتشوفي اني فعلا لمست غيابك عنا وسالت عليكي. لان فجاه مشاركاتك المتميزه اختفت وطبعا كالعاده حضرتك راجعالنا بمشاركه جديده ومختلفه .

انا مكنتش ناويه ارد علي حضرتك بس حسيت ان ده لازم لان ببساطه حسيت ان في حد بيوقع بيني وبين اخواتي اللي هنا والحمد لله ا ننا فاهمين بعض هنا كويس جدا وده طبعا بفضل الاخوه والحب في الله اللي احنا عارفينهم في مصر كويس جدا . واسمحيلي ارد علي كلامك .

هو أنا طبعا صديقة الموقع هنا وبحبه جدا وبتابعه من زمان جدا من أيام مكان عدد الأعضاء عشره تقريبا أو أقل بس فى الفتره الأخيره أمتنعت عن الرد شويه لأنى ليا رأى ولما بقوله حسيت أن فى كم بنوته هنا بتستنى ردى علشان ترد عليه وأنا طبعا مش هدخل فى صراع مع بنت فى عمر بنتى لكن الموضوع ده عجبنى جدا وخصوصا أنى معجبه جدا بلحظه غروب وبكل موضوعاتها ...

واحنا بنرحب بكل الاراء والافكار (البناءه) في منتدانا وده واضح جدا والحمد لله
واكيد طبعا لحظه ليها بصمتها المميزه ودورها اللي متفقين عليه بالاجماع




علشان كده عاوزه أقول رأيى واللى بصراحه بختلف فيه مع نقطه دكتور خالد قالها وهى أن المنتدى هنا قائم على الأعضاء ..لا طبعا أنا شايفه أن حضرتك يا دكتور شخصيه أستقطابيه قويه جدا وعلشان كده دورك هو اهم دور حتى لو كنت الأقل فى المشاركه

عاوزه بس اقول لحضرتك انك مقدرتيش تفهمي دكتور خالد بتاتا ولان فيه فرق طبعا واضح جدا في الانتماءات والتفكير فاعتقد ان حضرتك صعب تفهميه . وطبعا دوره ريادي وأساسي مما لا شك فيه وواضح جدا انه شخصيه قياديه ذكيه تعمل لمبدا واضح وفكره واضحه في اتجاه الحق والخير .ولصالح بلده .

هرد على الأسئله لكن الأول عندى تعليق مهم وخطير وهو تحذير لو أنتم عاوزين فعلا تسيروا على نفس النهج وتتقدموا خلوا بالكم فى شخصيات هنا بتستغلكم

يعنى مثلا فى عضوه حاطه بوستر بتاع الإخوان فى توقيعها وهو طبعا دعايا وغعلان للانتخابات ..هل ى أستأنت المدير ؟؟ وحتى لو هو وافق ...هل كل الأعضاء موافقين وهل منتداكم ساحه لعرض الإعلانات بلا أجر بل من الممكن ان تسبب لكم متاعب

حبيت بس أحذر من النقطه دى
طبعا شكرا علي التحذير وبنقول لحضرتك متخافيش علينا


اولا انا مش حاطه صوره مرشح دايرتي وكاتبه عليها برلمان 2010 انا وضعت صورة لاناس افخر بهم في كل موضع اناس لهم بصمتهم ووضعهم في مجتمعنا المصري ا
وطبعا عايشين معانا وهيعيشوا بامر الله والحمد لله كلنا عايشين مع بعض
ولان المنتدي هنا منتدي حر واحنا واخدين مساحه من الحريه للتعبير عن اراءنا وافكارنا وكل فرد مستقل بذاته( وعارفين بعض ) محدش شاف اللي حضرتك شايفاه وحضرتك من غير ما احط البوستر انا وضعت شعاري اولا ومعروف انتمائي ومرحب بي وسط اخوتي والحمد لله
وعلي فكره لو دخل هنا الدكتور خالد او اي حد من الاعضاء وقالي شيليها يا سجده انا فورا هشيلها وانا مستنيه ردهم .
.


اما بالنسبه لاتجاهنا السيء لدعم افكار الجماعات الاسلاميه فعاوزه اقول لحضرتك معلومه وهي ان اساس قيام اي جماعه هم اسس اربعه : المنهج والقياده والافراد والخبره التاريخيه
وللحكم عليها وعلي افكارها نحكم من خلال المنهج فقط والحمد لله منهج قيام الجماعات (اللي حضرتك تقصديها) هو الاسلام يعني القرآن والسنه المطهره وممكن حضرتك ترجعي للكتب اللي باللغه العربيه او مش مهم اي لغه تانيه هتلاقيها في كل مكان ان شاء الله هتلاقي ده

اما باه لو اختلفتي مع القياده او الافراد فده شيئ يرجع لحضرتك ومحدش هيقيد رايك ولا هيفرض عليكي رايه والحمد لله اننا مش شايفين كده في المنتدي وديه اهم حاجه. .

