هتعمل إيه ...؟؟؟ اتمنى ان تعجبكم

من طرف **نوسة** الإثنين 25 أكتوبر 2010, 12:47 am

هتعمل إيه ....؟

هتعمل إيه لو جيت في وم لقيت نفسك ماهيش نفسك ؟
وتاني يوم لقيت حرف وراه حرف
بينقص تاني من إسمك
ويوم تالت كانت ناسك تزقك بره بروازك
وحبة تلاقي على حافة بروز عالم
يكون ساسك
هتعمل إيه؟

يفور دمعك .. يلاقي جفون
تحبسه ، تغطيه
يسيل دمك وتحت ظنون
تنزفه ، ترميه
يكون ألمك غداك وبالهوى تحليه
ولو في يوم دق الفرح بابك
من الشباك تناديه
وتعمل إيه؟

وتبات تفكر تعمل إيه؟
وتقوم من صحيان النوم
تقول أوري للفرح قلبي
ولا بلاش
.أداريه
وتقول أمرجح علامال حبي
ولا بلاش .
خليه
وتزيد ، تعيد
وبلاش ولاء تقول
وفي الآخر سؤال يخبط جذور عقلك
ينخرب تاني في مشاعرك
يقولك : ها وأخرتها؟
هتعمل إيه؟

حيطان تتربس على روحك وتمنعها
تصونها ولا تخدعها
تقولك ولا متقولشي
بتسمعها
وودنك ليها مشتاقة
بأوجاعها
تحوشها بإيدين من ورق
ممكن تقطعها
تلومها بكلام من ملام
يمكن يرجعها
ولا بترجع
ولا تخشع لدمعة وحرف
وآآه بتضرب جوه في ضلوعك
ونبض مجنون يسري في عروقك
وكل نظرة وهمسة من كونك
لشمسك تحكي وتخونك
تزيد همك وأحزانك
تسيب جواك سؤال حاير
يزن عليك
يلاعبك لحظة ويغافلك
يقول تاني من الأول
هتعمل إيه بكره يا مدهول ..........

منقوووووووووول

رائعه عجبتنى على فكره

من زمان مشوفناش شعر بسيط وجميل

من طرف heba الخميس 28 أكتوبر 2010, 10:54 pm

نوسه هتعملي أيه أنتي لوحصل كده معاكي
على فكره شعر جميل
هتعمل إيه ...؟؟؟ اتمنى ان تعجبكم 16612

من طرف **نوسة** السبت 30 أكتوبر 2010, 10:41 pm

ميرسى جداااااا فاروق المصرى نورت بمرورك
هبة منورة يا جمييييل هعمل ايه!!!! على فكرة انا حاسة بكل كلمة فيه اليومين دول كدة مش عارفة ليه بس هعمل ايه بحاول اخرج نفسى من المود وابص للحياة نظرة وردية شوية صحيح مش عارفة اوى من الضغوط اللى عليا لكن بحاول

هتعمل إيه ...؟؟؟ اتمنى ان تعجبكم

هتعمل إيه ...؟؟؟ اتمنى ان تعجبكم

رد: هتعمل إيه ...؟؟؟ اتمنى ان تعجبكم

رد: هتعمل إيه ...؟؟؟ اتمنى ان تعجبكم

رد: هتعمل إيه ...؟؟؟ اتمنى ان تعجبكم