أسئله الى مديركم اتمنى أن يجيب عليها وألا يحذف كلامى

من طرف ???? الثلاثاء 10 مايو 2011, 5:06 am

السلام عليكم

أولا أطالب بعدم حذف هذا الموضوع

لأن رئيس هذا المنتدى كتب بنفسه أنه من حق أى شخص يعبر عن نفيه

فأتمنى ان يطبق الديمقراطيه التى ينادى بها على نفسه

من حقى أن انتقد فكرك وان أوضحه للناس

وانا صديق لك يا خالد

أنا أقصد خالد البوهى مدير هذا المنتدى

ذلك الشخص الذى أصبح يبث أفكارا غريبه وبعد ان كون لنفسه قاعده بالصوت العالى مره وبالجدال الماهر مره اخرى

ويظن أنه قادر على عمل شو إعلامى

الان وقد نجحت ثورة مصر العظيمه

وكلنا شاركنا فيها

وكلنا ساهمنا فيها

وتكلمنا فيها وهو بنفسه لم نسمع منه كلاما او نشاطا قبل هذه الثوره

ولكن خرج علينا فجأه بأفكار مسمومه

وقبل ان اوضح هذه الأفكار

أنا مش سلفى ولا إخوان

ولكنى مسلم عادى أحب دينى

واخاف عليه

ومن حق كل مسلم النصيحه

وأنا بكرر لأنى قريب منه أستشف أفكاره وأفهم مواقفه

وانا لا أحب انا أخوض فى شخص أحد

ولكن خالد هو إنسان عادى مثقف ثقافه عاديه

لم يدرس فقه او عقيده

ولا يحفظ قرآن

وربما لا يعرف أحكام الصلاه جيدا

والان يكتب فى كل مكان

كلاما شاذا وغريبا عن الإسلام

ودعاوى منكره

مثل الإسلام ديمقراطى !!!

أو حق المواطنه

أو الليبراليه أو غيرها من المصطلحات الوافده علينا

وليس هذا فحسب

بل أنه يهجم وبقوه على الشيوخ السلفيين

وانا لست سلفيا ولكن كلنا نعرف أن هؤلاء الشيوخ هم زاد لنا وكلامهم على رأسنا

ومشايخ السلفيه ليسوا وافدا

بل إن كلمة سلفى تعنى يتبع سلف الأمه الصالح

وكلنا يجب ان نكون إذن سلفيين

وحتى حسن البنا كان سلفى وهو قال ذلك

لكن ان يأتى خالد اليوم ليعتدى على الشيوخ

يجادل بلا علم ولا يفهم شىء

ويقول كلام علمانى

مثل

الدوله فى الإسلام مدنيه

لا يجب ان نهاجم الليبراليين

الديمقراطيه حلال

النصرانى له حق مثل المسلم !!!

وغيرها من الكلمات التى يصدقها العامه

ويفتن الناس بكلامه عن الديمقراطيه والأنتخابات وأسئلتى الموجهه له شخصيا

ما هو علمك حتى تتكلم وتفتى ؟

ما هى علاقتك بالنصارى لأنى رأيتك تتكلم معهم كثيرا وتضحك معهم بكل ود !!!!

ما هى علاقتك بالليبراليين الذين تتحالف معهم وتهاجم مساجد الله بأوراق كاذبه غاشمه

واتمنى عدم حذف الموضوع لو عندك ولو جزءمن الشجاعه رد ولا تحذف الموضوع

ولسه عندى مفاجآت كتير

وأهمها علاقتك بالثوره والكذبه الكبرى انك كنت ضد مبارك

أنتظرونا

من طرف **سجده** الثلاثاء 10 مايو 2011, 2:37 pm

طبعا لكل منا رأيه ووجهة نظره ومن حقه الإختلاف مع الآخرين طالما هذا الإختلاف ليس في جوهر أو أصول الدين

ولما شفت عنوان موضوع حضرتك تخيلت قبل قراءته ان دكتور خالد عمل مصيبه

وانك صديقه الصدوق اللي داخل تنصحه وتصحح أخطاؤه وزلاته في المنتدي

وبدات في قراءة كلامك بكل احترام وعندما وصلت لجمله معينه (وهو بنفسه لم نسمع منه كلاما او نشاطا قبل هذه الثوره)