والسلام خير ختام

السلام عليكم
انا مكنتش ناويه ادخل الأيام دى لأنى تعبانه

بس سبحان من خلانى ادخل قبل ما اختفى شويه ههههههه

وكملن اللى حيخلينى ارد هو انتظار سجده لردودنا على موضوع الشعار

انا ياسجده طبعا ماعنديش اى مانع ولا حيكون ليا اى مانع
دى حريه شخصيه ودكتور خالد معودنا على كده

وده اللى خلانى اشترك فى المنتدى واستمر فيه
سجده براحتك ياقمر انتى فى نظرى مش بتعملى حاجة غلط
ولو كنت مكانك ماكنتش ححب غير انى اكون حره فى رأيى
المثل بيقول
عامل كما تحب أن تعامل

د\نيفين عودا حميدا لحضرتك
واعتقد انى البنوته اللى بتكلمى عنها ههههههه
انا مكنتش حرد
عليكى فى موضوع ليا غير اختلاف رأيى معاكى كليا حتى الآن
وانا بحب التفاعل البناء مش اكتر والنقد السليم
وعارفه انك بتحبينا طبعا
وقلتلك قبل كده اللى فى القلب فى القلب

ومعنى اختلافك معايا واختلافى معاكى مش معناه انى بكرهك لأنى مابعرفش اكره
ولا معناه انك بتكرهينى

فين بقى ساره وعسل اسود
ماشفتش ردهم لحد دلوقتى فى انتظار البقيه

ومرحبا بيكى للمرة التانيه

الاول عايزة ااقولكم انكم وحشتونى اووووووووووووووى
وعارفة انى مقصرة معاكم بس غصب عنى والله
وانا من اوائل الاعضاء اللى شاركوا فى المنتدى وطبعا ده شرف ليا
وشرف ليا كمان انى اقيم منتدايا اللى بعتز بيه
وهقول راى رغم انك مقولتيش اسمى يا لحظة بس ذى بعضه
ما هو تقييمك لساحة ملتقى العقول يعنى تعطيها كام على عشره ؟؟

انا ايلها عشزة من عشرة مش تحيز خااااااااالص لكن لانى بجد فيها الموضوعات القيمة البعيدة عن التفاهة الموجودة فى معظم المنتديات الان وده طبعا بفضل الاعضاء اللى بوجهلهم شكرى وتقديرى وشكر خاص طبعا لمديرنا دكتور خالد وتوفيره للروح الديمقراطية اللى متوفرة فى المنتدى
الثانى : فى وجههة نظرك هل ساحة ملتقى العقول نسخه مكرره ام لها مميزات خاصه ؟

لالالالالالالالالالالالالالالا خالص لنى لم اجد اطلاقا اعلانات عن الاغانى والفيديوهات الخارجة عن المبادئ و الاخلاق والموضوعات التافهة ولانى اجد روح الاخوة والاخاء والحب والتعاون بيبن الاعضاء التى لم اجدها فى مكان تانى او منتدى اخر

أخيرا : ما رأيك فى مستوى الأعضاء والموضوعات الردود؟

بالنسبة لتقيمى للاعضاء يختلف اكيد تقيمى بعد وقبل فترة الدراسة هههههههههههههههههه واكيد كلنا ملاحظين الفرق
وكذلك الموضوعات والردود ولكن المستوى العام مستوى جيد جدااااااااااااا والموضوعات قيمة
وموضوعية وبعيدة عن اى تحيز

ومرسى على الموضوع الحلو ده يا لحوظة وعايزة افكرك برضه انك مقولتيش اسمى شكلك نستينى ولا ايه ؟

متشكره جدا يا دودي علي انك رديتي عليا جزاكي الله خيرا

وبجد يا لولو انتي وحشتينا جدا واحنا مفتقدينك كتييير

ربنا يعينك احنا معاكي بقلوبنا بس متغيبيش علينا لانك بتوحشينا

لا بجد يا لولو معقول مقولتش أسمك يمكن علشان فى قلبى هههههههههههه

ميرسى بجد لكل اللى شاركونا ومنتظره الباقيين طبعا

بس عاوزه أقول حاجه وهى ان سجوده حبيبه قلبنا وأحنا بنعشقها موووووووت ومحدش هيقدر يفرق بينا

