موضوع اتمنى انه يعجبكم

السلام عليكم

بنات عقب ما مريت في محنه مايعلم فيها الا رب العالمين
محنه تهد جبال وتشيب الطفل الصغير
الحمدالله على كل حال
هالمحنه خلتني افتح عيني على أشياء وايد وتعلمت اشياء وايد كنت غافله عنها بديني ودنيتي

قررت اني اكتب لكم تجربتي وانا واثقه ان هالكلام الي بقوله ما انطرح بالنت من قبل




اول شي

او اول شرط
اذا كنتي وانتي تقرين تعرفين ان بينك وبين رب العالمين ذنب يحجب استجابه الدعوه

ما انصحج تكملين بالقراءه








بسم الله أبدأ

كلنا كلنا نعرف اهميه حسن الظن وان نثق ان الدعوه مستحابه لا محاله

لــــــــــــــكــــــــــــن

عمرك تعمقتي أكثر بمعني حسن الظن ؟؟


يقـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ؟


1- أن كنتي تعتقدين وانتي ملحه بالدعاء وتبكين ان الله سوف يستجيب بعد سنه فيستجيب بعد سنه او ربما أكثر

اشلوووووون ؟؟

انا وانا اقوم اتوضأ للصلاه اجهز نفسي وأهيأها انا الحين بوقف بين يد رب العالمين وهو رحمن رحيم سبحانه ويعلم بحالتي الصعبه

وسوف ينجيييييييني وبسرعه

وبسرعه يا بنات
الظن بأن الله هو المغيث ويغير الحال بلمح البصر من حيث لا اعلم ولا ادري

اليس هو مسبب الاسباب سبحانه!!

وبالتالي

أعتقدي ان الله بيعطيك بعد يومين شيصير!!

طبعا احنا مانعلم الغيب بس من باب الثقه بالله مبدل الاحوال بلمح البصر

انا اقولك حطي في بالك ان الله سريع الاجابه اهم شي وخليك بنفس الوقت واقعيه بعيده عن الاوهام

مثلا عندك مشكله تحتاج الي حلها الي شهر مثلا
قولي بأذن الله مايخلص الشهر الا انحلت

تبين تسمعين خبر حلو

قولي بأذن الله خلال يومين اسمع خبر حلو

وبثقه

يمكن اول ثاني ثالث مره ما يستجاب لك بس صدقيني عقبها راح تشوفين احلامك تتحقق وبسرعه

ملاحظه : مع تكمله باقي الموضوع


ثانيا لا تنظري للكأس الفارغه
لاتخلين تفكيريك مركز على المشاكل والهموم الي تحبط نفسيتك وتهزك من داخل من غير ماتحسين
تقومين لما توقفين على سجاده الصلاه منكسره حزينه بائسه قصب صالبه طولك

وين الثقه اذن ؟؟

انزين اشلون لازم نفكر ؟؟

مشكلتك وين ومع منو ؟؟

مع زوجك مثلا ؟؟
خل نقول خاين والعياذ بالله
غصب غصب قنعي نفسك انها وساوس شيطان لوو بالكذب

قولي لااااا زوجي يحبني زوجي ما يخون ابدا زوجي كريم زوجي حنون

ليش اتسوين كذا ؟؟

1- اهو بيحس من عيونك انتي اشلون تنظرين له وبيستحي منك وراح يوصله الكهربا الي تطلع منا كلنا اتجاه بعض كهربا الحب او كهربا الكراهيه

مو انتي اكيد تعرفين بنت معاك بالدوام وعمرك ماقلتي لها اكرهك بس اهي تدري انك تكريهينها!!!

والعكس صحيح

الارواح جنود مجنده يا بنات

انظري للطرف الثاني نظره ايجابيه عشان يستشعرها ويعاملك على اساسها

2- تبكين عند ربك يارب حنن قلبه علي او او بدخلكم بسالفه ثانيه يارب ارزقني فلوس وايد

وترفعين راسك من الصلاه

ويييييييي هذا ما منه فايده
وييييي عيشتنا كله فقر من وين تجي الفلوس

هذه ثقتك بالله !!!

كاااااااااااااااااافي افكار سلبيه

الحين الحين تنظرين لنفسك ولمشكلتك ولزوجك ولوضعك المادي انك بخير لو انتي عايشه جحيم حتى لو بالكذب وانا اوعدك غيري افكارك تتغير حياتك عن تجربه

الشي الثالث

الحمد الحمد الحمد

حمدالله تعالى والامتنان له اكثر اهميه من الدعاء
اليوم الي تخصصين وقتك فيه فقط لحمدالله تأكدي ان وراه يوم فرج

حطي راسك على المخده وشوفي شنو حواليك من نعم

+

تخيلي ان مشكلتك انحلت هم لو خياااااااااال

عيشي افكار حلوه ووخري السلبيه

وبعدها هذا المهم
قولي الحمدالله الي ابيه حاسه بيصير قريب شفته بعيوني !!