اندهشت جدا وتيقنت انك لا صديقه ويمكن ولا تعرفه أصلا وسقط بعد ذلك باقي الكلام فمعذرة فلقد بدات حديثك بكذبه واعذرني فأنا اكره الكذب كما علمني ديني
لانني هنا في هذا المنتدي قبل ثوره يناير بخمسة اشهر

يعني من بداية هذا المنتدي وقرأت جميع مقالات وردود ومواقف دكتور خالد عن مبارك ونظامه ثم دعوته لهذه الثوره في هذا المنتدي وعلي الفيس بوك

وممكن تدخل قلم الشباب وتقرأ مقالاته وهذا ليس دفاعا عن شخصه ولكن كلمة حق

ولن اضيع وقتي في وضع عناوين وروابط المقالات فالمنتدي امامك وقلم الشباب شاهد علي كذب اول ادعاء لك

ولي رأي في اسئلة حضرتك التي تخص موقفه من
الديمقراطيه

الدولة المدنيه

حقوق النصاري او المسيحيين
حق المواطنه
الإنتخابات !!!!

واريد أن أسأل سؤالا : لماذا تخص دكتور خالد بهذه الإسئله كأني اراك تعتقد انه هو من الف هذه المصطلحات وهو ايضا من أفتي باتفاقها مع الإسلام وهو ايضا من ألف كتبا توضح للمسلمين مفاهيمها وموقف الإسلام منها !!

مع انك ممكن توجه الإسئله ديه لملايين المسلمين المصريين الذين يفهمون الإسلام فهما معتدلا بعيدا عن التشدد والجهل

ممكن توجه اسئلتك مثلا للإخوان المسلمين

مثلا الشيخ القرضاوي

دكتور سليم العوا

دكتور محمد عماره

شيخ الإزهر

علماء الأزهر

عقلاء مصر ومفكريها
والكثير والكثير
وممكن تقرأ كتاباتهم المستفيضه في هذه المسائل الخلافيه وتعرف هما ليه اتفقوا عليها طالما لم تخالف شريعتنا الإسلاميه

ولو حضرتك بما ان واضح انك متفقه في الدين قرات سيرة الرسول صلي الله عليه وسلم والخلفاء الراشدين والفتوحات وموقفهم من النصاري

هتعرف انه مش حرام اني اكلمهم واتعامل معاهم واقسط اليهم

بس عاوزه أقول لحضرتك كلمة اخيره

احنا لازم نختلف لأننا بشر

لو اختلفت معاك في أصول الدين من حقك انك تنكر موقفي

اما لو اختلفنا في فروع ومسائل خلافيه فلا انكار لأنني لم ارتكب منكر

انك تختلف معايا وترفض الإعتراف بشوية أسماء ومصطلحات مبادءها لا تختلف مع مبادئ الإسلام وتشوف حضرتك انك مش عاوز توافق عليها

فده حقك وعلي راسنا من فوق

لكن تدعم موقفك بالكذب فده مرفوض

لانك عارف كويس جدا وكلنا عارفين موقف المنتدي بالكامل سواء مديره أو اعضاؤه من مبارك ونظامه اللعين ومن الثوره

وكمان عارف كويس مين اللي دعا ليها وشارك فيها

ومين اللي قال متخرجوش عليه لأنه ولي امرنا والخروج عليه حرام

وشكرا

من طرف **لؤلؤة** الثلاثاء 10 مايو 2011, 4:13 pm

هههههههههههههههههههههههههههه والله كلام مضحك

لم نسمع منه كلاما او نشاطا قبل هذه الثوره

ولسه عندى مفاجآت كتير

وأهمها علاقتك بالثوره والكذبه الكبرى انك كنت ضد مبارك

وبالذات الجملتين دول

لا ولسة كمان عندك مفاجات والله كويس عايز تضحكنا اكتر من كدة

بس نصيحة قبل ما تقول اى كلام لازم تكون متابع من الاول عشان تقول كلام على الاقل فى شبه منطقية