ومش هقول أكتر من كده لان دكتور خالد كفى ووفى فى رده ورفع راسنا برده زى محنا متعودين ديما

وفى لنهايه سأقول رأيى فى المنتدى فى موقف ..كنت اتحدث مع أحد الشخصيات وقال لى بأن مصر أصبحت موبىء للتفاهه فلم أجد رد امامى وأان على جهاز الكومبيوتر الخاص بى غير أنى فتحت هذا المنتدى وقولت له هذا المنتدى مصرى




انا افتخر جداااااااااااااااا بردك ده يا عسل اسود واكيد كلنا مش انا بس
ميرسى جداااااااا ليك ع الرد الجامد ده

مرسى اووووووووووووى يا سجودة انتى اللى وحشتينى اوووووووووى والله
لحوظة ولا يهمك يا قمر
وكلمة اخيرة اعتز وافتخر بانتمائى لساحة ملتقى العقول

ميرسى ليك ياعسل اسود على الكلمات الحلوه فى حق المنتدى
جزاك الله خيرا

انا مش وقفت انا نزلت موضوعين وحنزل واحد تالت قريب
بس الدراسه بقى هههههههههههههه

الساده أعضاء إدارة المنتدى المحترمين
هذا المنتدى دليل على أن شباب مصر بخير والحمد لله
وأرجو منكم أن لايسحبكم أحد بعيد عن الهدف المرجو من المنتدى في نظري
وأرجوا أن توافقوني الرأي فيه وهو خلق شباب قادر على رفعة وطننا الحبيب وتقدمه
ولن يكون ذلك إلا بتفوقكم كل في مجال تخصصه وخاصة في مجال البحث العلمي
هل تعلمون أن مصر لمتتقدم هذا العام باي بحث علمي بينما إسرائيل تقدمت بعدد 47 بحث
وهل تعلمون بأن جامعات مصر لم تكن ضمن تصنيف أحسن 500 جامعة على مستوى العالم
بينما إسرائيل بها على الأقل 6 جامعات ضمن التصنيف وفي ترتيب متقدم ولذلك أرجو منكم
أن يكون هدفكم الرئيسي العودة الى عصر العلم الإسلامي الذي كان السبب فيما وصل أليه
الغرب وهذا أملي فيكم أنا وجيلي وخاصة أنني أعلم مؤكدا أن أغلبكم ليس له أنتماءات ولكن يدافع فقط عن الحق في نظري
ولكم مني دعائي بدوام التوفيق والتفوق وعلى فكرة أنا أعطيكم عشرة على عشرة لأن في واحدة معاكم بتزعل لونقصت نصف درجه

معلش متأخر فى الرد على الموضوع

بس كنت عاوز أقول ان بجد المنتدى أكثر من رائع وشدنى جدا وأنا فعلا أشتركت فى منتديات كتير ومشهوره جدا لكن هنا حسيت براحه أكتر وتفاعل أكتر

وطبعا حسيت أن الموضوع مختلف بعض الشىء

أعطى المنتدى عشره على عشره خصوصصا موضوعات القلب الطائر ومقالات دكتور خالد والشعر اللى بتنزله عذارى

وخير الكلام ما قل ودل وكل عام وانتم بخير

أول حاجه ازيكم عاملين أيه وبجد وحشتونى جدا

مين ده اللى قال المنتدى متعصب أو وحش او أو

بالعكس ده المنتدى الوحيد اللى فيه كل الناس بتكلم براحتها

وفعلا أنا كمان شايفه تطور كبير جدا

يعنى مثلا فى الفتره اللى غيبتها لاحظت أن فى مواضيع أقوى وأجرأ وأفضل

وطالما سيرة المقالات جات يبقى لازم أذكر مواضيع خالد الرائعه واللى بتعجبنى جدا واللى بدأت أقرا فيها فعلا وسامحونى على الغياب

ووحشتونى كلكم

وحشتيييييييييييييييييييييييييييييييييينا اوي يا شروق

بجد طولتي علينا

الف حمد الله علي سلامتك

اولا اسففففففففففففففففففة جدا على تاخير الرد ثانيا موضوع رووووووووعة يالحوظة
المنتدى عجبنى جدااااااااااااااااااا وكفاية روح الحب اللى بحسها بينى وبين اخواتى البنات العسولات لو يسمحولى طبعا
وبين كل المنتدى وبعضة والمواضيع حلوووووووووووووووووووووووة اوووووووووووووووووووووى وعندنا ناس مثقفين بزيادة وة شئ رااااااااااائع واتمنى انى اكون افدت وانا طبعا استفدت