المحرومه من الظنا اقولها روحي اشتري ملابس البيبي وتخيلي ان موجود وقولي الحمد

والي تبي تتزوج جهزي وقولي الحمدالله ان حاسه ان عرسي قرب

والي زوجها بعيد او زعلان تتخيل ان يحظنها ويطبطب عليها وانها سعيده معاه

بسسسسسسس

بسسسس

اياااااااك اياااااااااك من الشعور بالحرمان والقهر والنقص والأنكسار

تفاااااااائلي

الشعور بالحرمان يجلب المزيد منه يا بنات


انتوا مو جربتوا الشعور بالحرمان والوحده وهالافكار السلبيه مده طويله
وما استفدتوا

جربوا طريقي شهر
وشوفوا



الشي الرابع

التعلق الشديد بالشي يخليه ينفر منك

او يهرب منك

وهذا ايضا ينافي الثقه


بعد الدعاء اقول
استودعتك ياربي دعائي وحاجتي سبحانك لاتضيع ودائعك
انتهى
التفت لحياتي

الحين لما تطلبين من عزيز عليك ابوك او اخوك شي مو انتي واثقه ان تم وصار

ولله المثل الاعلى
اشلون تشكين بأن الدعوه مستجابه واهي عند المجيب مالك الملك سبحانه

تتوترين وتنهارين وتحاتين وكئيبه

بعد اشلون صاير الشك والقنوط والعياذ بالله

انزين في بنات يسئلون اشلون الح ( من الالحاح ) بالدعاء واشلون ما اتعلق بالشي

اقولك موووو تلحين

الا خلي السانك يعورك وانتي تدعين
وعيونك تدمع

ولكن

بس ترفعين راسك جابلي نفسك وحياتك وخلي امانتك عند رب كريم ما ينساج ولااااااا تفكيرييييين






الشي الخامس

فتح حساب لحسانتك

خلي ميزانك يثقل بالحسنات
والناس الخيرين قريبين من الله سبحانه ويحبهم الله وينصرهم

اشلون اثقل ميزاني

الصدقه لو ربع دينار والدعاء بعدها - قراءه القرآن كل يوم اجبااااااااااااااااري 5 صفحات يعني 5 دقايق يعني 4ختمات بالسنه - الحرص على الاذكار الي تزيد الحسنات مثل قراءه سوره الصمد 3 مرات او الاستغفار لك وللمؤمنين وللمؤمنات الاحياء منهم والاموات

تكونين خذيتي اجر كل المؤمنين سبحان الله

وحرف القرآن بحسنه والحسنه بعشر امثالها

يكون ميزانك ثقل
وعندك رصيد

ترفعين ايدك فيستجااااااب لك سبحان الله


الشي السادس

اياك والمعاصي واشاعه الفاحشه
مو تتسلين بنشر صور الفنانات وتسمعين رفيجاتك اغاني تقومين تاخذين كل ذنب الي سمعوا وشافوا

نبي رصيد يا بنات









الشي الاخير

اياك والغرور ان تحققت لك سرعه الاستجابه

واياك والاحباط ان تأخرت عنك


ماشاء الله تبارك الرحمن



ماشاء الله تبارك الرحمن



انا تحققت لي 3 دعوات بشهر
ادعي الصبح يصير بليل

والحين انا في اختبار

هل اكمل او اتراجع

وادعي حاليا ولايستجاب لي
لان رب العالمين عطاني وما يبيني انغر

سبحان الله
فمنع عني الاجابه واعلم انه منع مؤقت ووراه فرج كبير واني بأختبار

لاتنسون
احنا ناخذ بالاسباب فقط

ومو كلها بعد

الاسباب العظيمه بيد الله

والدعاء يرد القضاء
والنتيجه بعد بيده سبحانه

فأن استجاب لك اياك والغرور وان تأخرت الاجابه تفائلي واستشعري الخير

اخيرا

هذا الموضوع كتبته لكم بعد تجربتي الصعبه

فأن اصبت فهو من الله
وان اخطئت فمن نفسي ومن الشيطان


اخواتي هذا الموضوع قراته في احدى المنتديات واعجبني جدااااااا فاحببت نقله لكم عسى ان ننتفع به
فلا تنسوني من صالح دعواتكم
منقوووووووول

موضوع حلو جدااااااا ياقلبى الطائر



فعلا الانسان لازم ينظر لنصف الكوب الملىء ويعرف ان ربنا معاه وان ربنا مش هيدى للانسان كل حاجة

ويحمد ر بنا على كل شىء



جزاكى الله خيرا ياقلب الطائر على التوبيك

دودو وعذورة نورتم يا حبايبى وجزانا واياكم خيرا

ما شاء الله كلام رائع



جزاك الله خيرا