من طرف **dandana ali** الأربعاء 11 مايو 2011, 1:16 am

ولما حضرتك شجاع قوى كده ماتقول اسمك ده لو كنت زميله فعلا

كلامك اساسا بيرد على نفسه ومش محتاج غير جملة

حسبى الله ونعم الوكيل فى كل انسان بقى يجادل ويقول كلام غير عاقل من اجل الاثارة فقط
انتم بجد اللى زي حضرتك اعباء على المجتمع وونباتات فاسدة لازم تتقلع من جذورها

انا شوفت التوبيك والنهاردة شايفة اكتر من موضوع الجروب لناس فى قمة الجهل فعلا فى قمة الجهل
والواحد فعلا زهق وكل اللى بتعملوه سواء حضرتك ولا السلفيين ولا اى حد بيقول كلام غريب
فهو ضدكم وقدامكم حاجة من الاتنين يا اما تهدوا وتفكروا والعقل ده يشتغل شوية يا اما تسكتوا زى الاول كده
عشان بجد انا واثقة انكم هتخربوها عليكم واى انسان بيفكر انه يهدم مصلحة البلد

وايه حكاية مفاجأت قاعدين فى فقرة الساحر وبتكلم عيال هنا هيتخضوا بقى ويشكوا فى الشخصية اللى معاهم
ياريت تحترلام شوية العقليات اللى هنا
بجد حسبى الله ونعم الوكيل

من طرف ???? الأربعاء 11 مايو 2011, 2:18 am

السلام عليكم ورحمة الله وبركاته

بسم الله الرحمن الرحيم

أخي كاتب المقال.....
ازيك اولا
اصل طالما انت زميل خالد يبقي اكيد تعرفني....
انا ياسر طلحة زميلكم برده في الكلية والمدينة وفي سنة سادسة..
طبعا انت اكيد عارف اني لا علماني ولا ليبرالي وكمان انا سلفي -لسه جديد علي اعتاب الالتزام ارجو الله انه يثبتني- عشان هستني ردك....
انا فؤجت وانت بتتكلم عن خالد بالطريقة دي...يتري فعلا انت زميلنا..!!!!.
وحتي ياخي لو شايف خطأ عنده...طيب اصنع لنفسك قدرا من الشجاعة وتعالي واجهه بيها...
انا يمكن محتلف مع خالد في حاجات كتير...بس عمري مدخل اشوه صورته بكلام زائف في مكان الناس بتكنله فيه كل احترام....
انا عرفتك باسمي عشان الناس كلها تبقي عارفة انا مين عشان متظنش ان هو مثلا دخل يدافع عن نفسه..
انا كمان في اوضة 34ج...تعالي لو عندك قدر من الشجاعة وواجهني انا...
وانا واحد من اصدقائه المقربين....وعارف جواه عامل ازاي ...حتي لو بيخطأ عادي يأخي...حاول تنصحه مرة واتنين وتلاته وعشرة..التمس لاخيك سبعين عذرا فان لم تجد له عذرا فقل لعل له عذرا...
لكن جاي كده بكل بساطة تهينه قدام ناس بتحترمة....
دا جبن يصاحبي....ومش هقول لفظ تاني حتي لو عادي....لان خالد اشرف من اني ادافع عنه حتي...
وعلي فكرة انت اكيد لو صاحبه هتبقي عارف انه مش هيمسح تعليقك..لانه ميهربش ومش بيستخبي.
بس اكتر حاجة عجبتني ردودد الناس اللي عالموقع اكيد افحمتك....
بقي خالد كان مع مبارك...خالد اللي جاله تهديد من الامن عشان الموقع ده...يأخي اتق الله...
اعلم انك رجلا ولابد..
ولكن هل قمت بحق هذه الرجولة...
انا عجبني اوي ردود كل الناس مش عشان شخص خالد بس....لأ عشان كمان عجبني ثقتهم فيه وذكاؤهم في انهم يكشفوك..
بصراحة مكنش ينفع مردش انا بالذات...عشان انت جاي قدام الناس مش عارفين حياته الشخصية...
فكنت لازم ادخل عشان يبقي دفاع من ناس مقربين ليه برده علي حد قولك...
وبعدين انك محضر مفاجآت...دي حاجة مضايقاني يعني مثلا هتكتب حاجة شخصية...يعني طيب مانا عندي بلاوي شخصية...بس مش دي للي تعيب الشخص ...يعني ماشي خطأه في حاجات ظاهرة وواضحة وجلية...وتوجهاله لشخصه مش للمنتدي....
انت كده جاي تحاربه مش تنصر قكرة يأخي؟؟؟
وحاجة تانية يشباب خالد اللي بيقولنا علي المنتدي ده...يعمني اكيد هو اللي قايل للشخص ده علي المنتدي لان قليل مننا يعرف ان خالد هنا..
انا تعبان ومش مركز...ولو كنت فايق كنت رديت باكتر من كده...بس مستنيك في اوضتي 34ج عشان تناقشنا وجها لوجه..واتمني متدخلشش تعيب فيا انا كمان....
اخوك ياسر طلحة...

من طرف ???? الأربعاء 11 مايو 2011, 2:34 am

معلش حاجة كمان...انا مش قصدي سلفي يعني مع الجماعة السلفية...انا اقصد اتبع منهج السلف الصالح...يعني مش متقيد بشيخ معين او بفئة معينة من السلفية...
ولكن مقياس ان شاء الله هو حديث قال صلي الله عليه وسلم...
او قول قاله الله تعالي...
او اجتهاد لعلماء اختلفوا فيه او اتفقوا...
وأأخذ بقول احد العلماء اذا اختلفوا...
حتي لايفهم البعض اني اتبع الجماعة السلفية
فانا وان اتفقت معهم في الكثير جدا الا انني اختلف ايضا....
الله ارنا الحق حقا وارزقنا اتباعه وارنا الباطل باطل وارزقنا اجتنابه...
.......

من طرف ???? الأربعاء 11 مايو 2011, 11:25 am

انايشباب استنيت الاخ اللي كاتب الموضوع في اوضتي بس يبدو انه مش بيعرف يتكلم غير النت...وبكده انا مينفعش اتناقش معاه..لانه يبدو خشي المواجهة...او احس بخطأه واتمني ذلك...
مرة تانية اخوك ياسر طلحة في مبني 15----34ج...لو حبيت تتناقش بجدية وهجبلك خالد كمان يقعد معانا للنقاش....وتعرض افكارك ياخي ...بس تذكر قال صلي الله عليه وسلم:من تتبع عورة اخيه تتبع الله عورته ومن تتبع الله عورته فضحه ولو في عقر داره...فان كنت متبع لعورته فلتنتظر رد الله عليك..وارجو ان تكون تسعي فعلا للحق....يعلم الله اني اقول كلمة حق...وليس لخالد...فانا فعلا صديقة الكل يعرف ذلك ولكن شتان بين فكري وفكره والكل يعلم ذلك...--واكيد اللي كاتب الموضوع يعرف كده-وان اتفقنا في بعض الامور وليس كلها او جميعها...
ننتظرك في غرفتي لنقاش ترجو منه الحق...34ج...
اخوك ياسر طلحة..

من طرف **عذاري** الأربعاء 11 مايو 2011, 6:38 pm

ما حبيت ارد في البدايه لانه هل موضوع ما يستحق الرد فيه

هل شخص ما يعرف خالد اذا يعرفه فعلا ما اتكلم بهل اسلوب

صح ما اعرف خالد بس عرفته بمواضيعه ضد مبارك وضد اسرائيل

من عرفته ثائر وهل شي مميزه اعتقد زميل هو من الزوار الي يدخلون

يهينون وبس وحط اسم زميل عشان يجزبنا للموضوع

شكرا اخ ياسر على ردك وهل زائر ما بيجي لك ولا شي

ههههههههههههههههههه شخص مزيف

حذاري هل مره ما بسمح لحد يهين عضو او زائر اي رد فيه اهانه بحذفها على طول

سلاااااااااااااااااااااااااااااااااااام

من طرف ???? الأربعاء 11 مايو 2011, 11:41 pm

مش فاهم قصد حضرتك ايه أ-عذاري....
ارجو التوضيح....
بس عموما خالد معايا دلوقت..وطبعا مش مستاهلة انه يدخل يرد...خالد اعلي من كده...
بس انا مستني الشخص اللي دخل كتب الموضوع ييجي يواجهنا بكلامه..لو كان يسعي للحق....
ورقم الغرفة اللي انا فيها موجود في ردودي....بس اظنه اكتفي بكده خلاص....
حاجة تانية ا-عذاري مينفعش حضرتك تحذفي اي حاجة حتي لو كلام في شخص دكتور خالد...دي وجهة نظر...طالما ما خالفتش عقيدة او دين....
والشخص اللي موجهله الكلام يدافع عن نفسه...
سلام عليكم

من طرف ??????? الأربعاء 11 مايو 2011, 11:58 pm

كنت عاوز بس أقول حاجه

أن لو أنتم قولتم عن الزائر أنه شخصيه وهميه فأنا كمان بقول

أن الأعضاء اللى هنا وهميين

وعلى رأسهم العضوه سجده

اللى بتدافع عن واحد كأنها تعرفه معرفه شخصيه

وده شىء يخلينا نشك فى كلامها

أما الأخ ياسر فواضح أنك صاحبه وانه كلفك بهذا الرد أو كتبه لك

فياريت كان يكون جرىء ويرد هو شخصيا

من طرف **dandana ali** الخميس 12 مايو 2011, 1:55 am

د,ياسر عذارى بتقول لحضرتك انها كانت مش هترد عشان ده توبيك اقل من انها ترد وهى اساسا واثقه فى د.خالد وبتشكر حضرتك وتقولك ان طبيعى انه مش هيروح اوضه حضرتك لانه كاتب الموضوع شخص مزيف ... تابع المنتدى بقى عشان تفهم خليجى زينا هههههههه

الزئر استفسار بجد خلتنى اضحك مع ان عندى امتحان عقاقير وده مش حاجه ظريفه ...

هو عشان د. سجده اكتر واحده فينا اتكلمت واول واحده شافت التوبيك وردت وردها كان كاااافى وخلانا احنا نرد اقل يبقى كده هى مصدر شك ؟؟؟ هههههههههه
ولا عشان هى اخوانيه ههههههه فكرتنى بواحد حب يشككنى فيها وقالى انها ممكن تكون راجل وجو اغاثا كريستى اللى انتم عايشين فيه ... وهو احنا يعنى اللى متربيين مع د. خالد وشايفينه هههههههه ماكلنا مانعرفهوش زى د.ياسر طبعا ولاحد يعرف شكل حد ولا معرفه شخصيه بس المده اللى اتعملنا فيها مع بعض هنا كافيه جداااااا اننا نعرف بعض لانى ببساطه وممكن تعتبرها غرور واثقه فى عقليتى وعقليه اللى معايا هنا وثقتى مش بديها لحد بسهوله ... ده لو انا كمان شخصيه مش وهميه بالنسبه لسيادتك .......

بجد تابع المنتدى قبل ماترد ده لو كنت اساسا مش نفس الشخصيه اللى كاتبه الموضوع وداخله باسم تانى هههههههههه ..... ماهو بقينا كلنا فى جو مغامرات واحد يقول انتظروا مفاجأت وداخل يحاول بطريقه فى غايه السخافه والاستحقار بعقليتنا وغايه الجبن منه وياريت داخل يهاجم فكر داخل يهاجم شخص ....

والتانى يشكك فى عضوه معانا من بدرى لو تعبت نفسك ورجعت لمقالات قديمه هتعرفها ...(ده لو ماكنتش كاتب الموضوع اساسا )

وبقينا بقى فاضيين نهاجم فى ناس المفروض مانشكش فيها والتواريخ هنا تثبت اللى بقوله ونشكك عامه فى شخصيات شجاعه وبتكلم عن كل اللى دعا للثوره ... نمسك فيهم ونهاجمهم وهم الوحشيين والعلمانيين ؤكلام بشوفه فى الجروب والفيس بوك وناس تانيه غريبه ظهرت ماكناش بنسمع صوتها وهتودى البلد فى داهيه .....

وسيبنا فلسطين والثورات العربيه وكل اللى بيحصل وسيبنا ازاى نفكر نصلح بلدنا وبقينا نمسك فى الشرفاء ونعلق حبل المشنقه ليهم

طبعا انا بتكلم على ناس معروفه ومش قصدى سلفيين بس وكل اللى زيهم ..... وكاتب المقال طبعا او الكلام الغريب ده...

براااااافو وشباب ناضج ويفرح بس ابشركم ان العصر اللى راح واللى كان قصاده دم شهداء مش عافه انتم تعرفوهم ولا حسيتوا بيهم وقلبكم وجعكم ولا لأ ... ده مش هيروح هدر ... ومش الناس اللى تعبت وشاركت وعرضت حياتها للخ
ر هتسيب الدنيا ليكم تخربوها لاننا مش هنرضى بكده ....

فاتمنى ان امثال كاتب المقال ... (وانا يمكن اول مره اتكلم بهجوم اوووفر كده بس لان فعلا منتهى الفضا والاستهتار والخراب ).... تهدوا شويه لان اللى جاى مش هيعجبكم وحال البلد هيتصلح يعنى هيتصلح سواء اردتم او لم تردوا .... فخليكم عاقلين واللى جاهل يحاول يفهم واللى عامل نفسه غبى يبطل واللى بيدور على مصلحته يقف علشان ده كله هيبقى فوق راسكم .... وحال كل الدول العربيه هيتصلح وفلسطين ليها عندنا حق وبنداف عنه فماتحولوش تشغلونا ......

شكررررا يا د. ياسر على مشاركتك فى التوبيك ولازم تتوقع انه مش هيجي لحضرتك ولا لد.خالد لان كان عملها من الاول واضح ان الشجاعه متأصله فيه ههههههه

من طرف **dandana ali** الخميس 12 مايو 2011, 2:02 am

الزائر استفسار انا ركزت فى ردك تانى احنا وهميين !!

احب اقولك بقى ودى مفاجأه منى انا شخصيا فى فقره الساحر دى ...المنتدى ده وهمى ... اه والله استعيذ بالله من الشيطان الرجيم وبخر الكمبيوتير وهتلاقى الموقع اختفى اصله وهمى ..ههههههههههه لما تبقى عذارى ولولو وسجده وهميين واكيد بقى المدير مخدوع فينا او هو كمان وهمى فيبقى كده حضرتك مش محتاج رد منه هههههههه

خليك انت بقى مش وهمى وشجاع وقول انت مين لانك نفس شخصيه كاتب التوبيك ولا التوبيك وهمى هههههههههههه

من طرف الطائر المهاجر الخميس 12 مايو 2011, 5:43 am

بعد إذنكم يا جماعه

انا شايف ان الموضوع فيه ظلم كبير

طالما حضرتك يا أستاذ زميل خالد

انا كمان أعرفه

انا عاوز هو قال ايه بالتفصيل وطالما أنت يا د ياسر بتقول أنك زميله

يبقى عارف اللى بيحصل

انا اعرف ان خالد قال خطبه بعد الصلاه

عاوز اعرف هو قال ايه بالظبط زعل السلفيين أوى كده ؟؟؟!!!!

ياريت لو فى عندك الكلام أو مضمونه

تانى شىء انا عرفت أن فى هجوم وعاوز اعرف مين اللى فوض السلفيين التحدث بأسم الإسلام

ومين اللى قال انهم سلفيين أصلا

يعنى هم لو بيقولوا أن السلفيه هى منهج السلف السليم يبقى كده كلام الشيخ سعيد رسلان مش كلام سلفى وانه مش سلفى مع أنه راجل سلفى من وجهة نظر نفسه وشايف أنهم مش سلفيين

يبقى بقى مصطلح سلفى ده من وجهة نظر الطرفين يساوى مسلم

وان اللى مش سلفى يبقى مش مسلم

أو مقصر فى دينه

او إيمانه لسه ناقص

ويبقى كده الإخوان مش سلفيين

يعنى إحنا إيمانا ناقص

صح كده يا باشا ؟؟؟؟؟؟

طيب عاوز أفهم حاجه

لو السلفيه تعنى أنك على منهج الصحابه والتابعين

يبقى كل العلماء اللى أجتهدوا سلفيين

يبقى القرضاوى سلفى والغزالى سلفى

صح؟؟؟

لا غلط

دول مش سلفيين من وجهة نظر السلفيين

يبقى السلفيين حاجه والمسلمين حاجه

ويبقى فى عندنا خداع بصرى وذهنى

ولازم نفوق

بعد إذن بقى كل اللى هيكلموا هنا وبما ان كل واحد هيكلم بدليل

انا عاوز أقول أنى حاصل على دكتوراه فى مقارنة الشرائع

والحمد لله كانت بجانب بكالريوس الطب

ومحضر أربع رسايل علميه فى الإسلام السياسى

وقبل كل هذا

عضو فى جماعة الإخوان المسلمين وتسرى دعوتها فى دمى وعروقى

ياريت أى حد هنا عاوز يناقشنى من الإخوه السلفيين يتفضل

وانا هثبتله ان بالتعريف اللى هو قاله بأن السلفيين تعنى اتباع منهج السلف الصالح كل السلفيين اللى على الساحه الان تقريبا ليسوا سلفيين

ولو هو هيختصر ويدينى التعريف التانى اللى هو سمات الملبس واللحيه والفكر السلفى الموجود فى كتبهم هثبتله ان فكرته غير صحيحه من الأساس علشا نبقى نخلص من موضوع سلفى ده ونرتاح صح ولا أنا غلطان ؟؟؟

فى أنتظار أى رد

وقريبا جدا سأكون معكم بقلمى فى الجامعه وفى مجلتكم

أقصد فى مجلة د خالد البوهى التى اتشرف أن اكتب لها

وان اكون ممن يكتبون فيها

لسبب واحد وان هذه المجله هى مجله لأحد ابطال ثورة 25 يناير

الى الأخ واضع الموضوع
أنتظر ردك

أنظر كيف ترى .

من طرف ????? الخميس 12 مايو 2011, 5:03 pm

من أقوال د خالد البوهى المأثوره

الديمقراطيه حلال

الخلافه الإسلاميه ليست واجبه

تركيا هى نموذج لدوله إسلاميه حديثه ( تركيا العالمانيه !!!! )

الإسلام ليس دوله ثابته ولا يوجد شىء أسمه دوله إسلاميه

الليبراليين ليسوا خارجين عن الإسلام ويجب ان نستفيد منهم !!!

الأتحاد الأوربى هو نموذج أفضل من خلافة أبى بكر وعمر

وأخيرا وصل به الأمر ان يعتدى على خير الخلق

سيدنا محمد صلى الله عليه وسلم

وقال

الرسول يخطا ويصيب

حسبى الله ونعم الوكيل فيك
حسبى الله ونعم الوكيل فيك

مره اخرى كلامى ليس للتجريح وأنا لست كاذبا ولو أنا كذاب هو بنفسه يطلع يقول أنه مقالش كده وانا هتأسف له أمام الجميع

بس يطلع يرد ويقول قال كده أم لا

أفيقوا يا مسلمين

أفيقوا يا مسلمين

إنه مخطط علمانى منظم ضد الإسلام

واخر شىء

أحب ان أنبه ان البعض يحسبه على الإخوان المسلمين
والإخوان براء منه

براء منه

اللهم أحمى الإسلام والمسلميين من العالمانيين

من طرف **القلب الطائر** الخميس 12 مايو 2011, 7:24 pm

كاتب الموضوع
اللى بيقول كلام غريب جداواللى فاكر اننا هنصدقة واللى فاكر ان باللى بيعمله دة بيكشف سر الاسرار الحربية احب اقولك ان بجد ربنا يهديك لما تقول اننا وهمين وليس لنا وجود وان دكتور خالد كان مع مبارك وان سجدة شاكك فيها وشكلها وهمية واحنا اكيد معها يبقى ربنا يهديك وتفوق من غيببوبة الباطل اللى انت فيها والكلام المزيف العبيط دة ولما تعمل البوم باقوال دكتور خالد الماثورة وفكرنا هنصدق اللى فيها يا استاذ ومش عارفةانا لية بحترمك بس يلا الاحترام حلو برض بس للاسف انت لاتستحقة بس خلينا كويسين لحد الاخر انت مقطع الكلام دة من كلام قاله فعلا بس اكيد وراه كلام تانى وكلام بعدية يوضح ان كلامه صح لكن انت عملته مونتاج وطلعتة وبروزتة وخليتة وحش ومعناه قاسى عشان نصدقك ونقول ياااااااااه دة دكتور خالد يقول كدا اوووووبا لا فوق احنا مش عقلية ساذجة للدرجة دى حيل بتاعت الاطفال ياريت نبطل شغل البوليس دة والمخابرات والتوقيع والكلام الفارغ دة ونتبنة بقا لدراستنا لان زى مانت بتقول طالب ذاكر احسن ونبطل شغل العيال دة بقا

من طرف **لؤلؤة** الخميس 12 مايو 2011, 8:50 pm

ههههههههههه يالهوى اغيب يوم اجى الاقى نفسى وهمية
وكمان بقيت الاعضاء وهمين هههه
ياحرام والله تصدقوا كاتب الموضوع ده صعبان علية اوووووووووى اصلة محتاج لعلاج نفسى وعقلى
يلا ربنا يشفى كل مريض
بس يا جماعة يعنى صاحب الموضوع ليه حق ميدخلش ويرد تانى اصلة يا حرام مش فاضى يدخل بنفس النيم عمال كل شويه يغيرة مرة حقيقة ومرة استفسار المرة اللى جايه هيكون استهبال ههههه

والله كويس انه فاضى اوووووووى كدة بس والله الفضى وحش بيؤدى الى حاجات مش كويسة خالص ذى ما انتوال شايفين ربنا يبعد عنكوا كلكوا

بس عايزة ااقول لصاحب الموضوع التحفة ده بجد مرسى خليتنا نضحك من قلبنا اصل كلامك مضحك اوووووى وياريت كمان تصدق ان فعلا المنتدى ده وهمى وياريت منشفكش هنا تانى ومش كل شويه تصدعنا ونلاقيك داخل كل شويه بنيم شكل

اتمنى لك الشفاء العاجل

من طرف **dandana ali** الخميس 12 مايو 2011, 11:55 pm

حاسب لحسن يجيلك الضغط ولا حاجة مننا
اصلك واضح انك متعرفناش حتى بعد ماردينا عليك اكتر برضو مصمم تشككنا

انا مش هعلق على ردك الاخير لان القلب الطائر ولؤلؤة ردهم كاااافى

وكل ماهتكلم هتلاقى حد يرد عليك

لأننا ببساطة هنا اخوات فى الله وبنقول الحق ومش ناس جبانة بعيد عنك طبعا ههههههههههههه

واعتقد اننا عندنا عقل بما يكفى للحكم على الشخصية اللى قدامنا

بس سؤال يعنى هو حضرتك بخرت الكمبيوتير ولا لأ؟؟؟
اصلى واضح انك بقيت بتكلم اشباح زينا بقى وبنجامل الدكتور
هههههههههههههههههههههههه

فعلا الفاضى يعمل قاضى

وله فى خلقه شئون

والدكتور لما هيفضى اكيد هيدخل بالرغم انى شايفة ان حتى لو دخل الموضوع مايستاهلش اساسا لان مش نقد
ده شغل ناس فاضية
حقووودة
وجبااانة

وعايزة تطلع القطط الفاطسة فى شخصية قدامها ولما لقيت ناس مش مصدقة بقينا احنا كمان عفاريت
ههههههههههههههههههههه

نصيحة من واحدة قديمة هنا فى المنتدى وليا الفخر طبعاااااا

ان عدى علينا امثالك كتييير ومن كل لون وشكل
اه والله الواحد ياما شاف وقال عجبى

وفى الاخر بيسكتوا
ومكانة الدكتور والمنتدى بتفضل زى ماهى
وهم اللى بيخسروا وبالعكس احنا بنترفع اكتر فى عيون الناس
يعنى فى صالحنا مش ضدنا
وانتم اللى بتملوا واحنا بنكمل
شقت ازاى انا عفريته طيبة وبنصحك كمان هههههههههههههههههههههههههههههههههههههه

أسئله الى مديركم اتمنى أن يجيب عليها وألا يحذف كلامى

أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى

رد: أسئله الى مديركم اتمنى أن يجيب عليها وألا يحذف كلامى